શેરબજાર સતત છઠ્ઠા દિવસે ઘટાડા સાથે બંધ થયું હતું અને BSEના તમામ ક્ષેત્રીય સૂચકાંકો ઘટાડા સાથે બંધ થયા હતા. સ્મોલકેપ, મિડકેપના ઘટાડાથી બજાર નીચે ખેંચાઈ ગયું છે અને તેની અસર દિવસભર જોવા મળી રહી છે. શુક્રવારે બજાર બંધ થયું તે સમયે સેન્સેક્સ 135.37 પોઈન્ટ એટલે કે 0.26 ટકાના ઘટાડા સાથે 51,360.42 પર બંધ થયો હતો. બીજી તરફ, નિફ્ટી 67.10 પોઈન્ટના ઘટાડા સાથે 15,293.50 પર બંધ થયો છે.
નિફ્ટીની સ્થિતિ
શુક્રવારે ટ્રેડિંગના અંતે નિફ્ટી 50ના 50માંથી 15 શેરો લીલા નિશાન સાથે અને 35 શેરો લાલ નિશાન સાથે ટ્રેડ થઈ રહ્યા હતા. બેન્ક નિફ્ટી જોકે લીલા નિશાનમાં બંધ થયો છે અને તે 125.95 પોઈન્ટ અથવા 0.39 ટકા વધીને 32,743ના સ્તરે બંધ થયો છે.
શુક્રવારે કેવું રહ્યું શેર બજાર ?
ઓઈલ, ગેસ, ફાર્મા, કન્ઝ્યુમર ડ્યુરેબલ્સ શેર સૌથી વધુ ઘટાડાની સાથે બંધ થયા છે.
આઈટી, ઓટો, એફએમસીજી શેરોમાં વેચવાલી સાથે ટ્રેડિંગ બંધ થયું.
મિડકેપ શેર 303 પોઈન્ટ ઘટીને 25,877ના સ્તરે બંધ રહ્યો હતો.
કયા સ્ટોક્સમાં ઘટાડો ?
શુક્રવારે ઘટેલા શેર વિશે વાત કરીએ તો, ટાઇટન 6.10 ટકા અને વિપ્રો 3.77 ટકા નીચે છે. શ્રી સિમેન્ટ 3.66 ટકા અને HDFC લાઇફ 3.29 ટકા ઘટીને બંધ થયા હતા. SBI લાઇફે 3.10 ટકાના ઘટાડા સાથે બિઝનેસ બંધ કર્યો છે.
કયા સ્ટોક્સમાં વધારો ?
શુક્રવારના ટોપ ક્લાઈમ્બર્સમાં બજાજ ફિનસર્વ 2.76 ટકા અને બજાજ ફાઈનાન્સ 2.73 ટકા વધીને બંધ થયા હતા. કોલ ઈન્ડિયા 2.25 ટકા, જેએસડબલ્યુ સ્ટીલ 2.11 ટકાનો વધારો દર્શાવે છે. રિલાયન્સ ઈન્ડસ્ટ્રીઝમાં 1.79 ટકાનો ઉછાળો જોવા મળી રહ્યો છે.
