મહારાષ્ટ્ર ચૂંટણી પહેલા શરદ પવારને મળશે Z પ્લસ સુરક્ષા, કેન્દ્ર સરકારનો મોટો નિર્ણય
- મહારાષ્ટ્રમાં વિધાનસભા ચૂંટણી પહેલા કેન્દ્ર સરકારે મોટો નિર્ણય લીધો છે. કેન્દ્રએ રાષ્ટ્રવાદી કોંગ્રેસ પાર્ટી (NCP-SP)ના વડા શરદ પવારને Z પ્લસ સુરક્ષા પ્રદાન કરી છે
મહારાષ્ટ્ર, 21 ઓગસ્ટ: મહારાષ્ટ્રમાં વિધાનસભા ચૂંટણી પહેલા કેન્દ્ર સરકારે મોટો નિર્ણય લીધો છે. કેન્દ્રએ રાષ્ટ્રવાદી કોંગ્રેસ પાર્ટી (NCP-SP)ના વડા શરદ પવારને Z પ્લસ સુરક્ષા પ્રદાન કરી છે. કેન્દ્રીય ગૃહ મંત્રાલયે સેન્ટ્રલ રિઝર્વ પોલીસ ફોર્સ (CRPF)ને 83 વર્ષીય મહારાષ્ટ્રના પૂર્વ મુખ્યમંત્રી શરદ પવારને આ સુરક્ષા આપવા માટે સૂચના આપી છે. આ કામ માટે CRPFના 55 સશસ્ત્ર જવાનોની ટીમ નિયુક્ત કરવામાં આવી છે.
કેન્દ્રીય એજન્સીઓ દ્વારા ધમકીના મૂલ્યાંકનની સમીક્ષા કર્યા પછી શરદ પવારને Z Plus સુરક્ષા પ્રદાન કરવાની ભલામણ કરવામાં આવી હતી. સૂત્રોએ જણાવ્યું કે કેન્દ્ર સરકારે તેમને VIP સુરક્ષા આપવાનો નિર્ણય કર્યો છે.
Centre accords Z-plus armed VIP security cover to NCP (SP) chief Sharad Pawar: Officials
— Press Trust of India (@PTI_News) August 21, 2024
Z Plus શ્રેણીની સુરક્ષા શું છે?
સુરક્ષાની યલો બુક અનુસાર શરદ પવારને Z પ્લસ કેટેગરીની સુરક્ષા આપવામાં આવી છે. તેમની આસપાસ કડક સુરક્ષા ગોઠવવામાં આવશે. સૂત્રો પાસેથી મળેલી માહિતી મુજબ તેમની સુરક્ષા માટે 58 કમાન્ડો તૈનાત રહેશે.
યલો બુક ઓફ સિક્યોરિટી મામલા અનુસાર, Z પ્લસ કેટેગરીની સુરક્ષામાં એક સમયે 10 સશસ્ત્ર સ્ટેટિક ગાર્ડ, 6 PSO રાઉન્ડ ધ ક્લોક, 2 એસ્કોર્ટ્સમાં 24 જવાન, 2 શિફ્ટમાં 5 વોચર્સનો સમાવેશ થાય છે. ઇન્સ્પેક્ટર અથવા સબ-ઇન્સ્પેક્ટરને ઇન્ચાર્જ તરીકે મૂકવામાં આવે છે. VIPના ઘરે આવતા અને જતા લોકો માટે છ ફ્રિસ્કિંગ અને સ્ક્રીનિંગ કર્મચારીઓ તૈનાત કરવામાં આવે છે. તેમજ 6 ડ્રાઈવરો રાઉન્ડ ધ ક્લોક ટ્રેન્ડ હોય છે.
સુરક્ષાની અન્ય શ્રેણીઓ:
Z શ્રેણી સુરક્ષા
Z શ્રેણીની સુરક્ષા માટે કુલ 33 સુરક્ષા ગાર્ડ તૈનાત હોય છે. સશસ્ત્ર દળોના 10 સશસ્ત્ર સ્ટેટિક ગાર્ડ VIPના ઘરે રોકાય છે. 6 રાઉન્ડ ધ ક્લોક PSO, 12 સશસ્ત્ર એસ્કોર્ટ કમાન્ડો ત્રણ શિફ્ટમાં, 2 પાળીમાં વોચર્સ અને 3 પ્રશિક્ષિત ડ્રાઇવરો ચોવીસ કલાક હાજર રહે છે.
Y પ્લસ શ્રેણી સુરક્ષા
આ પ્રકારની સુરક્ષામાં સશસ્ત્ર પોલીસના 11 કમાન્ડો તૈનાત હોય છે જેમાં 58 સ્ટેટિક પોલીસ કર્મચારીઓ તેમની સુરક્ષા માટે VIPના ઘરોમાં અને તેની આસપાસ રહે છે. ઉપરાંત, 6 PSO ત્રણ શિફ્ટમાં સુરક્ષા પૂરી પાડે છે.
Y શ્રેણી સુરક્ષા
આ રક્ષણ એવા લોકોને આપવામાં આવે છે જેઓ ઓછા જોખમમાં હોય. આમાં કુલ 8 સુરક્ષાકર્મીઓ સામેલ હોય છે. આમાં, જે VIPને સુરક્ષા આપવામાં આવે છે, તેના ઘરે પાંચ સશસ્ત્ર સ્ટેટિક ગાર્ડ તૈનાત કરવામાં આવે છે અને ત્રણ PSO ત્રણ શિફ્ટમાં સુરક્ષા પૂરી પાડે છે.
આ પણ વાંચો: થલાપતિ વિજયે શરૂ કરી ચૂંટણીની તૈયારીઓ, આ તારીખે બહાર પાડશે પાર્ટીનો ઝંડો
