શીઝાન ખાનની મુશ્કેલીઓ વધી : ડ્રગ્સ સહિત હિંસા અને ધર્માંતરણના લાગ્યા ગંભીર આરોપો
‘અલી બાબાઃ દાસ્તાન-એ-કાબુલ’ની લીડ એક્ટ્રેસ તુનિષા શર્માની આત્મહત્યા કેસમાં દિવસેને દિવસે વિવિધ એંગલો બહાર આવી રહ્યા છે. ત્યારે તાજેતરમાં જ તુનિષા શર્માની માતાએ આજે સવારે પ્રેસ કોન્ફરન્સ કરી હતી, જેમાં કેટલાક મોટા ખુલાસા થયા છે. તુનિષાની માતાએ તેના કથિત બોયફ્રેન્ડ અને કો-સ્ટાર શીઝાન ખાન પર ગંભીર આરોપો લગાવ્યા છે. તુનિષાની માતા વનીતા શર્માએ દાવો કર્યો છે કે આ હત્યાનો મામલો હોઈ શકે છે અને આ હત્યા બીજા કોઈએ નહીં પણ શીઝાને કરી હતો.
આ પણ વાંચો ; શીઝાનનું તુનિષા સિવાય અન્ય કોઈ યુવતી સાથે પણ અફેર હતું ? પોલિસે કરી પુષ્ટિ !
Tunisha informed me that Sheezan used to consume drugs on the sets. There were changes in Tunisha's behaviour. Sheezan forced her to follow Islam. She also posted on her Instagram that morning but what happened after that, we have no idea: Vanita Sharma, Tunisha’s mother pic.twitter.com/hUiZ2eUBcM
— ANI (@ANI) December 30, 2022
શીઝાન ખાન પણ ડ્રગ્સ લેતો હતો
તુનિષા શર્માની માતાએ કહ્યું હતું કે, શીઝાન ખાન પણ ડ્રગ્સ લેતો હતો. જો કે તે ક્યારે ડ્રગ્સ લેતો તેની ખબર નથી. મીડિયા સાથે વાત કરતા તુનિષા શર્માના કાકાએ કહ્યું કે, શીઝાન ખાનને મળ્યા બાદ તેની ભત્રીજીનું વર્તન બદલાવા લાગ્યું હતું. આ ઉપરાંત તુનિષાએ હિજાબ પહેરવાનું પણ શરૂ કર્યું હતું. આ સિવાય તે તુનિષા પર હાથ ઉપાડતો હતો. આમ, તુનિષા શર્માનો પરિવાર શીઝાન ખાન પર સતત મોટા આરોપો લગાવી રહ્યો છે, જેના કારણે અભિનેતાની મુશ્કેલીઓ વધી રહી છે.
શીઝાન ખાન તુનિષા પર ઇસ્લામ કબૂલ કરવા દબાણ કરતો
હાલમાં જ તુનિષા શર્માની માતા વનિતા શર્માએ આ પ્રેસ કોન્ફરન્સમાં એક તરફ અભિનેત્રીની માતાએ આ મુશ્કેલ સમયમાં તેમનો સાથ આપવા બદલ મીડિયાનો આભાર માન્યો, તો બીજી તરફ તેણે તુનિષા કેસમાં નામ આપવામાં આવેલા આરોપી શીઝાન પર ફરી એકવાર નવા આરોપો લગાવ્યા. તુનિષાની માતા વનિતાએ કહ્યું કે હું તુનિષાના મિત્રો અને મીડિયાનો આભાર માનવા માંગુ છું. અમે ઈચ્છીએ છીએ કે જ્યાં સુધી તુનિષાને ન્યાય ન મળે ત્યાં સુધી આ સંગઠન આ રીતે જ રહે. તે આત્મહત્યાનો પણ હત્યાનો કેસ ન હોઈ શકે કારણ કે તે તેણીને રૂમમાંથી બહાર લઈ ગયો હતો પરંતુ એમ્બ્યુલન્સને બોલાવી ન હતી. શીઝાન ખાન તુનિષા પર ઇસ્લામ સ્વીકારવા માટે દબાણ કરી રહ્યો હતો. તે ઈચ્છતો હતો કે તુનિષા તેનો ધર્મ બદલે અને તેને હિજાબ પહેરવા માટે દબાણ પણ કરી રહ્યો હતો. આટલું જ નહીં, અગાઉ વનિતા શર્માએ આરોપ લગાવ્યો છે કે શીઝાન તુનિષાને ઉર્દૂ પણ શીખવતો હતો.
