સોનુ સૂદે Blue Tick માટે હાથ જોડનારા સેલેબ્સની મજાક ઉડાવી !

ટ્વિટર આ દિવસોમાં Blue Tickને લઈને ખૂબ ચર્ચામાં છે. ટ્વિટરે અમિતાભ બચ્ચન, શાહરૂખ ખાન, પ્રિયંકા ચોપરા સહિત ઘણા દિગ્ગજોના એકાઉન્ટ સહિત બોલીવુડની ઘણી હસ્તીઓના વેરિફાઇડ એકાઉન્ટમાંથી Blue Tick હટાવી દીધી છે. જોકે હવે અમિતાભ બચ્ચનને Blue Tick પાછુ મળી ગયું છે. તમામ સ્ટાર્સે ટ્વિટરની આ કાર્યવાહી અંગે ટ્વિટ કરીને Blue Tick પરત કરવાની માંગ કરી છે. હવે એક્ટર સોનુ સૂદે Blue Tickને લઈને એક ટ્વિટ કર્યું છે, જે ઝડપથી વાયરલ થઈ રહ્યું છે.

સોનુ સૂદે ટ્વિટર પર શું લખ્યું?

સોનુ સૂદે સવારે ટ્વીટ કર્યું, “ભાઈસાહેબને કોણ સમજાવે, Blue Tick ખરીદવાનું નહીં, કમાવવી પડે છે.” લોકો સોનુ સૂદના આ ટ્વિટના વખાણ કરી રહ્યા છે. સોનુ સૂદે તેના ટ્વીટમાં કોઈનું નામ લીધું ન હતું, પરંતુ તેણે એવા સેલેબ્સ પર કટાક્ષ કર્યો જે હાથ-પગ જોડી રહ્યા હતા.

भाई साहब को कौन समझाए
Blue ☑️
ख़रीदनी नहीं
कमानी पड़ती है।????

— sonu sood (@SonuSood) April 22, 2023

અમિતાભ બચ્ચને ફની ટ્વિટ કર્યું

ગઈકાલે સવારે ઘણા બોલિવૂડ સેલેબ્સના ટ્વિટર એકાઉન્ટ પરથી Blue Tick  હટાવી દેવામાં આવી હતી. મેગાસ્ટાર અમિતાભ બચ્ચન પણ Blue Tick  ગુમાવનારાઓમાં સામેલ હતા. આ પછી તેમણે ટ્વીટર પર મજાકમાં લખ્યું કે, હે ટ્વિટર ભાઈ ! તમે સાંભળી રહ્યા છો? હવે અમે પૈસા પણ ભરી દીધા છે.. તો અમારા નામની આગળ જે Blue Tick છે, તે પાછું મૂકી દો ભાઈ. જેથી લોકોને ખબર પડે કે આપણે એક જ છીએ.. અમિતાભ બચ્ચન. અમે આ વખતે હાથ જોડી રહ્યા છીએ હવે ગોડવા જોડી પડી કા..

T 4623 – ए twitter भइया ! सुन रहे हैं ? अब तो पैसा भी भर दिये हैं हम … तो उ जो नील कमल ✔️ होत है ना, हमार नाम के आगे, उ तो वापस लगाय दें भैया , ताकि लोग जान जायें की हम ही हैं – Amitabh Bachchan .. हाथ तो जोड़ लिये रहे हम । अब का, गोड़वा ????जोड़े पड़ी का ??

— Amitabh Bachchan (@SrBachchan) April 21, 2023

સેલેબ્સના ટ્વિટર એકાઉન્ટમાંથી Blue Tick ગાયબ

અમિતાભ બચ્ચન ઉપરાંત, અન્ય બોલિવૂડ હસ્તીઓ જેમણે Blue Tick ગુમાવ્યું છે તેમાં શાહરૂખ ખાન, સલમાન ખાન, પ્રિયંકા ચોપરા જોનાસ, રણવીર સિંહ, અજય દેવગન, અક્ષય કુમાર, આલિયા ભટ્ટ અને અનુષ્કા શર્મા વગેરેનો સમાવેશ થાય છે.