આવા લોકોને ચૂંટણી લડતા રોકવા જોઈએ,રમખાણોના આરોપી પર સુપ્રીમ કોર્ટની મોટી ટિપ્પણી

નવી દિલ્હી, 21 જાન્યુઆરી 2025: સુપ્રીમ કોર્ટે દિલ્હી રમખાણોના આરોપી પૂર્વ કાઉન્સિલર તાહિર હુસૈનની જામીન અરજીને લઈને સોમવારે મોટી ટિપ્પણી કરી છે. કોર્ટે કહ્યું કે, આવા તમામ વ્યક્તિઓને ચૂંટણી લડતા રોકવા જોઈએ. કોર્ટે અરજી પર સુનાવણી 21 જાન્યુઆરી સુધી ટાળી દીધી છે. હુસૈનને દિલ્હી વિધાનસભા ચૂંટણીમાં પ્રચાર રોકવા માટે વચગાળાના જામીન માગ્યા છે.

ન્યાયમૂર્તિ પંકજ મિથલ અને ન્યાયમૂર્તિ અહસાનુદ્દીન અમાનુલ્લાહની પીઠે સમયની કમીના કારણે સુનાવણી સ્થગિત કરી દીધી, પણ જેવી પીઠ ઉઠવા લાગી, હુસૈનના વકીલે આ મામલો ઉલ્લેખ કર્યો અને 21 જાન્યુઆરીના રોજ સુનાવણીનો અનુરોધ કર્યો. પીઠે જવાબમાં ટિપ્પણી આપતા કહ્યું કે, જેલમાં બેસીને ચૂંટણી જીતવી આસાન છે. આવા વ્યક્તિઓને ચૂંટણી લડતા રોકી દેવા જોઈએ.

તાહિર હુસૈનના વકીલે દલીલ આપી

તેના વકીલે કહ્યું કે, હુસૈનનું નામાંકન સ્વીકાર કરી લીધું છે. દિલ્હી હાઈકોર્ટે 14 જાન્યુઆરીના રોજ હુસૈનને એઆઈએમઆઈએમની ટિકિટ પર મુસ્તફાબાદ મત વિસ્તારમાંથી ઉમેદવાર પત્ર ભરવા માટે ધરપકડમાંથી પેરોલ આપી હતી. જો કે કોર્ટે ચૂંટણી લડવા માટે 14 જાન્યુઆરીથી નવ ફેબ્રુઆરી સાથે અંતરિમ જામીનની અરજીને એવું કહેતા અસ્વીકાર કર્યો કે હિંસામાં મુખ્ય આરોપી હોવાના કારણે હુસૈન વિરુદ્ધ આરોપોની ગંભીરતાને નજર અંદાજ કરી શકાય નહીં. જેના પરિણામે કેટલાય લોકોના મોત થયા છે.

આ પણ વાંચો: દિલ્હી વિધાનસભા ચૂંટણીમાં ઉમેદવારોનું ચિત્ર સ્પષ્ટ, જાણો કેટલા પોતાનું ભાવિ અજમાવશે