સુકેશ ચંદ્રશેખરે જેલમાંથી લખ્યો ભક્તિ પત્ર

સુકેશ ચંદ્રશેખરે ફરી એકવાર જેલમાંથી પત્ર લખ્યો છે જેમાં તેણે અયોધ્યા રામ મંદિરમાં રામલલ્લાની મૂર્તિ માટે 11 કિલો સોનાનો મુગટ દાન કરવાની ઈચ્છા વ્યક્ત કરી છે. તેણે પત્રમાં દાન માટે પરવાનગી માંગી છે.

દિલ્હીની જેલમાં બંધ ઠગ સુકેશ ચંદ્રશેખરે હવે એક નવી ઈચ્છા વ્યક્ત કરી છે. તે અયોધ્યા રામ મંદિરમાં રામલલાની મૂર્તિ માટે 11 કિલો સોનું અને 101 હીરાથી જડેલો મુગટ દાન કરવા માંગે છે. આ માટે તેણે પત્ર લખીને મૂર્તિ માટે મુગટ દાન કરવાની પરવાનગી માંગી છે. શ્રી રામ જન્મભૂમિ તીર્થ ક્ષેત્ર ટ્રસ્ટના વડાને લખેલા બે પાનાના આ પત્રમાં તેણે લખ્યું છે કે તે રામલલાની મૂર્તિ માટે મુગટ દાન કરવા માંગે છે, તે પોતાની ક્ષમતા મુજબ આ દાન કરી રહ્યો છે. તે અહીં જે તાજની વાત કરી રહ્યો છે તે 11 કિલો 916 કેરેટ સોનાથી બનેલો છે. આ સાથે આ તાજમાં 101 હીરા જડેલા છે અને દરેક હીરાનું વજન 5 કેરેટ છે.

સુકેશ ચંદ્રશેખરે પત્રમાં જણાવ્યું છે કે તે અને તેનો પરિવાર ભગવાન શ્રીરામના મહાન ભક્ત છે અને તેમના માટે આવો મુગટ દાન કરવો એ એક સ્વપ્ન સાકાર થવા જેવું છે.આજે મારી પાસે જે કંઈ છે તે ભગવાન રામના આશીર્વાદથી છે. આવી સ્થિતિમાં, મારું નાનું યોગદાન આ મહાન મંદિરનો એક ભાગ બનશે, તે મારા માટે એક મોટા આશીર્વાદ સમાન છે.

તાજ કોણે બનાવ્યો?

આ પત્રમાં સુકેશે તાજ બનાવનાર જ્વેલર વિશે પણ જણાવ્યું છે કે આ તાજ તેની ખાસ સૂચનાઓ અનુસાર ડિઝાઇન કરવામાં આવ્યો છે. જે ઈ.સ.1900થી જ્વેલરી બનાવતા દક્ષિણ ભારતના એક જ્વેલરે આ ભવ્ય તાજ તૈયાર કર્યો છે.

તાજ કોને સોંપશે?

આ પત્ર અનુસાર સુકેશના વકીલ આ તાજ તેમના વતી ટ્રસ્ટને દાન કરશે. સુકેશે આ માટે કાયદાકીય સલાહકાર અનંત મલિક અને સ્ટાફ મેમ્બરને આ જવાબદારી સોંપી છે. આ સાથે સંબંધિત બિલ, પ્રમાણપત્રો અને કાનૂની ઔપચારિકતાઓ જેવી તમામ મહત્વપૂર્ણ બાબતોનું ધ્યાન રખાશે.

આ પણ વાંચો : હાઈકોર્ટે પીડિતાના નિવેદનને અયોગ્ય ગણાવી દુષ્કર્મના આરોપીને જામીન આપ્યા