સોનિયા ગાંધીએ રાયબરેલીના લોકોને લખ્યો પત્ર, જણાવ્યું ચૂંટણી ન લડવાનું કારણ

15 ફેબ્રુઆરી, 2024: બે દાયકાથી વધુ સમયથી રાયબરેલી બેઠક પરથી લોકસભામાં જઈ રહેલા સોનિયા ગાંધીએ હવે રાજ્યસભાના રાજકારણમાં પ્રવેશ કર્યો છે. સોનિયા ગાંધીના રાયબરેલીથી ચૂંટણી નહીં લડવાના નિર્ણય સાથે ગાંધી પરિવારની ત્રીજી પેઢીનું ઉત્તર પ્રદેશ સાથેનું જોડાણ સમાપ્ત થઈ ગયું છે. ગાંધી પરિવારનો રાયબરેલી સાથે જૂનો સંબંધ છે. આ સ્થિતિમાં આ વખતે અહીંથી ચૂંટણી નહીં લડવાનો નિર્ણય લીધા બાદ સોનિયા ગાંધીએ રાયબરેલીના લોકોને ભાવનાત્મક પત્ર લખ્યો છે.

રાયબરેલીના લોકોને ભાવનાત્મક પત્ર 

પત્રમાં સોનિયાએ રાયબરેલીના લોકોને કહ્યું, “રાયબરેલી સાથે અમારા પરિવારના સંબંધોના મૂળ ખૂબ ઊંડા છે. આઝાદી પછી થયેલી પહેલી લોકસભાની ચૂંટણીમાં તમે મારા સસરા ફિરોઝ ગાંધીને અહીંથી જીતાડીને દિલ્હી મોકલ્યા હતા. તેમના પછી તમે મારા સાસુ ઈન્દિરા ગાંધીને તમારા પોતાના બનાવ્યા. ત્યારથી લઈને અત્યાર સુધી, આ સિલસિલો જીવનના ઉતાર-ચઢાવ અને મુશ્કેલ માર્ગોમાંથી પસાર થઈને પ્રેમ અને ઉત્સાહ સાથે ચાલુ રહ્યો છે અને તેમાં આપણો વિશ્વાસ વધુ મજબૂત બન્યો છે.”

ચૂંટણી ન લડવાનું કારણ ઉંમર અને સ્વાસ્થ્ય: સોનિયા ગાંધી

રાયબરેલીથી 2024ની લોકસભા ચૂંટણી ન લડવાનું કારણ જણાવતાં સોનિયા ગાંધીએ પત્રમાં લખ્યું કે, “હવે તબિયત અને વધતી ઉંમરને કારણે હું આગામી લોકસભા ચૂંટણી નહીં લડું. આ નિર્ણય પછી, મને તમારી સીધી સેવા કરવાની તક નહીં મળે, પરંતુ એટલું ચોક્કસ છે કે મારું હૃદય અને આત્મા હંમેશા તમારી સાથે રહેશે. હું જાણું છું કે તમે મારી અને મારા પરિવારની દરેક મુશ્કેલીમાં કાળજી રાખશો, જેમ તમે અત્યાર સુધી મારી સંભાળ રાખતા હતા. વડીલોને વંદન. નાનાઓ માટે સ્નેહ. જલ્દી મળવાનું વચન.”