વંદે ભારત એક્સપ્રેસ પર ફરી પથ્થરમારો, મેરઠ-મુઝફ્ફરનગર રેલવે ટ્રેક પર હુમલો, બારીના કાચને નુકસાન

ભારતમાં બનેલી વંદે ભારત એક્સપ્રેસ ટ્રેનને ગયા મહિને 25 મેના રોજ વડાપ્રધાન નરેન્દ્ર મોદીએ લીલી ઝંડી બતાવી હતી. આ ટ્રેન નવી દિલ્હીને દેહરાદૂનથી જોડે છે.ત્યારે ટ્રેન શરુ થઈ ત્યારથી અવાર નવાર આ ટ્રેન પર પથ્થરમારાની ઘટનાઓ સામે આવી છે. ત્યારે આજે ફરી એક વાર વંદે ભારત ટ્રેન પર પથ્થરમારાની ઘટના સામે આવી છે.

દેહરાદૂન-દિલ્હી વંદે ભારત એક્સપ્રેસ ટ્રેન પર પથ્થરમારો

જાણકારી મુજબ નવી શરૂ થયેલી દેહરાદૂન-દિલ્હી વંદે ભારત એક્સપ્રેસ ટ્રેન પર ગઈ કાલે પથ્થરમારાની ઘટના બની હતા. રેલવે અધિકારીઓએ જણાવ્યું કે દિલ્હી-દેહરાદૂન રૂટ પર મુઝફ્ફરનગર સ્ટેશન નજીક વંદે ભારત એક્સપ્રેસના E1 કોચ પર પથ્થરમારો કરવામાં આવ્યો હતો.જોકે, અધિકારીઓએ જણાવ્યું હતું કે આ ઘટના દરમિયાન કોઈને ઈજા થઈ નથી. દિલ્હી વિભાગે ગુનેગારોને પકડવા માટે રેલવે પ્રોટેક્શન ફોર્સ (RPF) તૈનાત કરી છે.

Stones pelted at Dehradun-Delhi Vande Bharat Express; 7th incident since January

Read @ANI Story | https://t.co/51muK5juZz#VandeBharatExpress #Stonepelting #VandeBharat #Dehradun #Delhi pic.twitter.com/65JkAE1lE9

— ANI Digital (@ani_digital) June 18, 2023

રેલવે અધિકારીએ આપી માહિતી

ભારતમાં બનેલી ટ્રેનને ગયા મહિને 25 મેના રોજ વડાપ્રધાન નરેન્દ્ર મોદીએ લીલી ઝંડી આપી હતી.આ ટ્રેન નવી દિલ્હીને દેહરાદૂનથી જોડે છે.આ પહેલા મે મહિનામાં કેરળમાં આવી જ એક ઘટના સામે આવી હતી જ્યાં કેરળની પ્રથમ વંદે ભારત એક્સપ્રેસ પર પથ્થરમારો કરવામાં આવ્યો હતો.અધિકારીઓએ જણાવ્યું કે તે પહેલા 6 એપ્રિલે વિશાખાપટ્ટનમથી વંદે ભારત એક્સપ્રેસ પર પથ્થરમારો કરવાની ઘટના સામે આવી હતી.ત્યારબાદ જાન્યુઆરીમાં વિશાખાપટ્ટનમમાં વંદે ભારત ટ્રેન પર મેન્ટેનન્સ દરમિયાન પથ્થરમારો કરવામાં આવ્યો હતો.વિશાખાપટ્ટનમના કાંચરાપાલમ પાસે કોચની વિન્ડશિલ્ડને નુકસાન થયું હતું.ડિવિઝનલ રેલ્વે મેનેજર (ડીઆરએમ) અનૂપ કુમાર સેતુપતિએ કહ્યું, “જ્યારે વંદે ભારત ટ્રેન મેન્ટેનન્સ અને ઓપરેશન માટે વિશાખાપટ્ટનમ પહોંચી, ત્યારે કેટલાક અજાણ્યા લોકોએ તેના પર પથ્થરમારો કર્યો.”

दिल्ली-देहरादून रूट पर मुजफ्फरनगर स्टेशन के पास वंदे भारत एक्सप्रेस के E1 कोच पर पथराव की सूचना मिली। घटना के दौरान कोई घायल नहीं हुआ है। आरोपियों को पकड़ने के लिए दिल्ली मंडल द्वारा RPF लगाए गए हैं: रेलवे

— ANI_HindiNews (@AHindinews) June 18, 2023

જાન્યુઆરી પછી પથ્થરમારાની આ 7મી ઘટના

પૂર્વ રેલવેએ એક નિવેદનમાં જણાવ્યું હતું કે અગાઉ 12 માર્ચે પશ્ચિમ બંગાળથી વંદે ભારત એકસપ્રેસ ટ્રેન પર પથ્થરમારાની ઘટના પ્રકાશમાં આવી હતી, જેમાં હાઇ-સ્પીડ ટ્રેનના કોચની બારીના ફલકને નુકસાન થયું હતું.આ ઘટના પશ્ચિમ બંગાળના મુર્શિદાબાદ જિલ્લાના ફરક્કા પાસે બની હતી.જાન્યુઆરી 2023 માં, રેલ્વે પ્રોટેક્શન ફોર્સ (RPF) એ માહિતી આપી હતી કે દાર્જિલિંગ જિલ્લાના ફણસીવા વિસ્તાર નજીક બે કોચ પર કથિત રીતે પથ્થરમારો કરવામાં આવ્યા બાદ વંદે ભારત એક્સપ્રેસ ટ્રેનની બે વિન્ડો પેનને નુકસાન થયું હતું.તે જ મહિનામાં આ બીજી વખત હતું જ્યારે વંદે ભારત એક્સપ્રેસની બારીના કાચ તોડી નાખવામાં આવ્યા હતા કારણ કે માલદા નજીક હાવડાથી ન્યૂ જલપાઈગુડીને જોડતી ટ્રેન પર પથ્થરમારો કરવામાં આવ્યો હતો. આમ જાન્યુઆરી 2023 પછી વંદે ભારત ટ્રેન પર પથ્થરમારાની આ 7મી ઘટના છે.

 આ પણ વાંચો : બનાસકાંઠામાં સાંબેલાધાર વરસાદ ! છેલ્લા 24 કલાકમાં રાજ્યના 18 તાલુકામાં મેઘરાજાએ બોલાવી ધડબડાટી