PM મોદીને ‘ગોલ્ડનો ગુલદસ્તો’, વેલેન્ટાઈન્સ ડે પર સુરતી વિદ્યાર્થીઓની ભેટ

14 ફેબ્રુઆરી એટલે વેલેન્ટાઈન્સ ડે. આ દિવસે દેશના પ્રધાનમંત્રીને સુરતના વિદ્યાર્થીઓ તરફથી ખાસ ભેટ આપવામાં આવશે. જી હાં, સુરતના વિદ્યાર્થીઓ દ્વારા વેલેન્ટાઈન્સ ડે નિમિતે પીએમ મોદીને ‘ગોલ્ડ રોઝનો ગુલદસ્તો’ ભેટમાં આપવામાં આવશે.

151 ગોલ્ડ પ્લેટેડ રોઝનું બુકે

શહેરની ખાનગી યુનિવર્સિટીના વિદ્યાર્થીઓએ પીએમ મોદી માટે 5-10 નહીં પરંતુ 151 ગોલ્ડ પ્લેટડ રોઝનું ખાસ બુકે તૈયાર કરાવડાવ્યું છે.

વેલેન્ટાઈન્સ ડે નિમિતે સુરતી વિદ્યાર્થીઓ જે ગુલાબના ગુલદસ્તાની ભેટ પીએમ મોદીને આપવાના છે, તેની કિંમત અધધ છે. ગોલ્ડના આ ગુલદસ્તાની કિંમત સાંભળીને તમે ચોંકી જશો. પ્રધાનમંત્રી માટે અંદાજીત 2.5 લાખ રૂપિયાની કિંમતનો ગોલ્ડ રોઝનો બુકે બનાવાયો છે.