રિલાયન્સ અને ડિઝની વચ્ચે Strategic કરારની જાહેરાત, સંયુક્ત સાહસનું ટ્રાન્ઝેક્શન મૂલ્ય 70,352 કરોડ રૂપિયા હશે

મુંબઈ, 28 ફેબ્રુઆરી : બુધવારે મનોરંજન ક્ષેત્રે એક ખૂબ જ મહત્ત્વપૂર્ણ કરારની જાહેરાત કરવામાં આવી હતી. રિલાયન્સ ઇન્ડસ્ટ્રીઝ લિમિટેડ અને ડિઝનીએ બુધવારે વ્યૂહાત્મક કરારની જાહેરાત કરી હતી. આ અંતર્ગત બંને દિગ્ગજો તેમના મીડિયા ઓપરેશનને મર્જ કરશે. આપેલી માહિતી અનુસાર, બંને કંપનીઓ તેમની ટીવી અને ડિજિટલ સંપત્તિઓને મર્જ કરીને સંયુક્ત સાહસ સ્થાપશે. રિલાયન્સ આ સંયુક્ત સાહસમાં રૂ. 11500 કરોડનું રોકાણ કરશે અને કંપની પાસે સંયુક્ત સાહસમાં 16.34 ટકા હિસ્સો હશે. ડિઝની સંયુક્ત સાહસને કન્ટેન્ટ લાઇસન્સ આપશે.

ડીલ વિશે માહિતી
સંયુક્ત સાહસ અંગે જાહેર કરાયેલી માહિતીમાં એવું કહેવામાં આવ્યું હતું કે રિલાયન્સ ઈન્ડસ્ટ્રીઝ, વાયાકોમ 18 અને વોલ્ટ ડિઝની કંપનીએ સંયુક્ત સાહસ સ્થાપવા માટે કરાર પર હસ્તાક્ષર કર્યા છે જે વાયાકોમ 18 અને સ્ટાર ઈન્ડિયાના વ્યવસાયોને એકસાથે લાવશે. આ સંયુક્ત સાહસમાં રિલાયન્સનો હિસ્સો 16.34% રહેશે. જ્યારે વાયાકોમ 18નો હિસ્સો 46.82% રહેશે. સંયુક્ત સાહસમાં ડિઝનીનો હિસ્સો 36.84% રહેશે. નીતા અંબાણી આ સંયુક્ત સાહસના અધ્યક્ષ હશે જ્યારે ઉદય શંકર વાઇસ ચેરપર્સન હશે. સંયુક્ત સાહસનું ટ્રાન્ઝેક્શન મૂલ્ય 70,352 કરોડ રૂપિયા હશે.

કરાર બાદ રિલાયન્સ ઈન્ડસ્ટ્રીઝના ચેરમેન મુકેશ અંબાણીએ જણાવ્યું હતું કે ડિઝની સાથેનું આ સંયુક્ત સાહસ ખૂબ જ મહત્વપૂર્ણ છે કારણ કે તે મનોરંજન ઉદ્યોગમાં એક નવા યુગની શરૂઆત કરશે. આ સંયુક્ત સાહસ ઉત્તમ સામગ્રી બનાવવામાં મદદ કરશે