Oscarની રેસમાં ‘RRR’, મેકર્સે આ કેટેગરી માટે ફિલ્મ કરી અપ્લાય
‘RRR’ના ફેન્સ માટે સારા સમાચાર છે. લાંબા સમય સુધી ઓસ્કારની રેસમાં ‘RRR’ અને ‘કાશ્મીર ફાઈલ્સ’ના નામને લઈને ઘમાસાણ ચાલતું હતું, પરંતુ બાદમાં ગુજરાતી ફિલ્મ ‘ધ લાસ્ટ શો‘ એ બંનેને ઓસ્કારની રેસમાં પાછળ છોડી દીધા હતા. પરંતુ હવે સમાચાર આવી રહ્યા છે કે એસ.એસ રાજામૌલીની આરઆરઆરએ પણ ઓસ્કાર એન્ટ્રીની તૈયારી કરી લીધી છે.
#RRRForOscars pic.twitter.com/yKzrZ5fPeS
— RRR Movie (@RRRMovie) October 6, 2022
ખરેખર, ભારત તરફથી ‘ધ લાસ્ટ શો’ને ઓસ્કાર માટે પસંદ કરવામાં આવી છે. ફિલ્મ બોર્ડના આ નિર્ણયથી ‘RRR’ના મેકર્સ ખૂબ જ દુઃખી હતા અને તેઓ નારાજ પણ હતા. તેમનું માનવું હતું કે જે રીતે વિદેશના લોકોએ ફિલ્મને પસંદ કરી છે તે જોતાં ‘RRR’ ઓસ્કર માટે પ્રબળ દાવેદાર છે.
‘RRR’ના નિર્માતાઓએ અરજી કરી
હવે ‘RRR’ના નિર્માતાઓએ ઓસ્કાર માટે વ્યક્તિગત કેટેગરીમાં પ્રવેશ માટે અરજી કરી છે. મેકર્સે પોતે સોશિયલ મીડિયા દ્વારા આ માહિતી આપી છે. સોશિયલ મીડિયા પર એક પોસ્ટ શેર કરતા ‘RRR’ ટીમે લખ્યું છે કે – અમને ગર્વ છે કે ‘RRR’એ વિશ્વવ્યાપી સફળતા હાંસલ કરી છે અને ભારતીય સિનેમાને વૈશ્વિક મંચ પર લઈ ગઈ છે. અમે જનરલ કેટેગરીમાં ઓસ્કાર માટે અરજી કરી છે.
મેકર્સને લાગે છે કે ‘RRR’ફિલ્મ ઓસ્કાર માટે પ્રબળ દાવેદાર સાબિત થઈ શકે છે અને તે એક સુવર્ણ તક સાબિત થઈ શકે છે. હવે જોવાનું એ રહે છે કે આ ફિલ્મ ઓસ્કારની રેસને પાર કરી શકશે કે કેમ.