Sheezan took her from the room but did not call the Ambulance. This can also be a murder… Sheezan forced her to wear Hijab as well: Vanita Sharma, Tunisha’s mother pic.twitter.com/29fsAzoEAY
— ANI (@ANI) December 30, 2022
જ્યારે શીઝાને તુનિષા પર હાથ ઉપાડ્યો હતો
આ સાથે તુનિષાની માતાએ આ પ્રેસ કોન્ફરન્સમાં શીઝાન પર શારીરિક હિંસાનો પણ આરોપ લગાવ્યો છે. વનિતા શર્મા કહે છે કે શીઝાને એક દિવસ તુનિષાને થપ્પડ મારી હતી. આ ઘટના ત્યારે બની જ્યારે તુનિષાએ તેના મોબાઈલમાં બીજી છોકરીની ચેટ જોઈ અને તેને તેના વિશે પૂછ્યું. અભિનેત્રીની માતાની આ વાત શારીરિક હિંસા તેમજ શીઝાનના વધુ છોકરીઓ સાથેના સંબંધો તરફ ઈશારો કરે છે.
શીઝાન ખાનની ગુપ્ત ગર્લફ્રેન્ડ હોવાનું પણ સામે આવ્યું
તુનિષા શર્મા આત્મહત્યા કેસની તપાસ કરી રહેલી પોલીસને મૃત્યુ સ્થળ પરથી 3 ફોન મળી આવ્યા છે, જેમાંથી 2 iPhone છે. આ સાથે પોલીસે તુનિષા શર્મા અને શીઝાન ખાનની ચેટ પણ મેળવી લીધી છે. તપાસ કરતી પોલીસને શીઝાન ખાનની ગુપ્ત પ્રેમિકાની ચેટ પણ મળી આવી છે. જણાવવામાં આવી રહ્યું છે કે જે દિવસે તુનિષા શર્માએ આત્મહત્યા કરી હતી તે દિવસે શીઝાન ખાને તેની ગુપ્ત ગર્લફ્રેન્ડ સાથે 2 કલાક સુધી વાત કરી હતી.
શીઝાન હાલ પોલીસ કસ્ટડીમાં
તમને જણાવી દઈએ કે, તુનિષા શર્માએ 24 ડિસેમ્બરે પોતાના શોના સેટ પર ફાંસી લગાવીને જીવનનો અંત આણી લીધો હતો. અભિનેત્રીએ તેના કો-સ્ટાર શીઝાન ખાનના મેક-અપ રૂમમાં ફાંસી લગાવી લીધી, જેના પગલે તેની માતાએ અભિનેતા પર તુનિષાની આત્મહત્યા માટે પ્રેરિત કરવાનો આરોપ લગાવ્યો. તુનિષાની આત્મહત્યા પાછળનું કારણ તેનું શીઝાન સાથેનું બ્રેકઅપ માનવામાં આવે છે. શીઝાન તુનિષા છોડી ગયો હતો. જેનાથી દુઃખી થઈને તુનિષાએ મોતને ભેટી હતી. શીઝાન પોલીસ કસ્ટડીમાં છે અને અભિનેતાએ તુનિષા સાથે સંબંધ હોવાની કબૂલાત કરી છે. પોલીસ સતત અભિનેતાની કડક પૂછપરછ કરી રહી છે.
