શું ફરી ઑસ્ટ્રેલિયા જશે અશ્વિન? કોહલીને એમસીજીમાં રમવાનો વાયદો કર્યો

ચેન્નઈ, તા.21 ડિસેમ્બર, 2024: ભારતીય સ્પિન ઑલરાઉન્ડર રવિચંદ્રન અશ્વિને આંતરરાષ્ટ્રીય ક્રિકેટમાંથી તાજેતરમાં નિવૃત્તિ લઈ લીધી હતી. ઑસ્ટ્રેલિયામાં રમાયેલી ત્રીજી ટેસ્ટ બાદ સંન્યાસની જાહેરાત કરીને હવે તે ભારત પરત ફર્યો છે. કોહલીએ અશ્વિન માટે એક ભાવનાત્મક પોસ્ટ પોસ્ટ કરી હતી અને તેના જવાબમાં, ભૂતપૂર્વ ભારતીય સ્પિનરે એમસીજીમાં ભૂતપૂર્વ કેપ્ટન સાથે રમવાનું વચન આપ્યું હતું. અશ્વિને કોહલીનો આભાર માનતાં આ જવાબ આપ્યો હતો, જેના કારણે તે ફરીથી ઑસ્ટ્રેલિયા જશે કે નહીં તે અંગે ચર્ચા શરૂ થઈ છે.

અશ્વિને નિવૃત્તિ પહેલે કોહલી સાથે વાત કરી હતી
ઑસ્ટ્રેલિયા સામેની બ્રિસ્બેન ટેસ્ટ ડ્રો થયા બાદ અશ્વિને આંતરરાષ્ટ્રીય ક્રિકેટમાંથી નિવૃત્તિ લીધી હતી. અશ્વિને તેની નિવૃત્તિની જાહેરાત કરતા પહેલા ડ્રેસિંગ રૂમમાં કોહલી સાથે લાંબી વાતચીત કરતો જોવા મળ્યો હતો. ભારતીય ડ્રેસિંગ રૂમની અંદર થયેલી વાતચીતના અંતે બંને એકબીજાને આલિંગન આપતા જોવા મળ્યા હતા.

અશ્વિને આંતરરાષ્ટ્રીય ક્રિકેટમાંથી નિવૃત્તિ જાહેર કર્યાના થોડા કલાકો બાદ કોહલીએ સોશિયલ મીડિયા પર લખ્યું હતું કે, હું તમારી સાથે 14 વર્ષ સુધી રમ્યો છું અને જ્યારે તમે મને કહ્યું કે તમે આજે નિવૃત્તિ લઈ રહ્યા છો ત્યારે હું થોડો ભાવુક થઈ ગયો હતો અને તે તમામ વર્ષોની યાદો જ્યારે અમે સાથે રમ્યા હતા. મેં તમારી સાથે આ યાત્રાની દરેક ક્ષણનો આનંદ માણ્યો છે. કોહલીને જવાબ આપતા અશ્વિને કહ્યું, ‘આભાર દોસ્ત. મેં તમને કહ્યું તેમ, હું એમસીજીમાં તમારી સાથે બેટિંગ કરવા માટે આવીશ.

Thanks buddy! Like I told you, I will be walking out with you to bat at the MCG🤗 https://t.co/ebM3j8PPrK

— Ashwin 🇮🇳 (@ashwinravi99) December 20, 2024

અશ્વિનના નિવેદનનો અર્થ સ્પષ્ટ નહોતો
અશ્વિનના નિવેદનનો અર્થ સ્પષ્ટ નથી. કેટલાક નેટિઝન્સ માને છે કે સુપ્રસિદ્ધ ફ-સ્પિનર 2022 T20 વર્લ્ડ કપમાં ભરેલા મેલબોર્ન ક્રિકેટ ગ્રાઉન્ડમાં પાકિસ્તાન સામેની જીતમાં તેમની ટૂંકી પરંતુ નિર્ણાયક ભાગીદારીનો ઉલ્લેખ કરી રહ્યો હતો. પાકિસ્તાન સામે 160 રનના લક્ષ્યાંકનો પીછો કરવા ઉતરેલી ભારતીય ટીમની છેલ્લી બે બોલ પર અશ્વિન કોહલીની સાથે ક્રીઝ પર હતો. ભારતને છેલ્લી ત્રણ ઓવરમાં 48 રનની જરૂર હતી. રમતના અંતે, બંને ખેલાડીઓ નોટ આઉટ રહ્યા હતા. કોહલી 82 અને અશ્વિન એક રન બનાવી અણનમ રહ્યા હતા.

અશ્વિન ગુરુવારે ચેન્નાઈ પહોંચ્યો હતો. તેના પરિવાર અને મિત્રો દ્વારા તેનું ઉષ્માભર્યું સ્વાગત કરવામાં આવ્યું હતું. જેનો વીડિયો વાયરલ થયો હતો.

ઑલરાઉન્ડર અશ્વિનની કેવી છે કરિયર
આર અશ્વિને 106 ટેસ્ટમાં 537 વિકેટ ઝડપી છે. તેણે 5 વિકેટ 37 વખત અને 10 વિકેટ 8 વખત ઝડપી છે. આ ઉપરાંત 6 સદી અને 14 અડધી સદી પણ ફટકારી છે. તેનો સર્વોચ્ચ સ્કોર 124 રન છે. તેણે 116 વન ડેમાં 156 વિકેટ લીધી છે અને 707 રન પણ બનાવ્યા છે. ક્રિકેટના સૌથી ટૂંકા ફોર્મેટ ટી20ની 65 મેચમાં 72 વિકેટ ઝડપી છે. આઈપીએલની 211 મેચમાં તેણે 180 વિકેટ ઝડપવા સહિત 800 રન પણ બનાવ્યા છે.

આ પણ વાંચોઃ રવિચંદ્રન અશ્વિન વતન પરત ફર્યો, થયું ભવ્ય સ્વાગત, જૂઓ વીડિયો

 તમામ સમાચારથી અપડેટ રહેવા અમારી વૉટ્સએપ ચૅનલમાં જોડાવ – લિંક –  https://whatsapp.com/channel/0029VaqfJ6J3GJP7HcwkVF1S