કોણ છે મોહના સિંહ? જાણો તેજસ લડાકુ વિમાન ઉડાવનાર પ્રથમ મહિલા ફાઇટર પાયલટ વિશે

નવી દિલ્હી – 18 સપ્ટેમ્બર :     ભારતીય વાયુસેનાના સ્ક્વોડ્રન લીડર મોહના સિંહે ઇતિહાસ રચ્યો છે. હકીકતમાં, તે સ્વદેશી લાઇટ કોમ્બેટ એરક્રાફ્ટ તેજસમાં ઉડાન ભરનાર ભારતના પ્રથમ મહિલા ફાઇટર પાયલોટ બન્યા છે. તેઓ LCA તેજસ સંચાલિત ’18 ફ્લાઈંગ બુલેટ્સ’ સ્ક્વોડ્રોનમાં જોડાયા છે. લગભગ 8 વર્ષ પહેલાં ફાઈટર સ્ક્વોડ્રનમાં જોડાનાર તે પ્રથમ મહિલા ફાઈટર પાયલોટ બન્યા હતા. મોહના સિંહે સ્ક્વોડ્રન લીડર ભાવના કંથ અને અવની ચતુર્વેદી સાથે ભારતીય વાયુસેનામાં મહિલા ફાઇટર પાયલોટની શરૂઆતની ત્રિપુટીનો ભાગ હતા. શરૂઆતના દિવસોમાં ત્રણેય પાયલટોએ વાયુસેનાના ફાઈટર ફ્લીટમાંથી ઘણા વિમાનો ઉડાવ્યા હતા.

મોહના સિંહની સિદ્ધિ
હાલમાં ભાવના કંથ અને અવની ચતુર્વેદી પશ્ચિમી રણમાં સુખોઈ 30 MKI ફાઈટર જેટ ઉડાવી રહ્યા છે. મોહના સિંહે તાજેતરમાં જોધપુરમાં તરંગ શક્તિના અભ્યાસમાં ભાગ લીધો હતો, જ્યાં તેમણે સશસ્ત્ર દળોના ત્રણ વાઇસ ચીફ સાથે તેજસની ઐતિહાસિક ઉડાન ભરી હતી, જો કે, સરકારે 2016માં મહિલાઓ માટે ફાઈટર સ્ટ્રીમ ખોલી હતી, તેથી હવે ભારતીય વાયુસેનામાં લગભગ 20 મહિલા ફાઈટર પાયલોટ છે.

તેજસમાં ત્રણેય સેનાના વડાઓએ ઉડાન ભરી
ઉલ્લેખનીય છે કે તાજેતરમાં જ જોધપુરમાં આયોજિત એર કવાયત દરમિયાન ભારતીય વાયુસેના, આર્મી અને નેવીના નાયબ વડાઓએ સ્વદેશી લાઇટ કોમ્બેટ એરક્રાફ્ટ (LAC) તેજસમાં ઉડાન ભરી હતી. અધિકારીઓએ જણાવ્યું હતું કે વાયુસેનાના વાઇસ ચીફ એર માર્શલ એ.પી. સિંહે લીડ ફાઇટર એરક્રાફ્ટ ઉડાવ્યું હતું, જ્યારે વાઇસ ચીફ ઓફ આર્મી સ્ટાફ લેફ્ટનન્ટ જનરલ એન.એસ. રાજા સુબ્રમણિ અને નૌકાદળના વાઇસ ચીફ વાઇસ એડમિરલ કૃષ્ણા સ્વામીનાથને બે સીટર એરક્રાફ્ટ ઉડાડ્યું હતું. હિન્દુસ્તાન એરોનોટિક્સ લિમિટેડ (HAL) દ્વારા ઉત્પાદિત તેજસ એરક્રાફ્ટ એ હવાઈ લડાઇ અને આક્રમક હવાઈ સપોર્ટ મિશન માટે એક શક્તિશાળી વિમાન છે, જ્યારે તેનો ઉપયોગ લશ્કરી જાસૂસી અને જહાજ વિરોધી કામગીરી માટે પણ થઈ શકે છે.

આ પણ વાંચો : ઇડર ખેડબ્રહ્મા હાઇવે રોડ પર ગોઝારો અકસ્માત સર્જાયો, માતા-પુત્રનું થયું મૃત્યુ