જાહેરખબરના બોર્ડ ઉપર અચાનક અશ્લીલ ફિલ્મ ચાલુ થઈ ગઈ અને…

દિલ્હી, 24 ઓગસ્ટ: દિલ્હીના કનોટ પ્લેસમાં એક જાહેરાત બોર્ડ પર અચાનક એક અશ્લીલ ફિલ્મ ચાલી. આ દરમિયાન જ્યારે કોઈ રાહદારીએ તેને જોયું તો તેણે પોતાના મોબાઈલમાં આ ઘટનાનો વીડિયો બનાવી લીધો અને આ અંગે પોલીસમાં ફરિયાદ કરી છે. દિલ્હી પોલીસે આ મામલામાં આઈટી એક્ટની કલમો હેઠળ કેસ નોંધીને તપાસ શરૂ કરી છે.

જાહેરાત બોર્ડ પર અચાનક ચાલુ થઈ ગઈ અશ્લીલ ફિલ્મ

કનોટ પ્લેસના એચ બ્લોકમાં એક ડિજિટલ બોર્ડ લગાવવામાં આવ્યું છે. રાત્રે લગભગ સાડા દસ વાગ્યે આ બોર્ડ પર અચાનક એક અશ્લીલ ફિલ્મ વાગવા લાગી. આ દરમિયાન ત્યાંથી પસાર થતા એક રાહદારીએ આ જોયું અને આ અંગે પોલીસમાં ફરિયાદ કરી. પોલીસે કેસ નોંધીને તપાસ શરૂ કરી છે. આ સમગ્ર મામલે પોલીસ એ જાણવાની કોશિશ કરી રહી છે કે કોઈએ જાહેરાતનું બોર્ડ હેક કર્યું હતું કે કોઈએ આવું કૃત્ય કર્યું હતું.

અગાઉ પણ બની હતી ઘટના

આ પહેલા દિલ્હીના રાજીવ ચોક મેટ્રો સ્ટેશન પર પણ આવી જ એક ઘટના પ્રકાશમાં આવી હતી. સ્ટેશન પર એક જાહેરાત સ્ક્રીન પર એક અશ્લીલ ફિલ્મ ચાલવા લાગી હતી. તે દરમિયાન પણ કેટલાક લોકોએ આ ઘટનાને પોતાના મોબાઈલમાં રેકોર્ડ કરી લીધી હતી. જ્યારે આ કેસની તપાસ કરવામાં આવી ત્યારે સીસીટીવી ફૂટેજમાં ત્રણ છોકરાઓ જોવા મળ્યા હતા.

આ છોકરાઓએ વાઈફાઈનો ઉપયોગ કરીને એલઈડી સ્ક્રીનને મોબાઈલ સાથે કનેક્ટ કરી અશ્લીલ ફિલ્મ ચલાવી હોવાની શંકા વ્યક્ત કરવામાં આવી હતી. જ્યારે આ મામલો પ્રકાશમાં આવ્યો ત્યારે રાજીવ ચોક મેટ્રો સ્ટેશન લોકોથી ખીચોખીચ ભરાઈ ગયું હતું. લોકો મેટ્રોની રાહ જોઈ રહ્યા હતા. આ ઘટના બાદ ડીએમઆરસીના પ્રવક્તાએ કહ્યું હતું કે આ જગ્યા ખાનગી કોન્ટ્રાક્ટરને જાહેરાત માટે આપવામાં આવી હતી. જો સ્ટેશન પરિસરમાં આવી કોઈ અશ્લીલ ક્લિપ ચાલશે તો તેની તપાસ કરવામાં આવશે અને કોન્ટ્રાક્ટર સામે નિયમ મુજબ કાર્યવાહી કરવામાં આવશે.

આ પણ વાંચો: રાજકોટના જૈન દેરાસરમાં દર્શન કરતા શખ્સને છરાના ઘા માર્યા, જીવલેણ હૂમલો CCTVમાં કેદ