સુનીલ ગાવસ્કરે કોને ભારત રત્ન આપવાની સરકારને કરી અપીલ? જાણો
- ભારતીય ટીમને T20 વર્લ્ડ કપની ચેમ્પિયન બનાવીને રાહુલ દ્રવિડે પોતાનો કાર્યકાળ સમાપ્ત કરી દીધો
HD ન્યૂઝ ડેસ્ક, 7 જુલાઇ: દિગ્ગજ ભારતીય બેટ્સમેન સુનીલ ગાવસ્કરે પૂર્વ ખેલાડી અને ભારતીય ટીમના મુખ્ય કોચ રાહુલ દ્રવિડને સર્વોચ્ચ નાગરિક સન્માન ભારત રત્ન આપવાની માંગ કરી છે. દ્રવિડનો કોચ તરીકેનો કાર્યકાળ T20 વર્લ્ડ કપ ફાઈનલ બાદ સમાપ્ત થઈ ગયો છે. ટીમને T20 વર્લ્ડ કપની ચેમ્પિયન બનાવીને રાહુલ દ્રવિડે પોતાનો કાર્યકાળ સમાપ્ત કર્યો છે. ભારતે કોચ તરીકે દ્રવિડના નેતૃત્વમાં ઘણી સિદ્ધિઓ હાંસલ કરી હતી, જેમાં વર્લ્ડ ટેસ્ટ ચેમ્પિયનશિપ (WTC) અને ODI વર્લ્ડ કપ 2023નો રનર અપ બનવાનો પણ સમાવેશ થાય છે. આ ઉપરાંત ટીમે દ્રવિડના નેતૃત્વમાં એશિયા કપનો ખિતાબ પણ જીત્યો હતો.
Sunil Gavaskar in today’s @mid_day, @sundaymidday pic.twitter.com/T3PvTmEvaH
— Clayton J Murzello (@ClaytonMurzello) July 7, 2024
કોચ હોવા ઉપરાંત રાહુલ દ્રવિડે ભારતીય ક્રિકેટમાં પણ ઘણું યોગદાન આપ્યું છે. તેઓ નેશનલ ક્રિકેટ એકેડમી (NCA)ના વડા રહી ચૂક્યા છે અને 2018માં અંડર-19 વર્લ્ડ કપ જીતનાર ભારતીય ટીમના કોચ પણ હતા. એક ખેલાડી તરીકે રાહુલ દ્રવિડે 24,177 રન બનાવ્યા છે. દ્રવિડનો પ્રભાવ મેદાન પર અને મેદાનની બહાર ઘણો રહ્યો છે.
સુનીલ ગાવસ્કરે પોતાના લેખમાં રાહુલ દ્રવિડ વિશે શું કહ્યું?
