મેડ્રિડઃ સ્પેનિશ સરકારના પ્રધાન ફેલિક્સ બોલાનોસે જણાવ્યું હતું કે, વડાપ્રધાન પેડ્રો સાંચેઝ અને સંરક્ષણ પ્રધાન માર્ગારીટા રોબલ્સના મોબાઇલ ફોનમાં ‘પેગાસસ’ સ્પાયવેર મળી આવ્યું છે. પ્રેસ તેમણે કોન્ફરન્સમાં જણાવ્યું હતું કે, મે 2021માં સાંચેઝના ફોનમાં વાયરસ ઘૂસ્યો હતો અને તે સમયે ડેટા લીક થયો હતો. તેમણે જાસૂસી કોણ કરી શકે છે અથવા વિદેશી અથવા સ્પેનિશ જૂથો તેની પાછળ હોવાની શંકા છે કે કેમ તે અંગે કોઈ માહિતી આપી નહોતી.
ન્યાય મંત્રાલયને આ અંગે જાણકારી આપવામાં આવી હતી અને હાઇકોર્ટ કેસની જવાબદારી સંભાળશે અને તેમણે ઉમેર્યું હતું કે, ‘હસ્તક્ષેપ ગેરકાયદેસર અને બાહ્ય હતા. બાહ્ય માધ્યમો બિન-સત્તાવાર સંસ્થાઓ દ્વારા અને રાજ્યની અધિકૃતતા વિના હાથ ધરવામાં આવ્યા હતા.’
કેનેડાના ડિજિટલ અધિકાર જૂથ સિટીઝન લેબ દ્વારા કતલાન અલગતાવાદી ચળવળ સાથે જોડાયેલા 60થી વધુ લોકો ઇઝરાયેલના NSO ગ્રુપ દ્વારા બનાવવામાં આવેલા ‘પેગાસસ’ સ્પાયવેરના લક્ષ્યાંકો હતા. તે પછી આ જાહેરાત ડાબેરી ગઠબંધન સરકાર પર પોતાને સમજાવવા માટેના તીવ્ર દબાણને અનુસરે છે.
કતલાન અલગતાવાદી ચળવળના સભ્યો પર જાસૂસીના આરોપો પછી સંસદમાં લઘુમતી સરકારના મુખ્યસાથી, કેટાલોનિયાના ડાબેરી સ્વતંત્રતા તરફી પક્ષ ERCએ જણાવ્યું હતું કે, જ્યાં સુધી મેડ્રિડ આત્મવિશ્વાસ પુનઃસ્થાપિત કરવા માટે પગલાં નહીં લે ત્યાં સુધી તે સરકારને સમર્થન આપશે નહીં.
પેરે એરાગોન્સ અલગતાવાદી કતલાન પ્રાદેશિક પ્રમુખ સોમવારે એક નિવેદનમાં કહ્યું કે, ‘જ્યારે સામૂહિક દેખરેખ કતલાન સ્વતંત્રતા ચળવળની વિરુદ્ધ હોય છે, ત્યારે અમે ફક્ત મૌન અને બહાના સાંભળીએ છીએ. આજે બધું ઉતાવળમાં કરવામાં આવે છે. પરંતુ અહીં બેવડું ધોરણ સ્પષ્ટ છે. એવું લાગે છે કે સ્વતંત્રતા ચળવળની વિરુદ્ધ કંઈપણ સ્વીકારવામાં આવે છે.’
અધિકારીઓ, પત્રકારો અને રાજકારણીઓની જાસૂસી કરવા માટે ક્લાયન્ટ સરકારો દ્વારા તેનો દુરુપયોગ કરવામાં આવ્યો હોવાના આરોપો પર યુરોપિયન યુનિયનના ડેટા વોચડોગે પેગાસસ પર પ્રતિબંધ મૂકવાની હાકલ કરી છે.
