શેરબજારમાં તેજી, સેન્સેક્સ 300 પોઈન્ટ ઉછળ્યો, નિફ્ટી 23,000 ને પાર

નવી દિલ્હી, ૨૯ જાન્યુઆરી: આજે, 29 જાન્યુઆરી, બુધવાર, શેરબજારની શરૂઆત મજબૂતાઈથી થઈ છે. સેન્સેક્સ 237 પોઈન્ટ વધીને 76,138 પર ખુલ્યો જ્યારે નિફ્ટી 69 પોઈન્ટ વધીને 23,026 પર ખુલ્યો. બેંક નિફ્ટી પણ ૧૩૧ પોઈન્ટ વધીને ૪૮,૯૯૭ પર ખુલ્યો. આ મજબૂત શરૂઆત સાથે, IT અને ઓટો સેક્ટરમાં બજારમાં તેજી જોવા મળી છે. આજના ટ્રેડિંગ દરમિયાન, સેન્સેક્સના 30 માંથી 22 શેરોમાં મજબૂત સુધારો જોવા મળી રહ્યો છે.

૧ ફેબ્રુઆરીએ રજૂ થનારા બજેટ પહેલા જ શેરબજારમાં તેજીનો માહોલ જોવા મળી રહ્યો છે. બુધવારે શરૂઆતના કારોબારમાં સ્થાનિક બજારના મુખ્ય સૂચકાંકોમાં સુધારો જોવા મળ્યો છે. આજના પ્રી-ઓપનિંગ સત્રમાં સેન્સેક્સ અને નિફ્ટી બંને સૂચકાંકોમાં વધારો જોવા મળ્યો છે. સેન્સેક્સ 237 પોઈન્ટ વધીને 76,138 પર ખુલ્યો હતો. હાલમાં BSE સેન્સેક્સ 355.87 પોઈન્ટના વધારા સાથે 76,257.28 પોઈન્ટ પર ટ્રેડ થઈ રહ્યો છે. આ સાથે, NSEનો નિફ્ટી પણ 92.8 પોઈન્ટના વધારા પછી 23,050.05 ના સ્તરે ટ્રેડ કરી રહ્યો છે.

સેન્સેક્સમાં લિસ્ટેડ 30 કંપનીઓમાં, ટાટા કન્સલ્ટન્સી સર્વિસીસ, ટેક મહિન્દ્રા, ઇન્ફોસિસ, ઝોમેટો, એચસીએલ ટેક, ટાટા સ્ટીલ, ટાટા મોટર્સ અને કોટક મહિન્દ્રા બેંક સૌથી વધુ વધ્યા હતા. નેસ્લે, આઈટીસી, હિન્દુસ્તાન યુનિલિવર અને એશિયન પેઇન્ટ્સના શેરમાં સૌથી વધુ નુકસાન થયું. એશિયન બજારોમાં, જાપાનના નિક્કી અને દક્ષિણ કોરિયાના કોસ્પી નફામાં હતા, જ્યારે ચીનના શાંઘાઈ કમ્પોઝિટ અને હોંગકોંગના હેંગ સેંગ બંધ હતા.

આ પણ વાંચો..સોનાના ભાવમાં સતત ઘટાડો, જાણો આજનો લેટેસ્ટ ભાવ