જમીનથી હવામાં પ્રહાર કરતી મિસાઈલ VL-SRSMનું સફળતાપૂર્વક પરીક્ષણ: DRDO
નવી દિલ્હી, ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO) અને ભારતીય નૌકાદળ દ્વારા ઈન્ટિગ્રેટેડ ટેસ્ટ રેન્જ (ITR) એ ઓડિશાના ચાંદીપુર નજીકના નૌકાદળના જહાજ પરથી વર્ટિકલ લોન્ચ શોર્ટ રેન્જ સરફેસ ટુ એર મિસાઈલ (VL-SRSAM)નું સફળતાપૂર્વક ઉડાન-પરીક્ષણ કર્યું હતું. વર્ટિકલ લોન્ચ શોર્ટ રેન્જ સરફેસ ટુ એર મિસાઈલ (VL-SRSAM)નું આજે ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO) અને ભારતીય નૌકાદળ દ્વારા સફળતાપૂર્વક પરીક્ષણ કરવામાં આવ્યું હતું. ઓડિશાના ચાંદીપુર કિનારે કેન્દ્રથી ભારતીય નૌકાદળના જહાજ દ્વારા આ પરીક્ષણ કરવામાં આવ્યું હતું.
આ મિસાઈલ એવા હથિયારો, ફાઈટર એરક્રાફ્ટ અને એન્ટી શિપ મિસાઈલોને પણ નિશાન બનાવવામાં સક્ષમ છે જે રડાર અને ઈન્ફ્રારેડને ડોજ કરવામાં માહિર છે. DRDO અનુસાર, VL-SRSAM નું આજનું પ્રક્ષેપણ હાઇ-સ્પીડ એરિયલ ટાર્ગેટ મિમિકીંગ એરક્રાફ્ટ સામે હતું જે સફળતાપૂર્વક નાશ પામ્યું હતું. ચાંડીપુર ITR દ્વારા તૈનાત કરાયેલા બહુવિધ ટ્રેકિંગ ઉપકરણોનો ઉપયોગ કરીને સ્વાસ્થ્ય પરિમાણો સાથે વાહનના ફ્લાઇટ પાથનું નિરીક્ષણ કરવામાં આવ્યું હતું. પરીક્ષણ પ્રક્ષેપણ DRDO અને ભારતીય નૌકાદળના વરિષ્ઠ અધિકારીઓ દ્વારા દેખરેખ રાખવામાં આવ્યું હતું.
રક્ષા મંત્રીએ મિસાઈલના સફળ પરીક્ષણ બદલ અભિનંદન પાઠવ્યા
સંરક્ષણ પ્રધાન રાજનાથ સિંહે VL-SRSAM ના સફળ ઉડાન પરીક્ષણ માટે DRDO અને ભારતીય નૌકાદળને અભિનંદન આપ્યા હતા. તેમણે ટ્વીટ કર્યું કે, ઓડિશાના ચાંદીપુર કિનારે વર્ટિકલ લોન્ચ શોર્ટ રેન્જ સરફેસ ટુ એર મિસાઈલના સફળ ઉડાન પરીક્ષણ માટે DRDO ભારતીય નૌકાદળ અને સંરક્ષણ ઉદ્યોગને અભિનંદન. આ સફળતા હવાઈ ખતરા સામે ભારતીય નૌકાદળના જહાજોની સંરક્ષણ ક્ષમતાને વધુ વધારશે.
Congratulations to DRDO, Indian Navy & the industry for the successful flight test of Vertical Launch Short Range Surface to Air Missile off the coast of Chandipur, Odisha. This success will further enhance the defence capability of Indian Naval Ships against the aerial threats. pic.twitter.com/ltkUyhm0iR
— Rajnath Singh (@rajnathsingh) June 24, 2022
નૌકાદળના વડા એડમિરલ આર. હરિ કુમારે વીએલ-એસઆરએસએએમના સફળ ઉડાન પરીક્ષણ માટે ભારતીય નૌકાદળ અને ડીઆરડીઓની પ્રશંસા કરી અને કહ્યું કે, આ સ્વદેશી મિસાઈલ સિસ્ટમનો વિકાસ નૌકાદળની રક્ષણાત્મક ક્ષમતાને વધુ મજબૂત બનાવશે.
