વંદે ભારત ટ્રેન ઉપર ફરી પથ્થરમારો કરાયો, 5 શખસોની ધરપકડ

મહાસમુંદ, 14 સપ્ટેમ્બર : છત્તીસગઢના મહાસમુંદમાં વંદે ભારત ટ્રેન પર પથ્થરમારો થયો છે. અહીં બાગબહરા રેલવે સ્ટેશન પર વંદે ભારત ટ્રેન પર પથ્થરમારો કરવામાં આવ્યો હતો. જેમાં ટ્રેનના ત્રણ કોચ C2-10, C4-1, C9-78ના કાચ તૂટી ગયા હતા. માહિતી મળ્યા બાદ રેલવે પોલીસે 5 આરોપીઓની ધરપકડ કરી હતી. પાંચેય આરોપીઓ બગબહરાના રહેવાસી છે. આરપીએફ પોલીસ રેલવે એક્ટ 1989 હેઠળ કેસ નોંધશે અને આરોપીને આજે જ રેલવે કોર્ટમાં રજૂ કરશે.

આ પણ વાંચો :- Happy Birthday : આજે 2 ભારતીય ક્રિકેટરોના જન્મદિવસ, એક T20માં મચાવે છે તરખાટ

આ ઘટના અંગે RPF ઓફિસર પરવીન સિંહે કહ્યું, ‘ગઈકાલે વંદે ભારત ટ્રેનનું ટ્રાયલ રન હતું જે 16મીથી દોડશે. તે સવારે 7.10 વાગ્યે મહાસમુંદથી નીકળી હતી. 9 વાગ્યાની આસપાસ, કેટલાક અસામાજિક તત્વોએ બાગબહરા નજીક એક ચાલતા વાહન પર પથ્થરમારો કર્યો હતો. અમારી સહાયક પાર્ટી ટ્રેનમાં હથિયારો સાથે હતી. તેમણે માહિતી આપી હતી. માહિતી મળ્યા બાદ તરત જ એક ટીમે જઈને તપાસ કરી હતી અને પાંચ આરોપીઓની ધરપકડ કરવામાં આવી હતી.

આરોપી કાઉન્સિલરનો ભાઈ

પાંચ આરોપીઓના નામ શિવ કુમાર બઘેલ, દેવેન્દ્ર કુમાર, જીતુ પાંડે, સોનવાણી અને અર્જુન યાદવ છે.  પાંચેય બાગબહરાના છે. આ અસામાજિક તત્વો છે. આરપીએફ અધિકારીએ કહ્યું, તપાસ દરમિયાન સામે આવ્યું છે કે શિવકુમાર બઘેલ નામના આરોપીનો ભાઈ કાઉન્સિલર છે. રેલ્વે એક્ટની કલમ 153 હેઠળ કાર્યવાહી કરવામાં આવી રહી છે.

અગાઉ પણ આવી ઘટનાઓ સામે આવી છે

આ પહેલીવાર નથી જ્યારે વંદે ભારત ટ્રેન પર પથ્થરમારો થયો હોય. આ પહેલા પણ અનેક શહેરોમાં વંદે ભારત પર પથ્થર ફેંકવામાં આવ્યા છે. થોડા દિવસો પહેલા લખનૌથી પટના જઈ રહેલી વંદે ભારત એક્સપ્રેસ (22346) પર કોઈ અજાણ્યા વ્યક્તિએ પથ્થરમારો કર્યો હતો. આ ઘટના વારાણસીમાં બુધવારે રાત્રે લગભગ 8.15 વાગ્યે બની હતી, આરોપીઓએ પથ્થર ફેંકીને C5 ટ્રેનની બારીના કાચને નુકસાન પહોંચાડ્યું હતું.

આ પણ વાંચો :- કાશ્મીરના બારામુલ્લામાં આતંકીઓ અને સુરક્ષાદળો વચ્ચે અથડામણ, આતંકવાદીઓ ઠાર મરાયા

તાજેતરમાં જુલાઈમાં ગોરખપુરથી લખનૌ જતી વંદે ભારત એક્સપ્રેસ (22549) ટ્રેન પર બદમાશોએ પથ્થરમારો કર્યો હતો. જેમાં અનેક બારીઓના કાચ તૂટી ગયા છે.  પથ્થરમારાને કારણે કોચ નંબર C1, C3 અને એક્ઝિક્યુટિવ કોચની બારીઓના કાચ તૂટી ગયા હતા. ટ્રેન પર અચાનક થયેલા પથ્થરમારાના કારણે મુસાફરો ડરી ગયા હતા અને કોચની અંદર અરાજકતાનો માહોલ સર્જાયો હતો. જો કે આમાં કોઈ મુસાફરને ઈજા થઈ નથી.