અમેરિકાના વોશિંગ્ટનમાં ગોળીબારની એક ઘટના સામે આવી છે, જેમાં અનેક લોકોના મોત થયા છે. ડીસી પોલીસનું કહેવું છે કે ફાયરિંગની ઘટનાની તપાસ ચાલી રહી છે. રવિવારે, USમાં લોસ એન્જલસના એક પાર્કમાં ગોળીબારમાં બે લોકો માર્યા ગયા અને ઓછામાં ઓછા પાંચ લોકો ઘાયલ થયા. અધિકારીઓએ આ અંગે માહિતી આપી હતી. તેણે કહ્યું કે જ્યારે પાર્કમાં ફાયરિંગ થયું, તે સમયે ત્યાં કાર શો ચાલી રહ્યો હતો.
LAPDએ જણાવ્યું કે ગોળીબાર સાન પેડ્રોના પેક પાર્કમાં બપોરે 3:50 વાગ્યે થયો હતો. LAPDના જણાવ્યા અનુસાર ફાયરિંગની આ ઘટના કોઈ એક વ્યક્તિ દ્વારા કરવામાં આવી નથી.
Critical Incident Alert: MPD has responded to the 1500 block of F Street NE for a shooting. Preliminary reports of multiple victims. Updates to be provided from the on-scene PIO. Media briefing area will be shared shortly.
— DC Police Department (@DCPoliceDept) August 2, 2022
અગાઉ, લોસ એન્જલસ ફાયર વિભાગે જણાવ્યું હતું કે આ ઘટના કાર શોમાં અથવા તેની નજીક બની હતી અને ઓછામાં ઓછા ત્રણ લોકોને ગોળી વાગી હતી અને તેમાંથી બેની હાલત ગંભીર છે. ફાયર વિભાગના જણાવ્યા અનુસાર, આ ઘટનામાં ચાર પુરૂષો અને ત્રણ મહિલાઓ સહિત કુલ સાત લોકો ઘાયલ થયા હતા અને તેમને હોસ્પિટલમાં દાખલ કરવામાં આવ્યા હતા. પોલીસના જણાવ્યા અનુસાર આ ઘટનાના સંબંધમાં હજુ સુધી કોઈની ધરપકડ કરવામાં આવી નથી.
