શિલ્પા શેટ્ટીએ પુત્ર વિયાનને તેના જન્મદિવસ પર ખાસ રીતે પાઠવી શુભેચ્છા, અભિનેત્રીએ શેર કર્યો એક ફની વીડિયો

શિલ્પા શેટ્ટી આજે તેના પુત્ર વિયાનનો 11મો જન્મદિવસ ઉજવી રહી છે. તેણે એક અનસીન વીડિયો શેર કરીને વિયાનને શુભેચ્છા પાઠવી છે. જેમાં વિયાન જાદુ કરતો જોવા મળે છે.શિલ્પા શેટ્ટીનો પુત્ર વિયાન આજે 11 વર્ષનો થઈ ગયો છે.પોતાની પોસ્ટ દ્વારા ચાહકોને અપડેટ કરતી શિલ્પાએ પુત્ર વિયાનના જન્મદિવસ નિમિત્તે એક જૂનો અને ખાસ વીડિયો શેર કર્યો છે. આ વીડિયોમાં વિયાન તેની માતાને એક ખાસ જાદુ બતાવી રહ્યો છે. જેને શિલ્પા ખૂબ એન્જોય કરી રહી છે. આ અવસર પર પિતા રાજ કુન્દ્રાએ પણ એક તસવીર શેર કરીને વિયાનને શુભેચ્છા પાઠવી છે. બંને પોતાના પુત્રનો જન્મદિવસ અલગ રીતે ઉજવી રહ્યા છે.

આ વિડિયોમાં દેખાય છે, વિયાન, વાદળી ટી-શર્ટ અને કાળી પેન્ટ પહેરે છે, તેના પગની આસપાસ ટુવાલ લપેટાયેલો છે. વીડિયોની શરૂઆત બાળકના રમુજી પરિચયથી થાય છે અને શિલ્પા કેમેરાની પાછળ હસતી જોવા મળે છે. વીડિયોમાં વિયાન કહી રહ્યો છે, ‘મારા બંને પગ ફ્લોર પર છે ને? હવે, હું તમારા માટે ઉડાન ભરીશ.’

શિલ્પાએ આ વીડિયોને એક ખાસ કેપ્શન આપ્યું છે

આ વીડિયોના કેપ્શનમાં શિલ્પાએ લખ્યું છે કે, ‘મને આ જૂનો વીડિયો ખૂબ જ ગમ્યો. તમને આ માનનીય પૌત્ર, પ્રેમાળ પુત્ર, ડિટેક્ટીવ સ્લીથ અને વિશ્વાસપાત્ર મિત્ર તરીકે મળવાનું ખૂબ જ ગર્વની જરૂર છે. મારા બાળકને 11મા જન્મદિવસની શુભેચ્છા. અમે તને પ્રેમ કરીએ છીએ. સાથો સાથ પુત્ર વિવાનના જન્મદિવસ પર રાજ કુન્દ્રાએ એક ખાસ પોસ્ટ પણ શેર કરી અને લખ્યું, ‘હેપ્પી બર્થડે મારા રોકસ્ટાર, માય લાઈફ, મારા પુત્ર, હું વિશ્વાસ નથી કરી શકતો કે તું 11 વર્ષનો છે.

આ પણ વાંચો : સલમાનને ફરી જાનથી મારી નાખવાની મળી ધમકી, આ વખતે ફોન કરનારે તારીખ પણ આપી