ઘરમાં બનેલા નવા શૌચાલયમાંથી નીકળવા લાગ્યા સાપ, પરિવારના સભ્યો આ જોઈ ગભરાયા; જૂઓ વીડિયો
- આસામના નાગાંવ વિસ્તારમાં એક ઘરના ટોયલેટમાંથી એક સાથે નીકળ્યા 35 સાપ
નાગાંવ, 28 મે: આપણી સામે માત્ર એક જ સાપ આવી જાય તો પણ આપણી હાલત ખરાબ થઈ જાય છે, તો કલ્પના કરો કે જો એકસાથે 35 સાપ તમારી સામે આવી જાય તો શું થાય? આસામના નાગાંવ વિસ્તારમાં એક ઘરના ટોયલેટમાંથી એક સાથે 35 સાપ બહાર આવવા લાગ્યા હતા. આ દ્રશ્ય જોઈ પરિવારજનો ગભરાઈ ગયા હતા અને સાપ પકડનારને તાકીદે બોલાવીને મામલો થાળે પાડ્યો હતો. આ ભયાનક ઘટનાનો વીડિયો પણ પ્રકાશમાં આવ્યો છે.
એક સાથે 35 સાપ જોવા મળ્યા
આસામના નાગાંવ જિલ્લામાં એક ઘરના નવા શૌચાલયમાંથી એક પછી એક 35 સાપ બહાર આવતા જોઈને પરિવારના સભ્યો ચોંકી ગયા હતા. તેનો વીડિયો પણ પ્રકાશમાં આવ્યો છે. ANI અનુસાર, આ ઘટના નાગાંવ જિલ્લાના કાલિયાબોર શહેરમાં બની હતી. જોત જોતામાં આ ઘટના પરિવારજનો માટે જ નહીં પરંતુ વિસ્તારના લોકો માટે પણ કુતૂહલનો વિષય બની છે. અને જ્યારે ત્યાંના રહેવાસીઓએ તેમને જોયા ત્યારે તેઓ ચોંકી ઉઠ્યા હતા.
અહીં જૂઓ વીડિયો:
#WATCH | Around 35 snakes crawl were found in a house in the Kaliabor area of Assam’s Nagaon district.
The snakes were recovered by Sanjib Deka who is an animal lover. pic.twitter.com/vOVcqzcbgM
— ANI (@ANI) May 27, 2024
અહેવાલો અનુસાર, સાપને બહાર આવતા જોઈને લોકો ચોંકી ગયા હતા. આ પછી કોઈ રીતે સાપ પકડનારને બોલાવવામાં આવ્યો અને સંજીબ ડેકા નામના યુવકે એક ટબમાં આ સાપોને લઈ લીધા. સંજીબ ડેકાએ બચાવ પછી જણાવ્યું હતું કે કાલિયાબોર વિસ્તાર નજીક કુવારિતાલ ચરિયાલી સ્થિત એક નવા બનેલા ઘરના શૌચાલયમાંથી સાપ મળી આવ્યા હતા.
ડેકાએ વધુમાં કહ્યું, “ઘરના માલિકે મને સાપ વિશે જણાવ્યું અને હું ઘટનાસ્થળે પહોંચ્યો. મેં તે જગ્યાએ ઘણા સાપને રગડતા જોયા હતા. મેં ઘરના ટોયલેટમાંથી લગભગ 35 સાપ સરકતા જોયા. બાદમાં મેં તેમને જંગલમાં છોડી દીધા.”
આ પણ વાંચો: પ્લેનનું એન્જીન હવામાં અધવચ્ચે જ થઈ ગયું બંધ: પત્તાની જેમ નીચે પડવા લાગ્યું, જુઓ વીડિયો
