બોક્સિંગ ડે ટેસ્ટમાં બની વિચિત્ર ઘટના : સ્પાઈડર કેમેરાના લીધે થયો અકસ્માત !
ઓસ્ટ્રેલિયા અને દક્ષિણ આફ્રિકા વચ્ચે મેલબોર્નમાં બોક્સિંગ-ડે ટેસ્ટ રમાઈ રહી છે, ત્યારે એકબાજુ આજે જ્યારે ડેવિડ વોર્નર ઐતિહાસિક ઇનિંગ રમી છે, ત્યારે આ મેચ દરમ્યાન આજે એક વિચિત્ર ઘટના પણ ઘટી હતી. મેચ દરમ્યાન દક્ષિણ આફ્રિકાના ઝડપી બોલર નોર્ટજેને સ્પાઈડર કેમેરો વાગ્યાનો એક વીડિયો સામે આવ્યો છે.
આ પણ વાંચો : Flash Back 2022 : વિરાટની કેપ્ટનશીપથી લઈને સૂર્યાનો 360 અવતાર, ભારતીય ક્રિકેટ માટે કંઈક આવું રહ્યું આ વર્ષ
If Jim Ross commentated Anrich Nortje being smashed by Spidercam pic.twitter.com/qpujB0PW2g
— Ethan (@ethanmeldrum_) December 27, 2022
નોર્ટજેને વાગ્યો સ્પાઈડર કેમેરો
વાસ્તવમાં, બ્રોડકાસ્ટર્સ ક્ષેત્રની દરેક નાની વસ્તુને આવરી લેવા માટે મેદાન પર સ્પાઈડર કેમેરાનો ઉપયોગ કરે છે. આ કેમેરા કેબલની મદદથી એક ખૂણેથી બીજા ખૂણે ચાલે છે. તે દરમ્યાન આજે ઓસ્ટ્રેલિયાના પ્રથમ દાવ દરમિયાન નોર્ટજે બેકવર્ડ સ્ક્વેર લેગ પર ઊભો હતો, જ્યારે સત્તાવાર પ્રસારણકર્તા ફોક્સ ક્રિકેટના સ્પીડી સ્પાઈડર કેમેરાએ તેને ટક્કર મારી હતી અને કેમેરાની ટક્કર વાગતા દક્ષિણ આફ્રિકાનો ઝડપી બોલર જમીન પર પડી ગયો. સદનસીબે, તેને કોઈ જાનહાની થઈ નહોતી.
Australia dominate day two in Melbourne ????
Watch #AUSvSA LIVE on https://t.co/hKQJhPsoED (in select regions) ????#WTC23 | ???? https://t.co/J0yQTZsCrj pic.twitter.com/mjJSFTBRhT
— ICC (@ICC) December 27, 2022
શું છે મેચની સ્થિતિ ?
ટેસ્ટ મેચની વાત કરીએ તો બીજા દિવસની રમતના અંતે યજમાન ઓસ્ટ્રેલિયાનો સ્કોર 386/3 છે, જેના કારણે દક્ષિણ આફ્રિકા પર તેની લીડ વધીને 197 રન થઈ ગઈ છે. ઓપનર ડેવિડ વોર્નરે પોતાની 100મી ટેસ્ટમાં શાનદાર બેવડી સદી ફટકારીને 200 રન બનાવ્યા હતા. અત્યંત થાકી ગયા બાદ તેણે હર્ટને કારણે રિટાયર થવું પડ્યું અને મેદાન છોડવું પડ્યું. સ્ટમ્પ સમયે, ટ્રેવિસ હેડ અને એલેક્સ કેરી અનુક્રમે 48 અને 9 રને અણનમ હતા. બોલિંગમાં, એનરિચ નોર્ટજે ડેવિડ વોર્નર અને સ્ટીવ સ્મિથ વચ્ચેની જબરદસ્ત બેવડી સદીની ભાગીદારીને તોડી હતી. પૂર્વ સુકાની સ્ટીવ સ્મિથ 85 રન બનાવીને રમી રહ્યો હતો. નોર્ટજે ઉપરાંત કાગિસો રબાડાને પણ એક વિકેટ મળી હતી.
