હોટલમાં ખેલાયો ખૂની ખેલ, 24 વર્ષના પુત્રએ માતા અને 4 બહેનોની કરી હત્યા
લખનઉ, તા. 1 જાન્યુઆરી, 2025: ઉત્તર પ્રદેશના લખનઉમાં એક ચોંકાવનારી ઘટના સામે આવી છે. એક જ પરિવારના પાંચ સભ્યો માર્યા ગયા હતા. નાકા વિસ્તાર પોલીસ સ્ટેશનમાં હોટલ શરણજીતમાં આ ઘટના પ્રકાશમાં આવી છે, જેમાં આરોપી અરશદ (24 વર્ષ) એ પરિવારના પાંચ સભ્યોની હત્યા કરી હતી. આ ઘટના બાદ પોલીસે આરોપીની ધરપકડ કરી હતી.
મૃતકોના નામ
મૃતકોની ઓળખ આલિયા (9 વર્ષ), અલશિયા (19 વર્ષ), અક્સા (16 વર્ષ), રહમીન (18 વર્ષ) અને અસ્મા (માતા) તરીકે થઈ હતી. આરોપીઓની ઓળખ આગ્રાના રહેવાસી અરશદ તરીકે થઈ છે.
હત્યારા પુત્રની સ્થળ પરથી જ ધરપકડ
આ ઘટનાની જાણ થતાં જ પોલીસ ઘટનાસ્થળે પહોંચી ગઈ હતી. જરૂરી કાર્યવાહી હાથ ધરવામાં આવી છે. પુરાવા એકત્ર કરવા માટે ફિલ્ડ યુનિટને પણ બોલાવવામાં આવી રહ્યું છે. આરોપીની સ્થળ પરથી ધરપકડ કરવામાં આવી છે. આ કેસમાં વિગતવાર તપાસ ચાલી રહી છે.
આ પણ વાંચોઃ નવા વર્ષની ભેટ, LPG સિલિન્ડરના ભાવમાં થયો ઘટાડો
