પહેલી વાર રિવીલ થયો સિદ્ધૂ મૂસેવાલાના નાના ભાઈ શુભદીપનો ક્યૂટ ફેસ
- સિદ્ધુ મૂસેવાલાના મૃત્યુ પછી તેના માતા-પિતાએ વર્ષ 2024 માં આઈવીએફ દ્વારા શુભદીપ મૂસેવાલાને જન્મ આપ્યો, જેનો ચહેરો આખરે દુનિયા સમક્ષ જાહેર થઈ ગયો છે
HD ન્યુઝ ડેસ્કઃ પંજાબી ગાયક સિદ્ધુ મૂસેવાલાની દર્દનાક હત્યા પછી ચાહકોને આજે પણ તેની કમી અનુભવાય છે. પ્રશંસકો આજે પણ તેને દિલથી યાદ કરે છે. ચાહકોની સાથે તેના માતા-પિતાને પણ આઘાત લાગ્યો હતો, પરંતુ હવે મૂસેવાલાનું નાનું સ્વરૂપ દુનિયાની સામે આવી ગયું છે. સિદ્ધુ મૂસેવાલાના મૃત્યુ પછી તેના માતા-પિતાએ વર્ષ 2024 માં તેમના નાના પુત્ર શુભદીપ મૂસેવાલાને જન્મ આપ્યો, જેનો ચહેરો આખરે દુનિયા સમક્ષ જાહેર થઈ ગયો છે.
લિટલ શુભદીપનો ચહેરો રિવીલ
સ્વર્ગીય ગાયકના માતા-પિતાએ તેમના બીજા પુત્ર શુભદીપનું 17 માર્ચ, 2024ના રોજ IVF દ્વારા સ્વાગત કર્યું હતું. તેમના પુત્રના જન્મના આઠ મહિના પછી, સિદ્ધુના પિતા બલકૌર સિંહ અને માતા ચરણ કૌર સિંહે પ્રથમ વખત તેમના પુત્ર શુભદીપનો ચહેરો જાહેર કર્યો છે. સિદ્ધુ મૂસેવાલાના માતા-પિતાએ તેના ઈન્સ્ટાગ્રામ એકાઉન્ટ પર એક ફેમિલી ફોટો શેર કર્યો છે, જેમાં તે નાના શુભદીપ સાથે પોઝ આપી રહ્યા છે.
View this post on Instagram
તસવીરમાં બલકૌર સિંહ અને ચરણ કૌરે તેમના નાના પુત્ર શુભદીપને ખોળામાં બેસાડ્યો છે. નાનો શુભ વાદળી શર્ટ, જીન્સ અને માથા પર ગુલાબી પાઘડી પહેરીને ખૂબ જ ક્યુટ લાગી રહ્યો છે. આ પોસ્ટ પર પંજાબી ભાષામાં કેપ્શન લખવામાં આવ્યું છે કે, તે આંખોમાં એક ઊંડાણ છે, જે આપણા જીવનની દરેક સત્યતાને સમજે છે, શબ્દોથી ઉપર એક અણમોલ રોશની છે અને ચહેરાની નિર્દોષતા છે, જે આપણને હંમેશા અહેસાસ કરાવે છે કે તે ચહેરો જે ભીની આંખો સાથે ઉપરવાળાને સોંપવામાં આવ્યો હતો તે હવે આ સ્વરૂપમાં છે. ભગવાનના આશીર્વાદ અને તમામ ભાઈ-બહેનોની પ્રાર્થનાઓથી સિદ્ધૂ મૂસેવાલા હવે નાના સ્વરૂપમાં પાછો આવ્યો છે.
સિદ્ધૂના મૃત્યુ બાદ જન્મ્યો શુભદીપ
પંજાબી સિંગર અને રેપર સિદ્ધુ મૂસેવાલાનું સાચું નામ શુભદીપ સિંહ સિદ્ધુ હતું, જેના આધારે તેના નાના ભાઈનું નામ રાખવામાં આવ્યું છે. 29 મે, 2022 ના રોજ પંજાબના માનસા જિલ્લામાં ગેંગસ્ટર ગોલ્ડી બરાર અને લોરેન્સ બિશ્નોઈ ગેંગ દ્વારા સિદ્ધુની ગોળી મારીને હત્યા કરવામાં આવી હતી. હત્યાના લગભગ 22 મહિના પછી, સિદ્ધૂ મૂસેવાલાના માતા-પિતાએ IVF દ્વારા બીજા બાળકને જન્મ આપ્યો હતો અને તેનું નામ શુભદીપ જ રાખ્યું હતું.
આ પણ વાંચોઃ દીકરી દુઆ સાથે પહેલીવાર સ્પૉટ થયા રણવીર-દીપિકા, વાયરલ થયો વીડિયો
