ટેબલ ટેનિસમાં શ્રીજા અકુલા અને બોક્સિંગમાં લોવલિના બોર્ગોહેને મેડલની આશા જગાવી

પેરિસ, 31 જુલાઈઃ ઓલિમ્પિક 2024માં ભારતને ફાળે હજુ કેટલાક મેડલની આશા જીવંત છે, જેમાં આજે બુધવારે ટેબલ ટેનિસ અને બોક્સિંગમાં ભારતીય ખેલાડીઓ પ્રી-ક્વાર્ટર ફાઈલનમાં પહોંચી જતાં સફળતાની આશા દેખાઈ રહી છે. ટેબલ ટેનિસમાં ભારતની શ્રીજા અકુલાએ શાનદાર પ્રદર્શન કર્યું અને પ્રી-ક્વાર્ટર ફાઇનલમાં જગ્યા બનાવી લીધી. તેણે શાનદાર પ્રદર્શન કર્યું છે. આ કારણે તેણે મેડલની તમામ આશા જાગી છે.

ભારતીય ખેલાડીઓ પેરિસ ઓલિમ્પિક 2024માં ટેબલ ટેનિસમાં ખૂબ જ સારું પ્રદર્શન કરી રહ્યા છે. મનિકા બત્રા બાદ શ્રીજા અકુલાએ પણ રાઉન્ડ-16માં જગ્યા બનાવી લીધી છે. બંને ખેલાડીઓ શાનદાર ફોર્મમાં છે. ભારતીયોને આ ખેલાડીઓ પાસેથી મેડલની આશા છે. ઓલિમ્પિકના ઈતિહાસમાં અત્યાર સુધી કોઈ ભારતીય ખેલાડી ટેબલ ટેનિસમાં મેડલ જીતી શક્યો નથી, પરંતુ આ વખતે ચમત્કાર થઈ શકે છે.

શ્રીજા અકુલાએ સિંગાપોરની જિયાન ઝેંગને હરાવીને પ્રી-ક્વાર્ટર ફાઇનલમાં પોતાનું સ્થાન નિશ્ચિત કરી લીધું છે. રાઉન્ડ-32માં બંને ખેલાડીઓ વચ્ચે જોરદાર સ્પર્ધા જોવા મળી હતી. પરંતુ અંતે વિજય શ્રીજા અકુલાને મળ્યો. અકુલાએ કપરા મુકાબલામાં ઝેંગને 4-2થી હરાવ્યું હતું. શ્રીજાએ 9-11, 12-10, 11-4, 11-5, 10-12, 12-10થી જીત મેળવી હતી. શ્રીજા પ્રથમ ગેમ હારી ગઈ હતી. પરંતુ આ પછી તેણે જોરદાર વાપસી કરી અને મેચ જીતી લીધી. બંને ખેલાડીઓ વચ્ચેની આ મેચ 51 મિનિટ સુધી ચાલી હતી.

ઓલિમ્પિક બોક્સિંગમાં પણ લોવલિના બોર્ગોહેને ક્વાર્ટર ફાઇનલમાં જગ્યા બનાવી લીધી છે. તેણીએ એકતરફી મેચમાં સુનિવા હોફસ્ટેડને 5-0થી હરાવ્યું છે. સુનિવા લવલીના સામે ટકી શકી નહીં અને લોવલીનાએ શાનદાર પ્રદર્શન કર્યું. તેણે વિરોધી બોક્સરને કોઈ તક આપી ન હતી. તેને મેચ જીતવામાં કોઈ મુશ્કેલી ન પડી. મેચના અંતે તમામ જજે લવલિનાની તરફેણમાં નિર્ણય આપ્યો હતો.

ભારતને ફાળે અત્યાર સુધીમાં કુલ બે મેડલ

ભારતે પેરિસ ઓલિમ્પિક 2024માં અત્યાર સુધીમાં કુલ 2 બ્રોન્ઝ મેડલ જીત્યા છે અને મેડલ ટેલીમાં 35મા નંબરે છે. ભારત માટે, મનુ ભાકરે 10 મીટર એર પિસ્તોલ વ્યક્તિગત ઈવેન્ટમાં બ્રોન્ઝ મેડલ જીત્યો હતો. આ પછી મનુ ભાકર અને સરબજોત સિંહે 10 મીટર એર પિસ્તોલની મિશ્ર સ્પર્ધામાં બ્રોન્ઝ મેડલ જીત્યો. મનુ ભારત માટે એક ઓલિમ્પિકમાં બે મેડલ જીતનારી પ્રથમ ભારતીય મહિલા ખેલાડી બની છે.

આ પણ વાંચોઃ પીવી સિંધુને બચાવવા જ્યારે મનુ ભાકરે ફેક પ્રોફાઇલ બનાવી હતી! જાણો ઘટના