She Season 2 Trailer Out: અદિતિ પોહનકર દમદાર ભૂમિકામાં જોવા મળી
ઓટીટી પ્લેટફોર્મ પરના કેટલાક શ્રેષ્ઠ ક્રાઈમ ડ્રામા શોમાં ઈમ્તિયાઝ અલી દ્વારા ‘શી’નો સમાવેશ થાય છે. આ શોની પ્રથમ સિઝનને દર્શકો દ્વારા ખૂબ પસંદ કરવામાં આવી હતી. શોની બીજી સિઝનની આતુરતાપૂર્વક રાહ જોવાઈ રહી હતી, જે સમાપ્ત થવા જઈ રહી છે. નેટફ્લિક્સે પહેલા જ બીજી સિઝનની રિલીઝ ડેટ જાહેર કરી દીધી હતી. હવે તેનું ટ્રેલર પણ બુધવારે રિલીઝ કરવામાં આવ્યું છે.
Kya ye Bhumi ki kahani ka ant hoga ya phir bas uski shuruaat?
Watch the next chapter of her story from #ImtiazAli in #SheS2, dropping on 17th June, only on Netflix! pic.twitter.com/MlFRw47fd5— Netflix India (@NetflixIndia) June 8, 2022
અદિતિ એસ પોહનકર સ્ટારર વેબ સિરીઝ “આશ્રમ સીઝન 3” 3જૂને MX પ્લેયર પર સ્ટ્રીમ કરવામાં આવી છે. જ્યારે આજે અદિતિ એસ પોહનકરની આગામી ક્રાઈમ-ડ્રામા વેબ સિરીઝ ‘શી સીઝન 2’ નું ટ્રેલર નેટફ્લિક્સ પર રિલીઝ કરવામાં આવ્યું છે. She ની પહેલી સીઝન વર્ષ 2020 માં રિલીઝ થઈ હતી.
ટ્રેલરમાં અદિતિ એસ પોહનકરનું પાત્ર ભૂમિકા પરદેસી કોન્સ્ટેબલ તરીકે દર્શાવવામાં આવ્યું છે. જેને ડ્રગ માફિયા ગેંગનો પર્દાફાશ કરવા માટે અંડર કવર ઓપરેશન માટે પસંદ કરવામાં આવી છે. જ્યારે ગત સિઝનમાં ભૂમિકાને પોલીસ માટે કામ કરતી બતાવવામાં આવી હતી. પરંતુ આ સિઝન એકદમ અલગ રહેવાની છે. આ સિઝનમાં ભૂમિકા અન્ડર-કવર ઓપરેશનની આડમાં ડ્રગ માફિયાઓ માટે કામ કરતી જોવા મળશે. ત્યારે ટ્રેલર જોયા બાદ ફેન્સ પણ ખુબ ઉત્સાહિત જોવા મળી રહ્યાં છે અને કોમેન્ટ કરીને પોતાની ખુશી વ્યક્ત કરી રહ્યા છે. શોમાં અદિતિ ઉપરાંત વિજય વર્મા, કિશોર કુમાર જી, વિશ્વાસ કિની, સાકિબ અયુબ જેવા કલાકારો મહત્વની ભૂમિકા ભજવે છે.
ભારતીય ક્રાઇમ ડ્રામા વેબ સિરીઝ ‘શી’ વર્ષ 2020 માં નેટફ્લિક્સ પર સ્ટ્રીમ કરવામાં આવી હતી. પ્રથમ સીઝન ખૂબ જ સસ્પેન્સફુલ મોડ પર સમાપ્ત થઈ. ત્યારબાદ ચાહકો તેની બીજી સીઝનની રાહ જોઈ રહ્યા હતા. આ ટ્રેલરમાં સીઝન 2 ના ઘણા રસપ્રદ મોડ રજૂ કરવામાં આવ્યા છે. જેના કારણે ચાહકોની ઉત્સુકતા ઘણી વધી ગઈ છે. જ્યારે ‘શી’ સીઝન 2 નેટફ્લિક્સ પર 17 જૂને સ્ટ્રીમ કરવામાં આવશે.
અદિતિ પોહનકર અગાઉ એમએક્સ પ્લેયરની વેબ સિરીઝ આશ્રમની ત્રીજી સીઝનમાં જોવા મળી હતી. આ સિરીઝમાં અદિતિના અભિનયની પણ ખૂબ પ્રશંસા કરવામાં આવી હતી. આ સિરીઝમાં બોબી દેઓલ બાબા નિરાલાનું પાત્ર ભજવે છે. ત્યારે આ સિરીઝની ચોથી સિઝનની પણ જાહેરાત કરવામાં આવી છે.
