સિલિકોન વેલી બેંકના નવા CEOએ થાપણદારોને ફરી પાછા આવવાની કરી અપીલ, કહ્યું- બેંકને બચાવવાનો આ જ એક રસ્તો
સિલિકોન વેલી બેંક (SVB) ના નવા CEO, ટિમ મ્યોપોલોસે બેંકને ચાલુ રાખવા માટે થાપણદારોને તેમના નાણાં પરત કરવા વિનંતી કરી છે. મીડિયા રિપોર્ટ્સ અનુસાર, પસંદગીના રોકાણકારો અને લિમિટેડ પાર્ટનર્સ (LPs) સાથે ઝૂમ મીટિંગમાં તેમણે તેમને નવી ડિપોઝિટ કરવા માટે પણ કહ્યું હતું. તેમણે જણાવ્યું હતું કે ફેડરલ ડિપોઝિટ ઇન્સ્યોરન્સ કોર્પોરેશન (FDIC) દ્વારા હાલની અને નવી બંને થાપણોનો વીમો લેવામાં આવશે.
તેમણે કહ્યું કે અમેરિકામાં આ બેંક કરતાં થાપણો માટે કોઈ સુરક્ષિત જગ્યા નથી. નવી રચાયેલી SVB પણ બ્રિજ બેંક એકાઉન્ટ પર $250,000ની ચોક્કસ કાનૂની મર્યાદાને આધીન નથી”. તેમણે ગ્રાહકોને સંસ્થામાં તેમની થાપણો પરત લાવવા જણાવ્યું છે. “સિલિકોન વેલી બેંક ટકી રહે તે સુનિશ્ચિત કરવા માટે તમે આ એકમાત્ર સૌથી મહત્વપૂર્ણ વસ્તુ કરી શકો છો,” મ્યોપોલોસે ઝૂમ કૉલ પર કહ્યું. તેમણે ભારપૂર્વક જણાવ્યું હતું કે SVB બ્રિજ બેંક પાસે ઉપલબ્ધ વિકલ્પોમાંથી એક એ છે કે તે અન્ય નાણાકીય સંસ્થા અથવા અન્ય રોકાણકારો સાથે મળીને કામ કરશે અથવા અન્ય વિકલ્પ એ છે કે તે બંધ થઈ જશે.
તેણે કહ્યું, “જો કે, અમે વિન્ડ-ડાઉન મોડમાં નથી. બેંકના ભાવિ અંગે હજુ ચર્ચા ચાલી રહી છે. પરંતુ તેણે ગ્રાહકોને અપીલ કરી છે કે ઓછામાં ઓછા તમારા કેટલાક નાણાં સંસ્થામાં પાછા લાવો. મોકલવામાં આવેલા ઈમેલમાં મ્યોપોલોસ કહ્યું કે બેંક રાબેતા મુજબ કારોબાર કરી રહી છે.
અમે આ સમયે તમારો વિશ્વાસ પુનઃસ્થાપિત કરવા અને તમને અને તમારી કંપનીઓને ટેકો આપવા માંગીએ છીએ,” તેમણે કહ્યું. દરમિયાન, FDIC નું તાજેતરનું નિવેદન SVBના નવા ટ્રેકની પુષ્ટિ કરે છે, અને ઉમેરે છે કે સિનિયર મેનેજમેન્ટને બેંકમાંથી દૂર કરવામાં આવ્યું છે. મેયોપોલસ 2008ની આર્થિક કટોકટી દરમિયાન મોર્ગેજ ફાઇનાન્સિંગ કંપની ફેનીની નેતૃત્વ ટીમનો ભાગ હતો. સિગ્નેચર બેંક અને સિલ્વરગેટ કેપિટલ સાથે SVBનું પતન, 2008 માં યુએસ નાણાકીય મંદીની શરૂઆત દરમિયાન વોશિંગ્ટન મ્યુચ્યુઅલ ફંડની નિષ્ફળતા પછી દેશને ફટકો મારનારી સૌથી ખરાબ નાણાકીય કટોકટી છે.
