નવી દિલ્હીઃ કેન્દ્રીય મંત્રી શ્રીમતી સ્મૃતિ ઈરાનીની વાયનાડની મુલાકાતને કોંગ્રેસના નેતા રાહુલ ગાંધી માટે સીધા પડકાર તરીકે જોવામાં આવી રહી છે. ઉલ્લેખનીય છે કે રાહુલ ગાંધીએ 2019માં અમેઠી લોકસભા મતવિસ્તારમાંથી સ્મૃતિ ઈરાનીના હાથે ઐતિહાસિક હારનો સામનો કરવો પડ્યો હતો. કેન્દ્રીય મંત્રી શ્રીમતી સ્મૃતિ ઝુબિન ઈરાની અમેઠી બાદ હવે રાહુલ ગાંધીના સંસદીય મતવિસ્તાર વાયનાડમાં પોતાનો સિક્કો જમાવવા માટે તૈયારી કરી રહ્યા છે અને તેના સંદર્ભે જ તેઓ 3 મેના રોજ વાયનાડની મુલાકાતે જઈ રહ્યા છે.
અમેઠીમાં રાહુલ ગાંધીને હરાવ્યા બાદ લાગે છે કે સ્મૃતિ ઈરાની હવે વાયનાડમાં પણ રાહુલ ગાંધી માટે મુશ્કેલી ઊભી કરશે. આ એપિસોડમાં તેમના એક ટ્વિટથી રાજકીય વર્તુળોમાં ચર્ચાનો દોર શરૂ થયો છે. તે 3 મેના રોજ વાયનાડ જશે. આ પ્રવાસમાં તે લોકોને મળશે અને વિકાસ કાર્યક્રમોની માહિતી પણ મેળવશે.
હકીકતમાં, કેન્દ્રીય મહિલા અને બાળ વિકાસ મંત્રી સ્મૃતિ ઈરાની 3 મેના રોજ વાયનાડ જશે. તેણે પોતે સોમવારે આ વિશે એક ટ્વિટમાં લખ્યું, ‘નમસ્તે વાયનાદ! હું ટૂંક સમયમાં જ જિલ્લાના વિકાસને લગતી સભાઓ અને અન્ય જાહેર કાર્યક્રમોમાં હાજરી આપવા આવીશ. આવતી કાલે મળશુ.’
നമസ്കാരം വയനാട്! ജില്ലയുടെ വികസനവുമായി ബന്ധപ്പെട്ട യോഗത്തിലും മറ്റ് ജനസംബർക്ക പരിപാടികളിലും പങ്കെടുക്കാൻ ഞാൻ ഉടൻ അവിടെയെത്തും. നാളെ കാണാം!
— Smriti Z Irani (@smritiirani) May 2, 2022
રસપ્રદ વાત એ છે કે આ ટ્વીટ સ્મૃતિ ઈરાનીએ મલયાલમમાં કર્યું છે. અગાઉ સ્મૃતિ ઈરાનીની આ મુલાકાતનો ઉલ્લેખ વાયનાડ ભાજપના સત્તાવાર હેન્ડલ પરથી પણ કરવામાં આવ્યો હતો. આને શેર કરતાં સ્મૃતિ ઈરાનીએ લખ્યું કે તે આ પ્રવાસને લઈને ખૂબ જ ઉત્સાહિત છે.
જણાવી દઈએ કે સ્મૃતિ ઈરાનીની વાયનાડની મુલાકાતને કોંગ્રેસના નેતા રાહુલ ગાંધી માટે સીધા પડકાર તરીકે જોવામાં આવી શકે છે, જેમને 2019માં સ્મૃતિ ઈરાનીના હાથે અમેઠી લોકસભા મતવિસ્તારમાંથી ઐતિહાસિક હારનો સામનો કરવો પડ્યો હતો.
