શાહરૂખના પુત્ર અબરામે કરી શાનદાર બોલિંગ, રિંકુ સિંહ સાથે મેચ રમતા Video થયો વાયરલ
HD ન્યૂઝ ડેસ્ક, 29 એપ્રિલ : સુપરસ્ટાર શાહરૂખ ખાન અને ગૌરી ખાનનો નાનો પુત્ર અબરામ ખાન ઈન્ડસ્ટ્રીના ફેમસ સ્ટાર કિડ્સમાંથી એક છે. જો કે, અબરામ તેના ભાઈ આર્યન અને બહેન સુહાનાની જેમ વધુ લાઇમલાઇટમાં નથી. પરંતુ જ્યારે પણ અબરામ ક્યાંય જોવા મળે છે ત્યારે તે ફેમસ થઈ જાય છે. આ દિવસોમાં અબરામ તેના પિતા શાહરૂખ ખાન સાથે IPL મેચની મજા માણતો જોવા મળે છે. તેની એક તસવીર પણ વાયરલ થઈરહી છે, જેમાં તે કોલકાતા નાઈટ રાઈડર્સની હાર બાદ નિરાશ દેખાઈ રહ્યો હતો. હાલમાં જ અબરામનો એક નવો વીડિયો સામે આવ્યો છે, જેમાં તે મેચ રમતા જોવા મળી રહ્યો છે.
📸Rinku Singh faces little boy Abram during fun session between the practice.💜pic.twitter.com/i31f34F0Ns
— KKR Vibe (@KnightsVibe) April 28, 2024
અબરામેં બોલિંગ કરી
વાયરલ થઈ રહેલા આ વીડિયોમાં તમે જોઈ શકો છો કે શાહરૂખ ખાનનો નાનો દીકરો અબરામ ઈડન ગાર્ડન્સમાં પ્રેક્ટિસ સેશનમાં KKR ટીમ સાથે ક્રિકેટ રમતા જોવા મળે છે. આ દરમિયાન અબરામે રિંકુને વાઈડ યોર્કર ફેંક્યું જેનાથી બેટ્સમેનો ચોંકી ગયા. અબરામની આ સ્ટાઈલ જોઈને ખુદ શાહરૂખ પણ જોતો જ રહી જાય છે. હવે અબરામનો આ વીડિયો સોશિયલ મીડિયા પર વાયરલ થઈ રહ્યો છે. સાથે જ લોકો તેની ક્યુટનેસના વખાણ પણ કરતા જોવા મળે છે. ક્રિકેટ સિવાય અબરામને ગિટારનો પણ ઘણો શોખ છે. થોડા સમય પહેલા તેની એક તસવીર વાયરલ થઈ હતી, જેમાં તે ગિટાર વગાડતો જોવા મળ્યો હતો. અબરામની એક્ટિંગ પણ ઘણી સારી છે. તે હંમેશા સ્કૂલ ફંક્શનમાં પોતાના અભિનયથી લોકોના દિલ જીતી લે છે.
શાહરૂખ ખાનનો વર્કફ્રન્ટ
જો શાહરૂખ ખાનના વર્ક ફ્રન્ટની વાત કરીએ તો તે છેલ્લે ફિલ્મ ‘ડંકી’માં જોવા મળ્યો હતો. શાહરૂખ ખાનની ફિલ્મ ‘ડંકી’એ બોક્સ ઓફિસ પર સારું કલેક્શન કર્યું હતું. હવે શાહરૂખ ખાન ટૂંક સમયમાં ફિલ્મ ‘કિંગ’માં જોવા મળશે.
આ પણ વાંચો :દિલ્હી પોલીસે તેલંગાણાના CM રેવન્ત રેડ્ડીને પાઠવ્યું સમન્સ,જાણો કેમ ?
