સની દેઓલની ફિલ્મ ગદર 2એ બોક્સ ઓફિસ પર મચાવી ધુમ, જાણો કલેક્શન

HD ન્યૂઝ ડેસ્ક: સની દેઓલની ગદર 2 ફિલ્મ 11 ઓગસ્ટના રોજ સિનેમાઘરોમાં રિલીઝ થઈ હતી. જેને દર્શકો દ્વારા ખૂબ પસંદ કરવામાં આવી રહ્યી છે. ફિલ્મને ચાહકો તરફથી સકારાત્મક પ્રતિસાદ મળ્યો છે. ‘ગદર 2’ને લઈને મિશ્ર પ્રતિક્રિયા મળી રહી છે. પ્રથમ દિવસે ફિલ્મે બોક્સ ઓફિસ પર કમાલ કરી દીધી છે. તેણે પહેલાજ દિવસે ખુબજ અદ્ભુત કલેક્શન કર્યું છે.

જાણો કેટલું કલેક્શન કર્યું?

સની દેઓલની ફિલ્મ ‘ગદર 2′નું બોક્સ ઓફિસ પર પ્રથમ દિવસનું કલેક્શન એડવાન્સ બુકિંગમાં ઘણું બધું જોવા મળ્યું છે. સચનિકના રિપોર્ટ અનુસાર, એવું કહેવામાં આવી રહ્યું છે કે સની દેઓલ અને અમીષા પટેલની જોડીએ પહેલા દિવસે 40 કરોડનું નેટ કલેક્શન કર્યું છે. આ કમાણી સાથે તે વર્ષ 2023ની બીજી સૌથી મોટી ઓપનિંગ કરનારી ફિલ્મ બની ગઈ છે. શાહરૂખ ખાનની ફિલ્મ ‘પઠાણ’ નંબર વનનું સ્થાન જાળવી રાખ્યું છે. શાહરુખ ખાનની પઠાણ ફિલ્મે શરૂઆતના દિવસે તેણે 57 કરોડનું કલેક્શન કર્યું હતું.

સકીના-તારા સિંહની જોડી 22 વર્ષ પછી પડદા પર આવી

‘ગદર’ની બીજી સિક્વલ 22 વર્ષ બાદ સિનેમાઘરોમાં રિલીઝ થઈ છે. ગદર 2ના માધ્યમથી તારા સિંહ અને સકીનાની જોડી ફરી એકવાર પડદા પર જોવા મળી છે, જે હિટ રહી છે. દર્શકોએ તેમના પર ભરપૂર પ્રેમ વરસાવ્યો છે. સની દેઓલ, અમીષા પટેલ અને તેમના પુત્રના રોલમાં ઉત્કર્ષ શર્માને લોકોએ ખુબજ પસંદ કર્યો છે. હવે જોવાનું એ રહેશે કે ફિલ્મ તેના પહેલા વિકેન્ડમાં કેટલું કલેક્શન કરે છે?

અક્ષય કુમારની OMG 2 પણ 11 ઓગસ્ટે જ બોક્સ ઓફિસ પર જોવા મળી

સની દેઓલની ગદર 2 અને અક્ષય કુમારની ફિલ્મ OMG 2 બન્ને એક સાથે બોક્સ ઓફિસ પર આવવાથી અક્ષય કુમારની OMG2ના ચાહકો ઘટ્યા છે. ત્યારે બોક્સ ઓફિસ પર સની દેઓલ અને અક્ષય કુમારની ફિલ્મ વચ્ચે જોરદાર જંગ જોવા મળી રહ્યો છે. સચનિકના રિપોર્ટમાં શરૂઆતના આંકડા 9.50 કરોડ જણાવવામાં આવી રહ્યા છે. પહેલા દિવસે અક્ષયની ફિલ્મની કમાણી ઘણી ધીમી હોવાનું જાણવા મળ્યું છે. જોકે, તેનું કલેક્શન ‘રોકી ઔર રાની કી પ્રેમ કહાની’ કરતાં ઓછું અને ‘સત્યપ્રેમ કી કથા’ કરતાં વધુ છે.

આ પણ વાંચો: વિવેક અગ્નિહોત્રીએ પોતે દેવાદાર થઈ ગયા હોવાનો કર્યો ખુલાસો, કહ્યું- ‘મેં The Kashmir Filesમાંથી પૈસા કમાયા…’