નકલી જન્મ પ્રમાણપત્ર કેસમાં સપા નેતા આઝમ ખાન પરિવારને 7 વર્ષની સજા
સમાજવાદી પાર્ટીના વરિષ્ઠ નેતા આઝમ ખાનને કોર્ટ તરફથી મોટો ઝટકો લાગ્યો છે. રામપુરની MP-MLL કોર્ટે આઝમ ખાન, તેની પત્ની તન્ઝીન ફાતિમા અને તેના પુત્ર અબ્દુલ્લા આઝમને બનાવટી જન્મ પ્રમાણપત્ર કેસમાં દોષિત ઠેરવ્યા છે અને દરેકને 7 વર્ષની સજા ફટકારી છે. ત્રણેયને અહીંથી સીધા જેલમાં લઈ જવામાં આવશે.
VIDEO | Samajwadi Party leader Azam Khan, his wife Tanzeem Fatima and their son Abdullah Azam Khan convicted in fake birth certificate case. pic.twitter.com/XfqfunFJhe
— Press Trust of India (@PTI_News) October 18, 2023
ખોટા જન્મ પ્રમાણપત્રનો આ મામલો 2017ની યુપી વિધાનસભા ચૂંટણી સાથે સંબંધિત છે. ત્યારબાદ અબ્દુલ્લા આઝમે સપાની ટિકિટ પર રામપુરની સ્વાર વિધાનસભા બેઠક પરથી ચૂંટણી લડી હતી. તેઓ આ ચૂંટણી જીત્યા હતા. પરંતુ ચૂંટણીના પરિણામો બાદ તેમની સામે હાઈકોર્ટમાં કેસ દાખલ કરવામાં આવ્યો હતો. તેમના પર આરોપ હતો કે અબ્દુલ્લા આઝમે ચૂંટણી ફોર્મમાં જે ઉમરનો ઉલ્લેખ કર્યો છે તે ખોટી છે.
VIDEO | “All three – Samajwadi Party leader Azam Khan, his wife Tanzeem Fatima and their son Abdullah Azam Khan – have been convicted under sections 420, 467, 468, and 471 of the IPC. They have been sentenced to jail for seven years,” says advocate Arun Prakash. pic.twitter.com/zDTORBJq5E
— Press Trust of India (@PTI_News) October 18, 2023
ખોટા જન્મ પ્રમાણપત્રના કારણે સ્વાર બેઠકની ચૂંટણી રદ કરવામાં આવી હતી
અબ્દુલ્લા ધારાસભ્ય ચૂંટણી લડવા માટે પુરતી ઉમર ધરાવતા ન હતા જેના કારણે તેમણે જન્મ પ્રમાણપત્રના આધારે તેમનો જન્મ 30 સપ્ટેમ્બર 1990 દર્શાવામાં આવ્યો હતો. ત્યારે શૈક્ષણિક પ્રમાણપત્રમાં અબ્દુલ્લાની જન્મતારીખ 1 જાન્યુઆરી 1993 છે, જેના કારણે આ મામલો હાઈકોર્ટમાં પહોંચ્યો હતો ત્યાર બાદ તેના પર સુનાવણી શરૂ થઈ અને અબ્દુલ્લાએ રજૂ કરેલું જન્મ પ્રમાણપત્ર નકલી હોવાનું જાણવા મળ્યું. આ પછી સ્વાર બેઠક પરથી તેમની ચૂંટણી રદ કરવામાં આવી હતી.
બે જન્મ પ્રમાણપત્રો, બંને અલગ-અલગ જન્મસ્થળો
અબ્દુલ્લા પર પહેલા જન્મ પ્રમાણપત્રના આધારે પાસપોર્ટ મેળવવાનો અને વિદેશ પ્રવાસ કરવાનો અને બીજા પ્રમાણપત્રનો સરકારી હેતુઓ માટે ઉપયોગ કરવાનો આરોપ છે. આ સિવાય તેના પર જૌહર યુનિવર્સિટી માટે તેનો ઉપયોગ કરવાનો પણ આરોપ છે. વાસ્તવમાં, આરોપ મુજબ, અબ્દુલ્લા આઝમ પાસે બે અલગ-અલગ જન્મ પ્રમાણપત્ર છે. રામપુર નગરપાલિકા દ્વારા 28 જૂન 2012ના રોજ એક જારી કરવામાં આવ્યું છે, જેમાં રામપુરને અબ્દુલ્લાના જન્મસ્થળ તરીકે દર્શાવવામાં આવ્યું છે. બીજું જન્મ પ્રમાણપત્ર જાન્યુઆરી 2015માં જારી કરવામાં આવ્યું છે, જેમાં લખનૌને તેમનું જન્મસ્થળ દર્શાવવામાં આવ્યું છે.
બે દિવસ પહેલા જ કોર્ટે રિવિઝનને ફગાવી દીધું હતું: બે દિવસ પહેલા 16 ઓક્ટોબરે આ મામલામાં આઝમ પરિવારને મોટો આંચકો લાગ્યો હતો. ડિસ્ટ્રિક્ટ જજની કોર્ટમાં કેસમાં દલીલ કરવા માટે બચાવ માટે વધુ સમય માંગતી રિવિઝન દાખલ કરવામાં આવી હતી, જેને સુનાવણી માટે એમપી-એમએલએ સ્પેશિયલ કોર્ટ એડીજે ફર્સ્ટ કોર્ટમાં મોકલવામાં આવી હતી. કોર્ટે આ રિવિઝનને ફગાવી દીધું હતું.
આ પણ વાંચો: રાહુલ ગાંધીનો મોટો આરોપ, કહ્યું- મોંઘી વીજળી માટે અદાણી જવાબદાર
