રાજ્યકક્ષાની અંડર- ૧૯ તથા મેન્સ ઓપન ક્રિકેટ ટુર્નામેન્ટ સમાપ્ત, વિજેતાને મળ્યા ઇનામ તથા ટ્રોફી
HD ન્યુઝ ડેસ્કઃ ગાંધીનગર સ્થિત ઇંસ્ટિટ્યુટ ઓફ એડવાન્સ્ડ રીસર્ચ ધ યુનિવર્સિટી ફોર ઇનોવેશન ખાતે રાજ્યકક્ષાની અંડર- ૧૯ તથા મેન્સ ઓપન ક્રિકેટ ટુર્નામેન્ટ ૧૯મી મે થે ૨૯મી મે સુધી આયોજન કરવામાં આવ્યુ હતું. આ ટુર્નામેન્ટ 10 દિવસ ચાલી હતી. તથા સમાપન 30 તારીખે રાખવામાં આવ્યુ હતું
૫૧૦ થી વધુ ખેલાડીઓએ ભાગ લીધોઃ ક્રિકેટ ટુર્નામેન્ટના એવોર્ડ વિતરણ ૩૦ મી મે, ૨૦૨૩ રોજ ગાંધીનગર મહાનગરપાલિકાના સ્ટેન્ડિંગ કમિટિના ચેરમેન શ્રી જશવંતભાઇ પટેલ ઉપસ્થિત રહ્યા હતાં. રાજ્યકક્ષાની અંડર- ૧૯ તથા મેન્સ ઓપન ક્રિકેટ ટુર્નામેન્ટમાં ગુજરાતભરમાંથી કુલ ૩૬ થી વધું ટીમો તથા ૫૧૦ થી વધુ ખેલાડીઓએ ભાગ લીધો. દરેક ખેલાડીએ આ મેચમાં ઉત્સાહ સાથે ભાગ લીધો હતો.
ઇનામ તથા ટ્રોફી આપવામાં આવીઃ આ ટુર્નામેન્ટમાં અંડર-૧૯ માં DPS તથા મેંસ ઓપનમાં GNLU ચેમ્પિયન બન્યા હતાં તથા સેંટ ઝેવિયર્સ, ગાંધીનગર તથા IAR રનર અપ રહ્યા હતાં. આ મેચમાં જે વિજેતા ટીમો છે તેમને રોકડ રકમ ઇનામ તથા ટ્રોફી આપવામાં આવી હતી. તાલીઓના ગળગળાટ સાથે વિજેતા ટીમને દર્શકોએ બીરદાવ્યા હતા.
કાર્યક્રમનું આયોજનઃ આ સમગ્ર કાર્યક્રમનું આયોજન યુનિવર્સિટીના પ્રેસિડેંટ પ્રોફેસર રાવ ભામિદિમારીના માર્ગદર્શન હેઠળ યુનિવર્સિટીના રજીસ્ટ્રાર ડૉ. મનિષ પરમાર દ્વારા કરવામાં આવ્યું હતું. ખેલાડી તથા દર્શકોને આ ટુર્નામેન્ટમાં ખુબ મજા આવી હતી
આ પણ વાંચોઃ આણંદ અને બનાસકાંઠા જિલ્લા વચ્ચે ક્રિકેટની યોજાયેલ ફાઇનલમાં બનાસકાંઠાની ટીમ બની ઉપવિજેતા
