કારમાં બેસીને શહેર ફરવા નીકળ્યો સિંહ, વીડિયો થયો વાયરલ, લોકો કરી રહ્યા છે ફની કોમેન્ટ
- હાલમાં સોશિયલ મીડિયા પર એક વીડિયો ઘણા લોકોનું ધ્યાન ખેંચી રહ્યો છે જેમાં એક સિંહ કારમાં આરામ કરતો જોવા મળી રહ્યો છે
HD ન્યૂઝ ડેસ્ક, 24 જુલાઈ: સોશિયલ મીડિયાની દુનિયા ખૂબ જ અનોખી છે. તમે ક્યારેય અગાઉથી અનુમાન લગાવી શકતા નથી કે તમને કેવા પ્રકારનો વીડિયો જોવા મળશે અને તમે તેને જોયા પછી કેવી પ્રતિક્રિયા આપશો. સોશિયલ મીડિયા પર ક્યારેક ડાન્સનો વીડિયો વાઈરલ થાય છે તો ક્યારેક પાર્ક કે ટ્રેનમાં લોકો વિચિત્ર કામ કરતા હોવાનો વીડિયો વાયરલ થઈ જાય છે. સોશિયલ મીડિયા પ્લેટફોર્મ પર વિવિધ પ્રકારના વીડિયો વાયરલ થતા રહે છે, જેને તમે પણ જોતા હશો. પરંતુ હાલમાં એક અલગ જ પ્રકારનો વીડિયો વાયરલ થઈ રહ્યો છે જે તમે ભાગ્યે જ જોયો હશે. તો ચાલો તમને જણાવીએ કે વીડિયોમાં શું જોવા મળે છે.
વાયરલ વીડિયોમાં શું જોવા મળ્યું?
હાલમાં જે વીડિયો વાયરલ થઈ રહ્યો છે તેમાં જોવા મળી રહ્યું છે કે એક વ્યક્તિ તેની કારમાં ક્યાંક બહાર જઈ રહ્યો છે. તેણે સામે પાર્ક કરેલી એક કાર જુએ છે જેની બારીમાંથી એક પ્રાણી બહાર જોતું દેખાય છે. જ્યારે તે તેની નજીક જાય છે તો તેને તે સ્પષ્ટપણે દેખાય છે અને પછી ખ્યાલ આવે છે કે એક સિંહ તે કારની બારીમાંથી બહાર જોઈ રહ્યો છે અને બગાસું ખાઈ રહ્યો છે. આશ્ચર્ય ત્યારે થાય છે જ્યારે વીડિયો રેકોર્ડ કરનાર વ્યક્તિ તેના પાલતુને બતાવે છે. એક કારમાં બિલાડી અને બીજી કારમાં સિંહ બેઠેલા જોવા મળે છે.
અહીં જૂઓ વાયરલ વીડિયો:
One of them goes for a walk with his cat, the other one with his lion.
— The Best (@ThebestFigen) July 24, 2024
આ વીડિયોને સોશિયલ મીડિયા પ્લેટફોર્મ X પર @ThebestFigen નામના એકાઉન્ટ પર શેર કરવામાં આવ્યો છે. વીડિયો શેર કરતી વખતે કેપ્શનમાં લખ્યું છે કે, ‘એક તેની બિલાડી સાથે ફરવા ગયો છે અને બીજો તેના સિંહ સાથે.’ સમાચાર લખાય છે ત્યાં સુધી આ વીડિયોને 26 હજારથી વધુ લોકો જોઈ ચૂક્યા છે. વીડિયો જોયા બાદ એક યુઝરે લખ્યું- એવું લાગે છે કે તેણે Uber Home લીધું છે. અન્ય યુઝરે લખ્યું- ખબર ન હતી કે માઈક ટાયસન શહેરમાં છે. એક યુઝરે લખ્યું- આ કયો રેપર છે?
આ પણ વાંચો: મેટ્રોમાં બેસવા માટે સીટ ના મળી તો એક વ્યક્તિ જમીન પર સૂઈ ગયો, તસવીરો જોઈને લોકોએ આપી પ્રતિક્રિયા
