શેરબજારમાં આવ્યો ઉછાળો: સેન્સેક્સ 600 પોઈન્ટથી વધુ વધ્યો

નવી દિલ્હી, ૨૯ જાન્યુઆરી: બજેટ પહેલા શેરબજારમાં તેજી જોવા મળી રહી છે. આ અઠવાડિયાની શરૂઆત ભલે બજાર માટે સારી ન રહી હોય, પરંતુ છેલ્લા બે દિવસમાં રોકાણકારોના ચહેરા પર સ્મિત પાછું આવ્યું છે. બુધવારે પણ શેરબજારમાં તેજી જોવા મળી હતી. આ વધારા સાથે, રોકાણકારોએ એક જ દિવસમાં લગભગ 8 લાખ કરોડ રૂપિયાનો નફો કર્યો. મંગળવારે પણ બજાર વધારા સાથે બંધ થયું હતું. બુધવારે શેર બજાર ફરી વધ્યું. સેન્સેક્સ 600 થી વધુ પોઈન્ટ અને નિફ્ટી 200 થી વધુ પોઈન્ટ વધ્યા છે.

બુધવારે, સેન્સેક્સ 631.55 પોઈન્ટના વધારા સાથે 76,532.96 પર બંધ થયો. નિફ્ટીમાં પણ 205.85નો વધારો થયો. આ વધારા સાથે તે 23,163.10 પોઈન્ટ પર બંધ થયો. એક દિવસ પહેલા મંગળવારે સેન્સેક્સમાં 535 પોઈન્ટ અને નિફ્ટીમાં 128 પોઈન્ટનો વધારો થયો હતો. આ વધારાને કારણે રોકાણકારોએ એક જ દિવસમાં લગભગ 8 લાખ કરોડ રૂપિયાનો નફો કર્યો. આ સતત બીજો દિવસ છે જ્યારે બજારમાં મોટો ઉછાળો જોવા મળ્યો છે.

ટ્રેડિંગ સેશનમાં મિડકેપ અને સ્મોલકેપ શેરોમાં ભારે ખરીદી જોવા મળી, જે રોકાણકારોમાં તેજીનો માહોલ દર્શાવે છે. નિફ્ટી મિડકેપ 100 ઇન્ડેક્સ 1,189.40 પોઈન્ટ અથવા 2.31 ટકા વધીને 52,718.85 પર બંધ થયો હતો, અને નિફ્ટી સ્મોલકેપ 100 ઇન્ડેક્સ 532.05 પોઈન્ટ અથવા 3.32 ટકા વધીને 16,540 પર બંધ થયો હતો. ઓટો, આઇટી, પીએસયુ બેંક, ફાઇનાન્શિયલ સર્વિસિસ અને ફાર્મા સહિત તમામ સૂચકાંકોમાં ખરીદી જોવા મળી. ફક્ત FMCG ઇન્ડેક્સ લાલ નિશાનમાં બંધ થયો. વ્યાપક બજારમાં તેજીનો ટ્રેન્ડ રહ્યો. બોમ્બે સ્ટોક એક્સચેન્જ (BSE) પર, 2,979 શેર લીલા નિશાનમાં, 1,009 લાલ નિશાનમાં અને 94 શેર યથાવત રહ્યા.

આ પણ વાંચો..AI ક્ષેત્રમાં વધુ એક ધમાલના સમાચારઃ ChatGPT અને DeepSeek AIને પણ ટક્કર આપશે આ કીમી?