સુપર ઈન્ટેલિજન્ટ ડોગી? OMG આ ડોગીને ગણિત આવડે છે! જૂઓ વીડિયો
- બુદ્ધિશાળી શ્વાનનો વીડિયો થયો વાયરલ
ગણિતના પ્રશ્નોના આપે છે સાચા જવાબો
સ્માર્ટ ડોગે જીતી લીધું નેટીઝન્સનું દિલ
21 મે: જો તમે એવું માનતા હોય કે શિક્ષણ માત્ર માણસો માટે જ છે, તો તમે ખોટા છો. હાલમાં જ એક શ્વાનનો વીડિયો વાયરલ થઈ રહ્યો છે જે ગણિતના પ્રશ્નોના સાચા જવાબો આપીને તમને ચોંકાવી દેશે.
વ્યક્તિ પોતાની જરૂરિયાતો અને શોખ અનુસાર પોતાના ઘરમાં અનેક પ્રકારના પ્રાણીઓ રાખે છે. પ્રાણીઓને મનુષ્યનો ખૂબ સારો મિત્ર માનવામાં આવે છે. તેમની સાથે રહીને તેઓ પણ તેમની વાત સમજવા અને સાંભળવા લાગે છે. બધા પ્રાણીઓમાં, શ્વાનને સૌથી પ્રેમાળ, સંભાળ રાખનાર અને વિશ્વાસુ પ્રાણી માનવામાં આવે છે, જે મનુષ્યની ખૂબ કાળજી લે છે અને પરિવારના સભ્યની જેમ તેમના ઘરમાં તેમની સાથે રહે છે. જો તેઓને યોગ્ય રીતે તાલીમ આપવામાં આવે તો તેઓ તમને આશ્ચર્યજનક પરિણામો આપી શકે છે. આવા જ એક શ્વાનનો વીડિયો વાયરલ થઈ રહ્યો છે.
એક શ્વાન જે ઉકેલે છે ગણિતનાં પ્રશ્નો
તમે ઘણીવાર સારાથી સારા લોકોને પણ ગણિતના નામે કંટાળી જતા જોયા હશે, પરંતુ આજે અમે તમારી સાથે એક વીડિયો શેર કરી રહ્યા છીએ જેમાં એક શ્વાન તેના માલિકના કહેવા પર ગણિતના પ્રશ્નોના સાચા જવાબો આપતો જોવા મળે છે. અત્યારે આ વિડિયો દરેકની પ્રથમ પસંદગી બની ગયો છે, જેમાં એક સુંદર શ્વાન ગણિતના સરવાળા, બાદબાકી, ગુણાકાર અને ભાગાકારના સાચા જવાબો આપતો જોવા મળે છે.
વાસ્તવમાં, આ વીડિયો Lunatheminicockapoo નામના ઇન્સ્ટાગ્રામ એકાઉન્ટ દ્વારા શેર કરવામાં આવ્યો છે. આવા વીડિયોને કેપ્શન આપવામાં આવ્યું છે, ‘મારા શ્વાન સાથે ગણિત’, જેમાં માલિક તેના શ્વાનને પૂછે છે કે 12/3 કેટલા થશે. થોડીવાર વિચાર્યા પછી, શ્વાન તેના પંજા વડે ચાર વાર મલિકના ખભાને સ્પર્શ કરીને જવાબ આપે છે. તે પછી તેમનો આગળનો પ્રશ્ન એ છે કે 7-4 કરીએ તો કેટલું બચશે. જવાબમાં, શ્વાન મલિકના ખભાને ત્રણ વાર સ્પર્શ કરે છે. તે પછી તે શ્વાનને આગળ પૂછે છે કે 3 ગુણ્યા 2 કેટલા થશે? ત્યારે સાચો જવાબ આપતા, શ્વાન તેના માલિકના ખભાને છ વખત સ્પર્શે છે. અંતે શ્વાનના માલિકે તેને પૂછ્યું કે 5+2 કેટલા થાય? તો શ્વાન માલિકના ખભાને ફરીથી સાત વાર સ્પર્શ કરે છે અને તેનું હૃદય જીતી લે છે.
અહી જુઓ વીડિયો:
View this post on Instagram
સ્માર્ટ ડોગે જીતી લીધું નેટીઝન્સનું દિલ
આ વીડિયોને અત્યાર સુધીમાં 2.8 મિલિયન લાઈક્સ મળી છે અને 1.2 મિલિયન વખત શેર કરવામાં આવ્યો છે. કેટલાક લોકો કોમેન્ટ બોક્સમાં કહે છે કે, ‘લુનાના એક્સપ્રેશન્સે બધાના દિલ જીતી લીધા.’ કેટલાક લોકો તેને સ્માર્ટ ડોગ કહી રહ્યા છે. આ વીડિયો જોઈને એક વ્યક્તિ કહે છે કે,’મલિક જેવો ગુડ કહે છે તરત જ શ્વાન ત્યાં જ અટકી જાય છે,એટલે કે આ સિગ્નલ છે, શ્વાનને રોકવાની આ તેની યુક્તિ છે.’ આ વીડિયોમાં કૂતરાની ક્યુટનેસથી બધાના ચહેરા પર સ્મિત ફેલાયું છે.
આ પણ વાંચો: શૂટિંગ શરુ થયા પછી સંજય દત્તે અક્ષય કુમારની વેલકમ 3 છોડી દીધી! જાણો કારણ
