વિદ્યાર્થીએ પ્રિન્સિપાલના માથામાં મારી ગોળી, ઘટનાસ્થળે જ થયું મૃત્યુ, જાણો ક્યાં બની આ ઘટના
છતરપુર, 06 ડિસેમ્બર: છતરપુરના ધમોરામાં એક વિદ્યાર્થીએ પ્રિન્સિપાલની ગોળી મારીને હત્યા કરી નાખી. આ ઘટનાથી સમગ્ર વિસ્તારમાં ચકચાર મચી જવા પામી છે. આ ઘટના ધામોરાની સરકારી ઉચ્ચતર માધ્યમિક શાળામાં બની હતી. કહેવાય છે કે વિદ્યાર્થીએ બાથરૂમમાં જઈને પ્રિન્સિપાલને માથામાં ગોળી મારી દીધી હતી. આચાર્યની ઉંમર 55 વર્ષ હોવાનું કહેવાય છે. હાલ પોલીસ ઘટના સ્થળે પહોંચી ગઈ છે. મૃતકનું નામ સુરેન્દ્ર કુમાર સક્સેના હોવાનું કહેવાય છે.
મૃતદેહને પોસ્ટ મોર્ટમ માટે મોકલી
ઘટનાની માહિતી મળતા જ મોટી સંખ્યામાં પોલીસ દળ અને ઉચ્ચ અધિકારીઓ ઘટનાસ્થળે પહોંચી ગયા હતા. પ્રિન્સિપાલના મૃતદેહને પોસ્ટમોર્ટમ માટે મોકલી આપવામાં આવ્યો છે અને મામલાની તપાસ કરવામાં આવી રહી છે. SFLની ટીમ પણ ઘટના સ્થળની ઝીણવટભરી તપાસમાં વ્યસ્ત છે. આ ઘટનાના CCTV ફૂટેજ પણ મળી આવ્યા છે જેની તપાસ કરવામાં આવી રહી છે.
ગોળીબારના અવાજથી ગભરાટ ફેલાયો હતો
કહેવાય છે કે અચાનક ગોળીબારના અવાજથી શાળામાં ખળભળાટ મચી ગયો હતો. શું થયું તે કોઈને સમજાયું નહીં. દરમિયાન, એક છોકરો ઝડપથી બાથરૂમમાંથી બહાર દોડી આવ્યો. બાદમાં લોકોએ બાથરૂમમાં જોયું તો પ્રિન્સિપાલની લાશ જમીન પર પડી હતી. હાલ હત્યાનું કારણ બહાર આવ્યું નથી. તપાસ ચાલુ છે.
આ પણ વાંચો : Accident/ બસ અને ટ્રક વચ્ચે જોરદાર અથડામણ, 8નાં મૃત્યુ, અનેક મુસાફરો ઘાયલ
‘કાશ પુરુષોને પણ પિરિયડ્સ આવતા’: SCએ હાઈકોર્ટના નિર્ણય પર કેમ કરી આવી ટિપ્પણી?
બાબા વાંગાની ડરામણી ભવિષ્યવાણી: આ દેશમાં શરૂ થશે મુસ્લિમ શાસન, પૃથ્વીના અંતને લઈ કહી આ મોટી વાત
ગુજરાતની આ કંપનીનો આવી રહ્યો છે IPO, 70 લાખ નવા શેર જારી થશે
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
