‘અમને કઈ નથી આવડતું’ રોહિત શર્મા પર ભડક્યા સુનિલ ગાવસ્કર
HD ન્યૂઝ ડેસ્ક : ભારત સિડની ટેસ્ટ અને બોર્ડર-ગાવસ્કર ટ્રોફી હારી ગયા બાદ પૂર્વ ક્રિકેટર સુનીલ ગાવસ્કર ખૂબ જ ગુસ્સે દેખાતા હતા. તેમણે ટીમ મેનેજમેન્ટ અને કેપ્ટન રોહિત શર્મા પર પણ નિશાન સાધ્યું હતું. જો કે તેમણે કોઈનું નામ ન લીધું, પરંતુ તેણે કટાક્ષ કરતાં કહ્યું કે ભૂતપૂર્વ ક્રિકેટરોને કંઈ ખબર નથી, તો તેઓ શું સલાહ આપશે. ગાવસ્કરનું આ નિવેદન રોહિત શર્માના નિવેદન બાદ આવ્યું છે જેમાં રોહિતે પૂર્વ ક્રિકેટરો અને પત્રકારો પર સવાલ ઉઠાવ્યા હતા. આ પછી ગાવસ્કર ગુસ્સે થઈ ગયા અને કઠોર શબ્દો બોલ્યા.
ગાવસ્કરે કહ્યું – અમને કંઈ ખબર નથી
સિડની ટેસ્ટ સમાપ્ત થયા પછી, સુનીલ ગાવસ્કરે રોહિત શર્માને આડેહાથ લીધા. સ્ટાર સ્પોર્ટ્સ સાથે વાતચીત દરમિયાન ગાવસ્કરને પૂછવામાં આવ્યું કે, ‘શું ભારતે પહેલા મેચ રમીને સારી તૈયારી કરવી જોઈએ? તમે અમને સિરીઝ પહેલા પ્રેક્ટિસ મેચ રમવા માટે કહ્યું હતું.’ તેના જવાબમાં તેમણે કહ્યું, ‘અરે અમને કંઈ ખબર નથી. અમે ક્રિકેટ નથી જાણતા. અમે ટીવી પર બોલવા માટે જ છીએ. અમારી વાત ન સાંભળો.
રોહિતના આ નિવેદન પર ગાવસ્કર ગુસ્સે થઈ ગયા
સિડની ટેસ્ટના બીજા દિવસે રોહિત શર્માએ સ્ટાર સ્પોર્ટ્સ સાથે વાત કરી હતી. તેણે કોઈનું નામ લીધા વિના ભૂતપૂર્વ ક્રિકેટરો અને પત્રકારો પર પ્રહારો કર્યા. ભારતીય કેપ્ટને કહ્યું હતું કે, ‘જે લોકો અંદર માઈક, લેપટોપ કે પેન લઈને બેઠા છે તેઓ નક્કી નહીં કરે કે અમારે શું કરવાનું છે. અમે જાણીએ છીએ કે શું સાચું છે અને શું ખોટું છે. હું બે બાળકોનો પિતા છું, તેથી મને જીવનમાં શું જોઈએ છે તેનો થોડો ખ્યાલ છે.
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
રોહિત ખરાબ રીતે નિષ્ફળ રહ્યો
રોહિત શર્માએ ઓસ્ટ્રેલિયાની આ મેચમાં પોતાની કેપ્ટનશિપ અને બેટિંગ બંનેથી લોકોને નિરાશ કર્યા હતા. તેણે બોર્ડર ગાવસ્કર ટ્રોફીમાં ત્રણ મેચ રમી પરંતુ માત્ર 31 રન જ બનાવ્યા. તેનો હાઈએસ્ટ સ્કોર 10 રન હતો. આટલું જ નહીં, રોહિત શર્માએ આ કારણે સિડનીમાં રમાયેલી છેલ્લી ટેસ્ટથી પોતાને દૂર કરી લીધા હતા. આ વિશે વાત કરતા ભારતીય સુકાનીએ કહ્યું હતું કે ટીમને આગળ રાખવું મહત્ત્વપૂર્ણ છે અને તેથી તેણે પસંદગીકારો અને કોચને કહ્યું કે તેમને રન નથી મળી રહ્યા તેથી તેણે આ મેચમાંથી ખસી જવું જોઈએ.
આ પણ વાંચો : ટ્રમ્પના શપથ ગ્રહણ દરમિયાન USનો તિરંગો અડધો ઝૂકેલો રહેશે, પ્રમુખ બાઈડનની જાહેરાત
