‘પાગલ થઈ ગઈ છે, તેને બહાર કાઢો’, દિગ્વિજય સિંહ મહિલા પર થયા ગુસ્સે, જૂઓ વીડિયો

• ભાજપના પ્રવક્તા નરેન્દ્ર સલુજાએ X પર એક વીડિયો શેર કર્યો છે, જેમાં પૂર્વ મુખ્યમંત્રી દિગ્વિજય સિંહની હાજરીમાં તેમના સુરક્ષાકર્મી એક મહિલાને તેમની પાસે પહોંચતા રોકી રહ્યા છે

ગ્વાલિયર, 21 ફેબ્રુઆરી: મધ્યપ્રદેશના પૂર્વ મુખ્યમંત્રી દિગ્વિજય સિંહ આ દિવસોમાં રાજ્યના વિવિધ ભાગોની મુલાકાતે છે. અત્યારે તેઓ ગ્વાલિયરની મુલાકાતે પહોંચ્યા છે. આ દરમિયાન જ્યારે એક મહિલા તેમને મળવા આવી ત્યારે તેમના સુરક્ષાકર્મીએ દિગ્વિજય સિંહની હાજરીમાં તેની સાથે ખરાબ વર્તન કર્યું. જેના પર ભાજપે કટાક્ષ કરતા કહ્યું કે, “આ છે કોંગ્રેસની મોહબ્બતની દુકાન.”

મહિલાને નજીક આવતી જોઈને દિગ્વિજય સિંહ ગુસ્સે થયા

વાસ્તવમાં, આ ઘટના બુધવારે સવારે બની જ્યારે દિગ્વિજય સિંહ ગ્વાલિયરના સિટી સેન્ટરમાં સ્થિત એક ખાનગી હોટલમાં તેમના કાર્યકરોને મળી રહ્યા હતા. આ દરમિયાન દિગ્વિજય સિંહ એક બાજુ ઉભા રહીને કોંગ્રેસના ભીંડ જિલ્લા અધ્યક્ષ માનસિંહ કુશવાહ સાથે વાત કરી રહ્યા હતા. તે જ સમયે એક મહિલા તેમના નેતા દિગ્વિજય સિંહને મળવા આગળ વધી. આ જોઈને દિગ્વિજય સિંહના ગાર્ડે તેને રોકી અને ત્યાંથી જવાનું કહ્યું. મહિલાને નજીક આવતી જોઈને દિગ્વિજય સિંહ પણ ગુસ્સે થઈ ગયા. તેમણે કહ્યું કે આ સ્ત્રી પાગલ થઈ ગઈ છે, તેને બહાર કાઢો. ત્યાર બાદ દિગ્વિજય સિંહના ગાર્ડે મહિલાને ત્યાંથી ધક્કો મારીને બહાર કાઢી હતી.

બીજેપી નેતાએ વીડિયો શેર કર્યો

ભાજપના પ્રવક્તા નરેન્દ્ર સલુજાએ સોશિયલ મીડિયા પ્લેટ ફોમ X પર એક વીડિયો શેર કર્યો છે, જેમાં પૂર્વ મુખ્યમંત્રી દિગ્વિજય સિંહની હાજરીમાં તેમના સુરક્ષાકર્મી એક મહિલાને તેમની પાસે પહોંચતા રોકી રહ્યા છે. પૂર્વ મુખ્યમંત્રી પણ મહિલાને બહાર કાઢવાનો ઈશારો કરતા વીડિયોમાં જોવા મળે છે. વીડિયોની સાથે નરેન્દ્ર સલુજાએ લખ્યું કે, “આ છે કોંગ્રેસની મહોબ્બતની દુકાન. કોંગ્રેસના નેતાઓ મહિલાઓનું કેટલું સન્માન કરે છે તેનું આ ઉદાહરણ છે. ગઈકાલે દિગ્વિજય સિંહ શિવપુરીમાં પેટીકોટ કલ્ચર પર વાત કરી રહ્યા હતા અને આજે તેઓ ગ્વાલિયરના રાઠોગઢમાં રોકાયા હતા. કોંગ્રેસ મહિલા અધિકારીને ‘પાગલ મહિલા’ કહીને સંબોધે છે.

અહીં જૂઓ વીડિયો:

यह है कांग्रेस की मोहब्बत की दुकान….

महिलाओं का कांग्रेस नेता करते है कितना सम्मान , यह है उसका उदाहरण…

कल शिवपुरी में पेटीकोट संस्कृति पर बात कर रहे थे दिग्विजय सिंह और आज ग्वालियर में राघौगढ़ रहने वाली कांग्रेस की ही महिला पदाधिकारी को “पागल औरत” कह कर संबोधित कर रहे… pic.twitter.com/wLoB2FnXre

— Narendra Saluja (@NarendraSaluja) February 21, 2024

નરેન્દ્ર સલુજાએ આગળ લખ્યું, “દિગ્વિજય સિંહ તેમના સુરક્ષા કર્મચારીઓને કહી રહ્યા છે કે તેમને બહાર લઈ જાઓ, એટલું જ નહીં, તેમના સુરક્ષાકર્મીઓ આ મહિલાને તેમની સામે ધક્કો મારી રહ્યા છે. ત્યાર બાદ તેમણે સવાલ કર્યો હતો તે કે કયાં છે મહિલા છું હું લડી શકું છું ફેમ પ્રિયંકા ગાંધી?

આ પણ વાંચો: બચપન કે દિન ભૂલા ન દેના…મુક્ત મને હિંચકાનો આનંદ માણતી મહિલાનો વીડિયો વાયરલ