કંગના રનૌતની Emergencyમાં અટલ બિહારી વાજપાઇ કોણ બનશે? ફર્સ્ટ લૂક આઉટ
બોલિવૂડ અભિનેત્રી કંગના રનૌતની ફિલ્મ ઈમરજન્સીના લૂક પોસ્ટરે ધૂમ મચાવી દીધી છે. સૌથી પહેલા તો ઈન્દિરા ગાંધીના રોલમાં કંગના રનૌતના જોરદાર લુકએ બધાની બોલતી બંધ કરી દીધી હતી. ત્યારબાદ અનુપમ ખેરે જય પ્રકાશ નારાયણના રોલમાં આશ્ચર્યચકિત કરી દીધા. હવે ફિલ્મના વધુ એક મહત્વના પાત્રનો લુક સામે આવ્યો છે. કંગનાની ઈમરજન્સીમાં પૂર્વ વડાપ્રધાન અટલ બિહારી વાજપેયીની ભૂમિકા કોણ ભજવશે, તેનો ખુલાસો થયો છે.
શ્રેયસ ભજવશે અટલ બિહારી વાજપેયીનું પાત્ર
શ્રેયસ તલપડે અટલ બિહારી વાજપેયીની ભૂમિકામાં જોવા મળશે. બુધવારે શ્રેયસ તલપડેનો ફર્સ્ટ લુક સામે આવ્યો છે. શ્રેયસ તલપડને ભારત રત્ન અટલ બિહારી વાજપેયીની ભૂમિકામાં જોઇને સૌ કોઈ આશ્ચર્યચકિત થઇ ગયા. તેમાં અટલ બિહારી વાજપેયીની નાની ઉંમરની ઝલક જોવા મળે છે. શ્રેયસ તલપડેનો લુક શેર કરતાં કંગના રનૌતે લખ્યું- એક સાચો રાષ્ટ્રવાદી, જેનો દેશ પ્રત્યેનો પ્રેમ અને ગર્વ એક ઉદાહરણ હતું. જેઓ કટોકટી દરમિયાન ઉભરતા યુવા નેતા હતા.
યુઝર્સને ફિલ્મની કાસ્ટિંગ પસંદ આવી
અટલ બિહારી વાજપેયીની ભૂમિકામાં શ્રેયસ તલપડેની કાસ્ટિંગ લોકોને પસંદ આવી રહી છે. યુઝર્સ શાનદાર, વાહ, શું ચોઈસ, બેસ્ટ ચોઈસ જેવી કોમેન્ટ કરી રહ્યા છે. એક યુઝરે લખ્યું- વાહ, ઈમરજન્સી માટે તમામ મહાન કલાકારો સાથે આવ્યા. બીજાએ લખ્યું- આશા છે કે શ્રેયસ તલપડે અટલ બિહારી વાજપેયીની ભૂમિકામાં ધમાલ મચાવશે. લોકો કહે છે કે ફિલ્મ ઈમરજન્સીની સ્ટારકાસ્ટ લાજવાબ છે. લોકો કંગના રનૌતના વખાણ કરી રહ્યા છે. જેણે ફિલ્મ માટે આટલી સારી કાસ્ટ પસંદ કરી.
View this post on Instagram
‘ઇમરજન્સી’ શ્રેયસ તલપડેની કારકિર્દીને વેગ આપશે
આ ફિલ્મ શ્રેયસ તલપડેની કારકિર્દીને વેગ આપવામાં મહત્વની ભૂમિકા ભજવશે. અત્યાર સુધી તમે શ્રેયસને માત્ર હળવી કોમેડી ફિલ્મોમાં જ જોયો હશે. આ પહેલીવાર હશે જ્યારે શ્રેયસ તલપડેને ફિલ્મી પડદે પડકારરૂપ ભૂમિકા ભજવવાની તક મળી હશે. ફિલ્મ માટે શ્રેયસ તલપડેનો લુક જબરદસ્ત છે. જોવાનું એ રહેશે કે શું શ્રેયસ તલપડે સ્ક્રીન પર અટલ બિહારી વાજપેયીના પાત્રને કેટલો ન્યાય આપી શકશે.
કંગનાને ઈમરજન્સીથી ઘણી આશા છે
કંગના રનૌત ઈમરજન્સીનું નિર્દેશન કરી રહી છે. કંગના ડાયરેક્શનની સાથે એક્ટિંગ પણ કરી રહી છે. કંગના આ ફિલ્મને લઈને ખૂબ જ ઉત્સાહિત છે. બેક ટુ બેક ફ્લોપ ફિલ્મોનો સામનો કરી રહેલી કંગના ઈમરજન્સી બોક્સ ઓફિસ પર કેવો બિઝનેસ કરશે. તે તો તેની રિલીઝ પછી જ ખબર પડશે. ત્યાં સુધી તમે ફિલ્મના શાનદાર લૂક પોસ્ટર્સ જોઈને ખુશ થઈ શકો છો.
