સિક લીવ અને મોબાઈલ સ્વીચ ઓફ: એર ઈન્ડિયા એક્સપ્રેસના કર્મચારીઓના બળવાથી 78 ફ્લાઈટ્સ રદ્દ

•  300 કર્મચારીઓ સિક લીવ લઈને રજા પર ઉતરી જવાના કારણે એર ઈન્ડિયા એક્સપ્રેસ બંધ

નવી દિલ્હી, 8 મે: એર ઈન્ડિયા એક્સપ્રેસની 78 રાષ્ટ્રીય અને આંતરરાષ્ટ્રીય ફ્લાઈટ્સ રદ્દ કરવામાં આવી છે, કારણ કે એર ઈન્ડિયાના 300 વરિષ્ઠ કર્મચારીઓ એકસાથે સિક લીવ પર ઉતરી ગયા છે. મંગળવાર રાતથી બુધવાર સવાર સુધી 78 ફ્લાઈટ્સ રદ કરવામાં આવી છે. લગભગ 300 વરિષ્ઠ કેબિન ક્રૂ સભ્યોએ છેલ્લી ક્ષણે બીમાર હોવાની જાણ કર્યા પછી તેમના મોબાઇલ ફોન બંધ કરી દીધા છે.

Air India Express engaging with cabin crew to understand reasons behind reporting sick; team actively addressing the issue: Spokesperson

Flight delays, cancellations due to section of cabin crew reporting sick at last minute, says Air India Express spokesperson#AirIndiaExpress pic.twitter.com/w3gqc7sIZK

— Press Trust of India (@PTI_News) May 8, 2024

એર ઈન્ડિયા એક્સપ્રેસના પ્રવક્તાએ શું કહ્યું?

મળતી માહિતી મુજબ, એર ઈન્ડિયા એક્સપ્રેસ મેનેજમેન્ટ હાલમાં ટાટા ગ્રુપની માલિકીની એરલાઈનમાં રોજગારની નવી શરતોનો વિરોધ કરી રહેલા ક્રૂ સુધી પહોંચવાનો પ્રયાસ કરી રહ્યું છે. એર ઈન્ડિયા એક્સપ્રેસના પ્રવક્તાએ જણાવ્યું હતું કે, “અમારા ઘણા કેબિન ક્રૂ મેમ્બર્સ ગઈકાલે રાતથી બીમાર પડ્યા છે અને પરિણામે, ઘણી ફ્લાઈટ્સ કાં તો રદ્દ કરવામાં આવી છે અથવા લેટ થઈ છે, જ્યારે અમે આ ઘટનાઓથી સંપૂર્ણપણે વાકેફ છીએ. જો કે આ કારણોને સમજવા માટે, અમે અમારી ટીમ સાથે વાત કરી રહ્યા છીએ, આ ટીમ અમારા મુસાફરોને કોઈપણ અસુવિધા ઘટાડવા માટે સક્રિયપણે કામ કરી રહી છે.”

પ્રવક્તાએ ઉમેર્યું કે, “અમે અમારા મહેમાનોને આ અસુવિધા માટે દિલથી દિલગીર છીએ અને ભારપૂર્વક જણાવીએ છીએ કે આ પરિસ્થિતિ સેવાના ધોરણને પ્રતિબિંબિત કરતી નથી જે અમે પ્રદાન કરવાનો પ્રયાસ કરીએ છીએ.” એરલાઈને જણાવ્યું હતું કે, “ફ્લાઇટ કેન્સલેશનથી પ્રભાવિત મહેમાનોને સંપૂર્ણ રિફંડ અથવા અલગ તારીખે રિપ્લેસમેન્ટ ફ્લાઇટની ઓફર કરવામાં આવશે.” ઘણા મુસાફરોએ તેમના સોશિયલ મીડિયા એકાઉન્ટ્સ પર તેમની ફ્લાઇટ્સ અચાનક કેન્સલ થવાની ફરિયાદ કરી હતી. તેમણે કહ્યું કે, તેમને ફ્લાઈટ્સ કેન્સલ કરવા વિશે “કોઈ જાણકારી” નથી. એક્સ પરના કેટલાક “ખૂબ જ નિરાશ” મુસાફરોએ કહ્યું કે, તેઓ એરપોર્ટ પર પહોંચ્યા હતા ત્યારે જ તેમને જાણ કરવામાં આવી કે તેમની ફ્લાઇટ્સ રદ કરવામાં આવી છે.

એર ઈન્ડિયા એક્સપ્રેસે શું કહ્યું?

એર ઈન્ડિયા એક્સપ્રેસે ટ્વિટર પર એક પોસ્ટના જવાબમાં જણાવ્યું હતું કે, “કોઈપણ અસુવિધા બદલ અમને ખેદ છે. અમે તમને જાણ કરીએ છીએ કે ઓપરેશનલ કારણોસર ફ્લાઈટ્સ રદ કરવામાં આવી છે.” ગયા મહિને, એર ઇન્ડિયા એક્સપ્રેસ કેબિન ક્રૂના એક વિભાગનું પ્રતિનિધિત્વ કરતા યુનિયને આરોપ લગાવ્યો હતો કે એરલાઇનનું મેનેજમેન્ટ યોગ્ય રીતે કામ કરી રહ્યું નથી અને કર્મચારીઓ સાથેના વ્યવહારમાં સમાનતાનો અભાવ છે. એર ઈન્ડિયા એક્સપ્રેસ એમ્પ્લોઈઝ યુનિયન (AIXEU) નામના રજિસ્ટર્ડ યુનિયને પણ આક્ષેપ કર્યો હતો કે મામલાના ગેરવહીવટને કારણે કર્મચારીઓના મનોબળને અસર થઈ છે.

આ પણ જુઓ: એસ્ટ્રાઝેનેકાએ વિશ્વભરની બજારોમાંથી કોરોનાની રસી પરત મંગાવી, શું છે કારણ?