શેરબજારે રચ્યો ઇતિહાસ: PM મોદીનું પાંચ ટ્રિલિયન ડૉલરનું સપનું થયું સાકાર

• ભારત આ સિદ્ધિ હાંસલ કરનાર વિશ્વનો પાંચમો દેશ બન્યો

નવી દિલ્હી, 22 મે 2024, સ્થાનિક શેરબજારમાં ઉતાર-ચઢાવ છતાં મોટો રેકોર્ડ બન્યો. BSE લિસ્ટેડ કંપનીઓની કુલ માર્કેટ કેપિટલાઇઝેશન પ્રથમ વખત $5 ટ્રિલિયનના આંકને વટાવી ગઈ છે. આ દેશની વધતી જતી આર્થિક તાકાત દર્શાવે છે. ખાસ વાત એ છે કે શેરબજારને 4 થી 5 ટ્રિલિયન ડોલર સુધી પહોંચવામાં 6 મહિનાથી ઓછો સમય લાગ્યો હતો.

મંગળવારે ભલે શેરબજાર સુસ્ત રહ્યું, પરંતુ ભારતીય શેરબજારે ઈતિહાસ રચ્યો છે. હકીકતમાં, BSE માર્કેટ કેપ પ્રથમ વખત 5 ટ્રિલિયન ડૉલરના આંકડાને સ્પર્શી ગયું છે અને ભારત આમ કરનાર વિશ્વનો પાંચમો દેશ બની ગયો છે. અગાઉ અમેરિકા, ચીન, જાપાન અને હોંગકોંગના શેરબજારો આવા કમાલ કરી ચૂક્યા છે. એચડીએફસી સિક્યોરિટીઝના રિટેલ રિસર્ચ હેડ દીપક જસાણીએ જણાવ્યું હતું કે, ‘બીએસઈ પર લિસ્ટેડ કંપનીઓનું માર્કેટ કેપિટલાઇઝેશન 21 મેના રોજ નવી ઊંચાઈએ પહોંચ્યું હતું. દેશમાં લોકસભાની ચૂંટણી ચાલી રહી છે અને આ દરમિયાન બજારમાં ભારે ઉતાર-ચઢાવ જોવા મળી રહ્યો છે. પરંતુ આ દરમિયાન ભારતીય શેરબજારનું કદ 5 ટ્રિલિયન ડોલર સુધી પહોંચી ગયું છે અને એક જ ઝાટકે તે અમેરિકા, ચીન, જાપાન અને હોંગકોંગની લાઈનમાં આવી ગયું છે.

PM મોદીએ શેરબજાર વિશે શું કહ્યું?

વડાપ્રધાન નરેન્દ્ર મોદીએ ભારતીય શેરબજાર અંગે મોટો દાવો કર્યો છે. તેમણે કહ્યું કે ચૂંટણીના પરિણામો જાહેર થયા બાદ એક સપ્તાહ સુધી બજારમાં ઘણો વેપાર થશે. 4 જૂને ચૂંટણીના પરિણામો જાહેર થયા બાદ ભારતના શેરબજાર એક સપ્તાહની અંદર તમામ રેકોર્ડ તોડી નાખશે. તેમની સરકારે મહત્તમ આર્થિક સુધારા કર્યા છે. સેન્સેક્સ પર મોટું નિવેદન આપતા પીએમ મોદીએ કહ્યું કે તેમની સરકારમાં સેન્સેક્સ 25 હજારથી 75 હજાર સુધી પહોંચી ગયો છે.

કઈ રીતે 1 ટ્રિલિયનથી 5 ટ્રિલિયન સુધીની સફર પૂરી થઈ?

BSEનું માર્કેટ કેપ 5 ટ્રિલિયન ડૉલરના સ્તરે પહોંચવું પોતાનામાં જ રોમાંચક છે, પરંતુ આ દરમિયાન સૌથી મહત્વની વાત એ છે કે ભારતીય શેરબજારે છેલ્લા છ મહિનામાં ઐતિહાસિક ઉછાળો થયો છે હકીકતમાં, છ મહિના પહેલા બોમ્બે સ્ટોક એક્સચેન્જનું માર્કેટ કેપિટલાઇઝેશન 4 ટ્રિલિયન ડોલરને પાર કરી ગયું હતું. 29 નવેમ્બર, 2023 ના રોજ, BSE મેકેપ $ 4 ટ્રિલિયનના સ્તરે પહોંચી ગયો હતો અને હવે છ મહિનાના સમયગાળામાં તે $ 1 ટ્રિલિયનનો વધારો થયો છે. ભારતીય શેરબજારને એક ટ્રિલિયન ડૉલરથી પાંચ ટ્રિલિયન ડૉલર સુધી પહોંચવામાં 15 વર્ષથી વધુ સમય લાગ્યો છે. BSE નું માર્કેટ કેપિટલાઇઝેશન 28 મે 2007ના રોજ પ્રથમ વખત 1 ટ્રિલિયન ડૉલરના સ્તરે પહોંચ્યું હતું અને એક દાયકા પછી એટલે કે વર્ષ 2017માં તેનું કદ 2 ટ્રિલિયન ડૉલર સુધી પહોંચ્યું હતું. તે 2021માં 3 ટ્રિલિયન ડૉલર અને 2023માં 4 ટ્રિલિયન ડૉલરના આંકડાને સ્પર્શી ગયું હતું, પરંતુ હવે છ મહિનાથી ઓછા સમયમાં તે 4 ટ્રિલિયનથી 5 ટ્રિલિયન ડૉલર સુધી પહોંચી ગયું છે.

આ પણ વાંચો..અંગ્રેજોના દેશમાં આજે એક ભારતીય ઉદ્યોગપતિનું એકચક્રી શાસન!