‘મહાભારત’ માટે રાજમૌલીનો માસ્ટર પ્લાન, કહ્યું-“મહાભારત’ મારો ડ્રીમ પ્રોજેક્ટ”
સાઉથ ફિલ્મ ઈન્ડસ્ટ્રીના જાણીતા નિર્દેશક એસએસ રાજામૌલી કે જેઓ ફિલ્મ ‘બાહુબલી’ માટે દુનિયાભરમાં પ્રખ્યાત છે. તાજેતરમાં જ રાજામૌલીના નિર્દેશનમાં બનેલી ફિલ્મ ‘RRR’ રિલીઝ થઈ હતી. આ ફિલ્મે બોક્સ ઓફિસ પર જબરદસ્ત બિઝનેસ કર્યો હતો. બધાની નજર રાજામૌલીની આગામી ફિલ્મ પર છે. એવું કહેવામાં આવી રહ્યું છે કે, રાજામૌલીએ તેમના આગામી પ્રોજેક્ટ ‘મહાભારત’ પર પ્લાનિંગ શરૂ કરી દીધું છે.
તાજેતરના ઈન્ટરવ્યુમાં રાજામૌલીએ ‘મહાભારત’ માટેના તેમના પ્લાનિંગ વિશે વાત કરી હતી. તેમણે કહ્યું કે ભારતીય મહાકાવ્યને પડદા પર લાવવા માટે મહાભારતથી શ્રેષ્ઠ કોઈ ન હોઈ શકે. રાજામૌલી કહે છે, ‘મહાભારત મારો ડ્રીમ પ્રોજેક્ટ છે, જેના પર હું લાંબા સમયથી કામ કરી રહ્યો છું. “હું તેને વધુ મોટી અને સારી બનાવવા માંગુ છું. અને હા, હું દુનિયાને ભારતીય વાર્તાઓ જણાવવા માંગુ છું. જોકે હવે તેના પર કામ શરૂ કરવામાં ઘણો સમય લાગશે. રાજામૌલી આ ફિલ્મ બનાવતા પહેલા ત્રણ-ચાર ફિલ્મો પર પહેલા કામ કરશે.
એક તરફ રાજામૌલીની ‘મહાભારત’ને લઈને તૈયારીઓ ચાલી રહી છે તો બીજી તરફ દર્શકો ફિલ્મને લઈને ખૂબ જ ઉત્સાહિત છે. જો કે, હાલમાં ફિલ્મની વાર્તા અને કાસ્ટ વિશે વધુ ખુલાસો કરવામાં આવ્યો નથી. પરંતુ આ એક મોટા બજેટની ફિલ્મ હશે, જે બોક્સ ઓફિસ પર નવો ઈતિહાસ રચી શકે છે.
તાજેતરમાં જ એસએસ રાજામૌલીની ફિલ્મ RRR રિલીઝ થઈ હતી. જેમાં રામ ચરણ તેજા, જુનિયર એનટીઆર, આલિયા ભટ્ટ અને અજય દેવગણ જેવા કલાકારો જોવા મળ્યા હતા. આ ફિલ્મે બોક્સ ઓફિસ પર એક હજાર કરોડનો આંકડો પાર કર્યો હતો. આ સાથે જ આ ફિલ્મે હોલિવૂડમાં પણ નવો બેન્ચમાર્ક સ્થાપિત કર્યો છે.
