જામનગરમાં અંગારા પર ખુલ્લા પગે ગરબે ઘૂમતા ખેલૈયાઓ, જૂઓ Video
જામનગર, 4 ઓક્ટોબર : છોટીકાશી’ તરીકે ઓળખાતા જામનગર શહેરમાં આવેલા રણજીત નગર વિસ્તારમાં પટેલ યુવક ગરબી મંડળ દ્વારા છેલ્લા 7 દાયકાથી યોજાતી ગરબીમાં મશાલ રાસ અને અંગારા રાસનું ભારે આકર્ષણ રહે છે. પટેલ યુવક મંડળ દ્વારા ખેલાતા આ રાસને જોવા માટે બહારગામથી પણ લોકો આવતા હોય છે. યુવકો નવરાત્રી પૂર્વે આ રાસની સઘન પ્રેક્ટીસ કરી અંગારા પર સુરક્ષિત રમવામાં મહારથ મેળવે છે. તેમની આ અનોખી કળા નિહાળી દર્શકો મંત્રમુગ્ધ થઇ જાય છે.
સળગતા અંગારા વચ્ચે મશાલ રાસ!
જામનગરના યુવાનો પરંપરાગત મશાલ રાસમાં અગ્નિમાં ગરબે ઘૂમી લોકોના આકર્ષણનું કેન્દ્ર બન્યા… pic.twitter.com/opFYk4edBS
— Hum Dekhenge News (@humdekhengenews) October 4, 2024
આ ઉપરાંત આ જ રીતે ખેલૈયાઓ પોતાના બંને હાથમાં મશાલ લઇ ગરબે રમવામાં પણ સચોટ તાલીમ અને અભ્યાસની જરૂર હોય છે. આ પટેલ યુવક ગરબી મંડળનાં ખેલૈયાઓ એક સાધનાની જેમ ‘આગ સાથે રમવાની’ યોગ્યતા કેળવીને મશાલ રાસ તથા અંગારા રાસ રમે છે અને પરંપરાગત ગરબાને અનોખી રીતે પ્રસ્તુત કરી દર્શકોનાં દિલ જીતી લે છે. જે અંગારા રાસ જામનગરમાં ખૂબ જ આકર્ષણનું કેન્દ્ર બન્યા છે.
