ચાંદા મામા વિડિયોમાં કંઈક આવા દેખાયા, ISROએ વીડિયો શેર કર્યો
- ચંદ્ર પર ચંદ્રયાન-3નું સોફ્ટ લેન્ડિંગ બુધવાર (23 ઓગસ્ટ) ના રોજ નક્કી કરવામાં આવ્યું છે. આ પહેલા લેન્ડર ઈમેજર કેમેરા 4 એ ચંદ્રની કેટલીક તસવીરો લીધી છે. જે ઈસરોએ શેર કરી છે.
ચંદ્રયાન 3: 23 ઓગસ્ટે ભારતના ચંદ્રયાન-3ના સોફ્ટ લેન્ડિંગ પહેલા તેના લેન્ડરમાં સ્થાપિત કેમેરાએ ચંદ્રની તસવીરો લીધી છે. ISROએ એક નાનો વીડિયો ટ્વીટ કરીને ‘લેન્ડર ઇમેજર કેમેરા 4’માંથી લીધેલી તસવીરો શેર કરી છે. વીડિયોમાં ચંદ્રની સપાટી ખૂબ જ ચમકદાર દેખાઈ રહી છે, જેમાં ઘણી જગ્યાએ ખાડા પણ દેખાય છે.
લેન્ડર ઈમેજર કેમેરા 4માંથી ચંદ્રનો વિડિયો
…. and
The moon as captured by the
Lander Imager Camera 4
on August 20, 2023.#Chandrayaan_3 #Ch3 pic.twitter.com/yPejjLdOSS— ISRO (@isro) August 22, 2023
દક્ષિણ ધ્રુવ પર ચંદ્રયાન-3ના સોફ્ટ લેન્ડિંગ પર સમગ્ર વિશ્વની નજર:
ચંદ્રયાન-3 ચંદ્રના દક્ષિણ ધ્રુવ પર ઉતરશે. આ ભારતનું ત્રીજું ચંદ્ર મિશન છે, જેના પર સમગ્ર વિશ્વની નજર છે કારણ કે આ પહેલા 20 ઓગસ્ટ, રવિવારના રોજ રશિયન ચંદ્ર મિશન ‘લુના-25’ અકસ્માતને કારણે નિષ્ફળ ગયું હતું. તે પણ દક્ષિણ ધ્રુવ પર ઉતરવાનું હતુ. અત્યાર સુધી કોઈ દેશ ચંદ્રના આ ભાગ સુધી પહોંચી શક્યો નથી. જો ચંદ્રયાન-3નું સોફ્ટ લેન્ડિંગ સફળ થશે તો ભારત દક્ષિણ ધ્રુવ પર ઉત્તરનાર પ્રથમ દેશ ભારત બની જશે.
ઇસરો ચીફે કહ્યું કે બધું બરાબર છે
ઈસરોના વડા એસ સોમનાથે કહ્યું છે કે હાલમાં તમામ બાબતો યોગ્ય રીતે કામ કરી રહી છે. તેમણે નિર્ધારિત સમય પર ચંદ્રયાન-3ના સોફ્ટ લેન્ડિંગ અંગે વિશ્વાસ વ્યક્ત કર્યો છે. વધુમાં તેમણે એમ પણ કહ્યું કે ચંદ્રયાન-3ની અત્યાર સુધીની સફરમાં એવું કંઈ થયું નથી, જે ન થવું જોઈએ.
તેમણે કહ્યું કે તમામ સિસ્ટમોએ અત્યાર સુધી ઈસરોની જરૂરિયાત મુજબ કામગીરી કરી છે. ચંદ્રયાન-3ના સોફ્ટ લેન્ડિંગ અંગે ઈસરોના વડાએ કહ્યું કે તૈયારીઓ પૂર્ણ થઈ ગઈ છે.
આ પણ વાંચો: ચંદ્રયાન-3ના લેન્ડિંગ માટે 23 ઓગસ્ટની તારીખ શા માટે રાખવામાં આવી? જાણો આ પાછળનું કારણ
