શેરબજાર તૂટ્યું, સેન્સેક્સ 600 પોઈન્ટ ઘટીને 80 હજારની નીચે, TATA મોટર્સમાં ફરી ઉછાળો

મુંબઈ, 25 જુલાઈ : આ સપ્તાહ ભારતીય શેરબજાર માટે ઘટાડાનું સાબિત થઈ રહ્યું છે. આજે સતત ત્રીજા દિવસે શેરબજાર ઘટાડા સાથે ખુલ્યું છે. બેન્કિંગ શેરોમાં તીવ્ર ઘટાડો જોવા મળી રહ્યો છે અને તે બજારને નીચે લઈ જઈ રહ્યું છે. ભારતમાં VIX માં 10 ટકાનો ઉછાળો જોવા મળી રહ્યો છે, જે દર્શાવે છે કે શેરબજારમાં અસ્થિરતા પ્રબળ છે. મિડકેપ અને સ્મોલકેપ સૂચકાંકો પણ તૂટ્યા છે અને નિફ્ટી મિડકેપ 100 511.45 પોઈન્ટ અથવા 0.90 ટકા ઘટીને 56361ના સ્તરે જોવા મળી રહ્યો છે. નિફ્ટી સ્મોલકેપ ઈન્ડેક્સ પણ લગભગ એક ટકા નીચે છે. NSE પર 1284 શેરમાં ઘટાડો અને 431 શેરમાં વધારો જોવા મળી રહ્યો છે.

આજે સવારે શેરબજારની શરૂઆત કેવી રહી?

BSE સેન્સેક્સ 606.77 પોઈન્ટ અથવા 0.76 ટકાના ઘટાડા સાથે 79,542 પર ખુલ્યો અને નિફ્ટી 182.55 પોઈન્ટ અથવા 0.75 ટકાના ઘટાડા સાથે 24,230 પર ખુલ્યો હતો. બજાર ખુલ્યાની પાંચ મિનિટ બાદ નિફ્ટીમાં 200 પોઈન્ટ સુધીનો ઘટાડો જોવા મળ્યો હતો. સવારે 9.30 વાગ્યે બેન્ક નિફ્ટી 545.45 પોઈન્ટ અથવા 1.06 ટકા ઘટીને 50,771.55 પર આવી ગયો હતો. બજાર ખુલતાની સાથે જ બેંક નિફ્ટી 395 પોઈન્ટ અથવા 0.77 ટકા ઘટીને 50922 ના સ્તર પર ટ્રેડ થઇ રહ્યો હતો. નિફ્ટી આઈટી ઈન્ડેક્સ 396 પોઈન્ટ અથવા લગભગ એક ટકા ઘટીને 39718 પર ટ્રેડ કરી રહ્યો છે. કેપિટલ ગુડ્સ સિવાય અન્ય તમામ ક્ષેત્રીય સૂચકાંકો નબળાઈ સાથે લાલ નિશાનમાં ટ્રેડ થઈ રહ્યા છે.

આ પણ વાંચો : “આ 2 રાજ્યમાં ન જતા…” અમેરિકાએ પોતાના નાગરિકો માટે એડવાઈઝરી જાહેર કરી ભારતને છંછેડ્યું..!

BSE નું માર્કેટ કેપિટલાઇઝેશન

BSEનું માર્કેટ કેપિટલાઇઝેશન ઘટીને રૂ. 447.03 લાખ કરોડ થયું છે અને આમ તે રૂ. 450 લાખ કરોડના એમકેપથી નીચે રહે છે. NSE પર 2863 શેરમાં વેપાર થઈ રહ્યો છે, જેમાંથી 1203 શેર વધી રહ્યા છે અને 1536 શેર ઘટી રહ્યા છે. 124 શેર યથાવત છે. 107 શેરમાં અપર સર્કિટ અને 39 શેરમાં નીચલી સર્કિટ જોવા મળી છે.

સેન્સેક્સના ટોપ ગેઇનર્સ શેરો

સેન્સેક્સના 30 શેરોમાંથી માત્ર 4 શેરો વધી રહ્યા છે અને 26 ઘટીને ટ્રેડ થઈ રહ્યા છે. ટાટા મોટર્સ આજે પણ ટોપ ગેનર છે અને 1.31 ટકા વધીને રૂ. 1041 પર ટ્રેડ થઇ રહ્યો છે. એલએન્ડટી, એચડીએફસી બેંક, આઈટીસી અને નેસ્લેના શેર પણ લીલા નિશાનમાં ટ્રેડ થઈ રહ્યા છે.

આ પણ વાંચો : VIDEO : કર્ણાટક વિધાનસભામાં ભાજપના ધારાસભ્યો તકિયા અને ચાદર સાથે કેમ સૂવા પહોંચ્યા ? જુઓ સમગ્ર મામલો