Salman Shehnaaz: સલમાન ખાને શહેનાઝ ગિલને કાઢી મૂકી ફિલ્મમાંથી?

શહેનાઝ ગિલ તેના બોલિવૂડ ડેબ્યૂને લઈને ઘણા સમયથી ચર્ચામાં હતી. અભિનેત્રીના ચાહકો પણ તેની એક્ટિંગને બોલિવૂડ ફિલ્મમાં જોવા માંગતા હતા. પરંતુ હવે જે સમાચાર સામે આવી રહ્યા છે તે જાણીને તમારું દિલ પણ તૂટી જશે. મીડિયા રિપોર્ટ્સ અનુસાર શહેનાઝ ગિલનું બોલિવૂડમાં ડેબ્યૂ કરવાનું સપનું ચકનાચૂર થઈ ગયું છે. સલમાન ખાનની ફિલ્મ ‘કભી ઈદ કભી દિવાળી’માંથી શહેનાઝને બહાર કરવામાં આવી છે. અભિનેત્રીએ તેને સોશિયલ મીડિયા પર અનફોલો પણ કરી દીધો છે.

સલમાને શહેનાઝને ફિલ્મમાંથી કરી બહાર?

શહનાઝ ગિલ વિશે છેલ્લા ઘણા દિવસોથી ચર્ચા હતી કે શહનાઝ ‘કભી ઈદ કભી દિવાળી’થી બોલિવૂડમાં ડેબ્યૂ કરવા જઈ રહી છે. શહેનાઝ ગિલને આ તક બોલીવુડના ભાઈજાન એટલે કે સલમાન ખાને આપી હતી, પરંતુ હવે લાગે છે કે સલમાન ખાને તેની પાસેથી આ તક છીનવી લીધી છે. આ સમાચાર સામે આવ્યા બાદ હવે ફેન્સ અલગ-અલગ વાતો કહી રહ્યા છે. ચાહકો એ જાણવા માંગે છે કે આખરે બંને વચ્ચે શું થયું. જો કે, શહનાઝને શા માટે ફિલ્મમાંથી બહારનો રસ્તો બતાવવામાં આવ્યો તે હજુ સ્પષ્ટ થયું નથી.

શહેનાઝે સલમાન ખાનને અનફોલો કર્યો 

તમને જણાવી દઈએ કે શહેનાઝ ગિલના ઘણા વીડિયો પણ સામે આવ્યા હતા.  જેમાં તે ફિલ્મના શૂટિંગ સેટ પર જોવા મળી હતી. અહેવાલો અનુસાર શહનાઝને સલમાન ખાનના સાળા એટલે કે આયુષ શર્માની સામે કાસ્ટ કરવામાં આવી હતી. પરંતુ હવે તે આ ફિલ્મમાં જોવા નહીં મળે અને લાગે છે કે તેણે આ વાતથી ગુસ્સે થઈને જ સલમાન ખાનને અનફોલો કરી દીધો હશે. પરંતુ ચાહકોએ ગભરાવાની જરૂર નથી કારણ કે શહનાઝના હાથમાં હજુ પણ બીજી બોલિવૂડની ફિલ્મ છે.

શહેનાઝની આગામી ફિલ્મ

સોશિયલ મીડિયા રિપોર્ટ્સ અનુસાર નિર્માતા રિયા કપૂરની આગામી ફિલ્મમાં શહેનાઝ ગિલ પણ હશે. અહેવાલ છે કે આ ફિલ્મ સાઈન થઈ ગઈ છે અને ટૂંક સમયમાં જ શહનાઝ તેના શૂટિંગ માટે વિદેશ જવાની છે. આ ફિલ્મમાં ભૂમિ પેડનેકર અને અનિલ કપૂર પણ હશે. હવે જોવાનું એ રહેશે કે શહનાઝનું બોલિવૂડમાં ડેબ્યૂ કરવાનું સપનું પૂરું થશે કે નહીં.