સુનિતા વિલિયમ્સનું ધરતી પર પાછા ફરવાનું કાઉનડાઉન શરુ,વાપસી માટે લોન્ચ થયું ક્રૂ 10 મિશન
નવી દિલ્હી, 15 માર્ચ 2025: ભારતીય મૂળના અમેરિકન અવકાશયાત્રી સુનિતા વિલિયમ્સ ક્યારે પૃથ્વી પર પાછા ફરશે તે જાણવા માટે દરેક વ્યક્તિ આતુરતાથી રાહ જોઈ રહ્યા છે. છેલ્લા ૩૦૦ દિવસથી અવકાશમાં ફસાયેલા સુનિતાના પાછા ફરવાનું કાઉન્ટડાઉન શરૂ થઈ ગયું છે. નાસા-સ્પેસએક્સે સુનિતા અને બુચ વિલ્મોરના વાપસી માટે ગઈકાલે એટલે કે શુક્રવારે ક્રૂ-10 મિશન લોન્ચ કર્યું છે. આ મિશન ફાલ્કન 9 રોકેટ દ્વારા લોન્ચ કરવામાં આવ્યું હતું.
આ મિશન આજે આંતરરાષ્ટ્રીય અવકાશ કેન્દ્ર પહોંચશે. સુનિતા અને બુચ 20 માર્ચ પછી પાછા ફરે તેવી અપેક્ષા છે. હકીકતમાં જોઈએ તો, બુધવારે, આ ક્રૂ-10 મિશનનું લોન્ચિંગ મુલતવી રાખવામાં આવ્યું હતું કારણ કે તેની હાઇડ્રોલિક સિસ્ટમમાં કેટલીક સમસ્યાઓ હતી, જેના કારણે તેનું લોન્ચિંગ રોકવું પડ્યું હતું. આ મિશન શુક્રવારે સફળતાપૂર્વક લોન્ચ કરવામાં આવ્યું છે. આખી દુનિયા સુનિતાના પૃથ્વી પર પાછા ફરવાની રાહ જોઈ રહી છે.
Have a great time in space, y’all!
#Crew10 lifted off from @NASAKennedy at 7:03pm ET (2303 UTC) on Friday, March 14. pic.twitter.com/9Vf7VVeGev— NASA (@NASA) March 14, 2025
સુનિતા અને બુચની વાપસી અંગે, નાસાના કોમર્શિયલ ક્રૂ પ્રોગ્રામ મેનેજર સ્ટીવ સ્ટિચે કહ્યું છે કે તેઓ આ મિશનથી ખૂબ ખુશ છે. તેમણે કહ્યું કે બૂચ અને સુનિતાએ ખૂબ જ સારું કામ કર્યું છે અને અમે તેમને પાછા મેળવવા માટે આતુર છીએ. નવી ટીમ અવકાશમાં પહોંચ્યાના બે દિવસ પછી, અવકાશયાત્રીઓ પૃથ્વી પર પાછા ફરવાની યાત્રા શરૂ કરશે.
સુનિતા છેલ્લા 9 મહિનાથી અવકાશમાં ફસાયેલી છે
૫૮ વર્ષીય સુનિતા અને ૬૧ વર્ષીય બુચ ૮ દિવસ માટે અવકાશમાં ગયા હતા. ૫ જૂન, ૨૦૨૪ ના રોજ, તેમણે બોઇંગના સ્ટારલાઇનર અવકાશયાનમાં ઉડાન ભરી હતી. જ્યારે સુનિતા પરત ફરી રહ્યા હતા, ત્યારે સ્ટારલાઇનર અવકાશયાનના થ્રસ્ટરમાં ટેકનિકલ ખામી સર્જાઈ હતી. ત્યારથી સુનિતા અને બુચ અવકાશમાં અટવાયેલા છે. લગભગ ૯ મહિના થઈ ગયા. નાસા અને સ્પેસએક્સ સંયુક્ત રીતે તેમના પાછા ફરવા માટે મિશન હાથ ધરી રહ્યા છે.
