શું મહિલાઓએ ગર્ભાવસ્થા દરમિયાન પીવું જોઈએ ‘હળદરવાળું દૂધ’, જાણો શું કહે છે નિષ્ણાતો તેના વિશે?

હળદરની હાજરીને કારણે ‘હળદરનું દૂધ’ પૌષ્ટિક માનવામાં આવે છે. પરંતુ શું સગર્ભા સ્ત્રી હળદરવાળા દૂધનું સેવન કરી શકે છે? જેમ કે આપણે બધા જાણીએ છીએ કે હળદર ઘણા ઔષધીય ગુણોથી ભરપૂર છે. તેનો ઉપયોગ માત્ર ખાવામાં જ નથી થતો, પરંતુ તેનો ઉપયોગ શરીર પરના ઘા અને સોજાને દૂર કરવા માટે પણ થાય છે. હળદરમાં એન્ટિબેક્ટેરિયલ, એન્ટિમાઇક્રોબાયલ અને એન્ટિ-કાર્સિનોજેનિક ગુણ હોય છે. તે માનસિક સ્વાસ્થ્ય માટે પણ ફાયદાકારક છે. હળદરની હાજરીને કારણે ‘હળદરનું દૂધ’ પૌષ્ટિક માનવામાં આવે છે. પરંતુ શું સગર્ભા સ્ત્રી હળદરવાળા દૂધનું સેવન કરી શકે છે? શું તે તેના સ્વાસ્થ્ય માટે ફાયદાકારક છે?

ગાયનેકોલોજિસ્ટ ડૉ. રામ્યા કાબિલને તેના એક ઈન્સ્ટાગ્રામ વીડિયોમાં જણાવ્યું હતું કે ગર્ભાવસ્થા દરમિયાન હળદર અને હળદરવાળા દૂધનું સેવન કરવું સંપૂર્ણપણે સલામત છે. ઈન્ડિયન એક્સપ્રેસ અનુસાર, હળદરનું દૂધ તેના સ્વાસ્થ્ય ગુણધર્મોને કારણે સ્વાસ્થ્યપ્રદ માનવામાં આવે છે. તે સગર્ભા સ્ત્રીઓ માટે પણ સલામત છે, પરંતુ જ્યાં સુધી તેઓ મર્યાદિત માત્રામાં તેનું સેવન કરે છે. હળદરમાં એક સક્રિય સંયોજન ‘કર્ક્યુમિન’ હોય છે. જ્યારે હળદરને દૂધમાં ભેળવવામાં આવે છે ત્યારે તેનું પોષણ મૂલ્ય વધુ વધે છે.

હળદરવાળું દૂધ પીવાના ફાયદા
1. હળદરવાળું દૂધ પીવાથી પાચનક્રિયા સારી રહે છે.
2. તે પેટનું ફૂલવું અને ગેસની સમસ્યાને દૂર કરે છે.
3. રોગપ્રતિકારક શક્તિને મજબૂત કરે છે.
4. તે સગર્ભા સ્ત્રીઓ માટે વધુ ફાયદાકારક છે, કારણ કે આ સમય દરમિયાન તેમને ઘણી વખત પાચન સંબંધી સમસ્યાઓમાંથી પસાર થવું પડે છે.
5. ગર્ભાવસ્થા દરમિયાન રોગપ્રતિકારક શક્તિની પણ ખૂબ જ જરૂર હોય છે, જે તેઓ હળદરના દૂધમાંથી મેળવી શકે છે.

ડોકટરો શું કહે છે?
રિપોર્ટ અનુસાર, એક ડોક્ટરે કહ્યું કે રોજિંદા ભોજનમાં થોડી માત્રામાં હળદર ઉમેરવી સ્વાસ્થ્ય માટે સુરક્ષિત છે. સગર્ભાવસ્થા દરમિયાન હળદરનું સેવન કરવાથી ‘પ્રિક્લેમ્પસિયા’ અટકાવવામાં મદદ મળે છે, જે એક ગંભીર સ્થિતિ છે જે ગર્ભાવસ્થાના 20મા સપ્તાહ દરમિયાન અથવા બાળકના જન્મ પછી વિકસી શકે છે.ડૉક્ટરે કહ્યું, ‘જો કે હું સામાન્ય રીતે ગર્ભાવસ્થા દરમિયાન હળદરવાળું દૂધ પીવાની ભલામણ કરતો નથી. તેમણે એમ પણ કહ્યું કે ગર્ભાવસ્થા દરમિયાન હળદરનું દૂધ શરીરમાં એસ્ટ્રોજનના હોર્મોનને બદલી શકે છે, જેના કારણે ગર્ભાશય સંકોચન અથવા રક્તસ્ત્રાવની સમસ્યા થઈ શકે છે.

આ પણ વાંચો : ઘરમાં રહેલી આ વસ્તુ લગાવો, આંખ નીચેની કરચલીઓ થઈ જશે ગાયબ