સુનીલ ગાવસ્કરે કોને ભારત રત્ન આપવાની સરકારને કરી અપીલ? જાણો

Poojan Patadiya Last Updated: જુલાઇ 7, 2024

324 2 minutes read

ભારતીય ટીમને T20 વર્લ્ડ કપની ચેમ્પિયન બનાવીને રાહુલ દ્રવિડે પોતાનો કાર્યકાળ સમાપ્ત કરી દીધો

HD ન્યૂઝ ડેસ્ક, 7 જુલાઇ: દિગ્ગજ ભારતીય બેટ્સમેન સુનીલ ગાવસ્કરે પૂર્વ ખેલાડી અને ભારતીય ટીમના મુખ્ય કોચ રાહુલ દ્રવિડને સર્વોચ્ચ નાગરિક સન્માન ભારત રત્ન આપવાની માંગ કરી છે. દ્રવિડનો કોચ તરીકેનો કાર્યકાળ T20 વર્લ્ડ કપ ફાઈનલ બાદ સમાપ્ત થઈ ગયો છે. ટીમને T20 વર્લ્ડ કપની ચેમ્પિયન બનાવીને રાહુલ દ્રવિડે પોતાનો કાર્યકાળ સમાપ્ત કર્યો છે. ભારતે કોચ તરીકે દ્રવિડના નેતૃત્વમાં ઘણી સિદ્ધિઓ હાંસલ કરી હતી, જેમાં વર્લ્ડ ટેસ્ટ ચેમ્પિયનશિપ (WTC) અને ODI વર્લ્ડ કપ 2023નો રનર અપ બનવાનો પણ સમાવેશ થાય છે. આ ઉપરાંત ટીમે દ્રવિડના નેતૃત્વમાં એશિયા કપનો ખિતાબ પણ જીત્યો હતો.

Sunil Gavaskar in today’s @mid_day, @sundaymidday pic.twitter.com/T3PvTmEvaH

— Clayton J Murzello (@ClaytonMurzello) July 7, 2024

કોચ હોવા ઉપરાંત રાહુલ દ્રવિડે ભારતીય ક્રિકેટમાં પણ ઘણું યોગદાન આપ્યું છે. તેઓ નેશનલ ક્રિકેટ એકેડમી (NCA)ના વડા રહી ચૂક્યા છે અને 2018માં અંડર-19 વર્લ્ડ કપ જીતનાર ભારતીય ટીમના કોચ પણ હતા. એક ખેલાડી તરીકે રાહુલ દ્રવિડે 24,177 રન બનાવ્યા છે. દ્રવિડનો પ્રભાવ મેદાન પર અને મેદાનની બહાર ઘણો રહ્યો છે.

રાહુલ દ્રવિડ - - HDNews

સુનીલ ગાવસ્કરે પોતાના લેખમાં રાહુલ દ્રવિડ વિશે શું કહ્યું?

સુનીલ ગાવસ્કરે એક લેખમાં લખ્યું છે કે, જો ભારત સરકાર રાહુલ દ્રવિડને ભારત રત્નથી સન્માનિત કરે તો તે યોગ્ય રહેશે, કારણ કે તે ખરેખર તેને લાયક છે. એક મહાન ખેલાડી અને કેપ્ટન જેમણે વેસ્ટ ઈન્ડિઝમાં સીરિઝ જીતી અને ઈંગ્લેન્ડમાં ટેસ્ટ શ્રેણી જીતનાર ત્રીજા ભારતીય કેપ્ટન બન્યા. NCAના પ્રમુખ તરીકે, તેમણે યુવા પ્રતિભાને પોષી અને પછી વરિષ્ઠ ભારતીય ટીમના કોચ બન્યા. વર્ષની શરૂઆતમાં સમાજમાં મહત્ત્વપૂર્ણ યોગદાન આપનાર કેટલાક લોકોને ભારત રત્ન મળ્યો હતો. તેમના સૌથી પ્રખર સમર્થકો પણ સંમત થશે કે તેમનો પ્રભાવ મોટાભાગે તેમના પક્ષ અને દેશના ભાગ પૂરતો મર્યાદિત હતો જ્યાંથી તેઓ આવ્યા હતા.

ગાવસ્કરે આગળ લખ્યું કે, દ્રવિડની સિદ્ધિ એવી છે કે તેમણે સમગ્ર દેશને ખુશી આપી છે. ચોક્કસપણે દ્રવિડ દેશના સર્વોચ્ચ સન્માનને પાત્ર છે. આવો, મારી સાથે મળીને સરકારને દેશના મહાન સપૂતનું સન્માન કરવાની માંગણી કરો. ભારત રત્ન રાહુલ શરદ દ્રવિડ, આ સાંભળવામાં સારું લાગશે ને?

સુનીલ ગાવસ્કરે તેમના રમતના દિવસો દરમિયાન રાહુલ દ્રવિડના નિઃસ્વાર્થ વલણની પણ પ્રશંસા કરી હતી, જે ભારતીય ટીમના મુખ્ય કોચ તરીકે તેમના સમય દરમિયાન ચાલુ રહ્યું હતું.ગાવસ્કરે આગળ લખ્યું કે, જ્યારે તે રમી રહ્યા હતા ત્યારે રાહુલ દ્રવિડે તે બધું કર્યું જે તેમને કહેવામાં આવ્યું હતું. જ્યારે દિવસની રમતની છેલ્લી ક્ષણોમાં વિકેટ પડતી હતી ત્યારે દ્રવિડ પોતે બેટિંગ કરવા માટે ક્રીઝ પર પહોંચી જતો હતો.

આ પણ જુઓ: જય શાહે કરી મોટી જાહેરાતઃ કોની કેપ્ટન્સીમાં રમાશે ચેમ્પિયન્સ ટ્રોફી અને WTC ફાઈનલ, જાણો