શાહરુખે આપી બર્થ ડે ગિફ્ટઃ ડંકીનું ટીઝર રીલીઝ થતા ચાહકો બન્યા ગાંડાતૂર

• આજે સુપર સ્ટાર શાહરૂખ ખાનના જન્મદિવસ પર ‘ડંકી’નું ટીઝર રીલીઝ કરાતા ચાહકો ક્રેઝી બન્યા. જન્મદિવસ પર પોતાના ફેવરિટ સ્ટારની એક ઝલક જોવા ‘મન્નત’ની બહાર લાઇનો લગાવી

બોલિવૂડનો ‘બાદશાહ’ શાહરૂખ ખાન આજે 58 વર્ષનો થઈ ગયો છે. ચાહકો તેને તેના જન્મદિવસ પર ખૂબ ખૂબ શુભેચ્છાઓ પાઠવી રહ્યા છે. શાહરૂખને કિંગ ખાન એમ જ નથી કહેવાતો. તેણે તેની ફિલ્મોથી, તેના અભિનયથી એ વાત સાબિત કરી છે. કિંગખાનનો તાજ તેના માથેથી નજીકના ભવિષ્યમાં તો કોઇ નહીં જ લઇ શકે તે નિશ્વિત છે. ચાર વર્ષના લાંબા ગાળા બાદ 2023માં શાહરૂખની બે ફિલ્મો રિલીઝ થઈ હતી અને બંને ફિલ્મોએ લગભગ 2200 કરોડ રૂપિયાનો બિઝનેસ કર્યો છે, પરંતુ ‘પિક્ચર અભી બાકી હે મેરે દોસ્ત’ની જેમ જ કિંગ ખાનની અસલી ફિલ્મ તો હજુ રિલીઝ થવાની બાકી છે, જેની ચાહકો આતુરતાથી રાહ જોઈ રહ્યા છે.

SRK – RAJKUMAR HIRANI: ‘DUNKI’ TEASER IS HERE… The video unit is EXCEPTIONAL… #DunkiDrop1 – a glimpse into the world of #Dunki – arrives on #SRK’s birthday today… In cinemas on #Christmas2023.#SRK #RajkumarHirani #JioStudios #GauriKhan #DunkiTeaser pic.twitter.com/g8ZqqzCYqS

— taran adarsh (@taran_adarsh) November 2, 2023

જન્મદિવસ પર રીલીઝ કર્યુ ‘ડંકી’નું ટીઝર

શાહરૂખ ખાનની ફિલ્મ ‘જવાન’ અને ‘પઠાણ’ની જેમ જ ‘ડંકી’ કમાણીના રેકોર્ડ તોડી શકે છે. આ ફિલ્મનું ટીઝર શાહરૂખ ખાનના જન્મદિવસ પર રિલીઝ કરવામાં આવ્યું છે, જેને લોકો ખૂબ પસંદ કરી રહ્યા છે. આ ફિલ્મ પાસેથી વધુ અપેક્ષાઓ છે કારણ કે તેના દિગ્દર્શક રાજકુમાર હિરાણી છે, જેમની ફિલ્મ આજ સુધી ફ્લોપ નથી થઈ. ‘મુન્નાભાઈ એમબીબીએસ’, ‘લગે રહો મુન્નાભાઈ’, ‘3 ઈડિયટ્સ’, ‘પીકે’, ‘સંજુ’ તમામ ફિલ્મોએ કમાણીના મામલે એક પછી એક રેકોર્ડ બનાવ્યા છે. ડંકીનુ ટીઝર રીલીઝ થયા બાદ શાહરૂખના બંગલા મન્નત બહાર ચાહકોની લાઇન લાગી છે. ચાહકો તેમના માનીતા સ્ટારની એક ઝલક જોવા ઉમટી પડ્યા છે.

Happy Birthday Shah Rukh Khan #DunkiTeaser

Huge crowd near Mannat for a glimpse of @iamsrk #HappyBirthdaySRKpic.twitter.com/see4ZHcsC2

— 𝒀𝒐𝒖𝒏𝒖𝒔 (@Playbowled) November 2, 2023

રાજકુમાર હિરાણી એટલે સુપરહિટ ફિલ્મોની ગેરંટી

હિરાણીએ પોતાની 20 વર્ષની કારકિર્દીમાં માત્ર 5 ફિલ્મો જ ડિરેક્ટ કરી છે અને તે તમામ બોક્સ ઓફિસ પર ઘણી સફળ સાબિત થઈ છે. આશ્ચર્યની વાત એ છે કે રાજકુમાર હિરાની અને શાહરૂખ ખાને પહેલીવાર સાથે કામ કર્યું છે. આવી સ્થિતિમાં ‘ડંકી’ના નિર્માણમાં કોઈ કસર રાખવામાં આવી નથી. મળતી માહિતી મુજબ ‘ડંકી’ બોક્સ ઓફિસ પર ‘જવાન’ અને ‘પઠાણ’ કરતા વધુ કમાણી કરી શકે છે. ‘ડંકી’ ક્રિસમસના દરમિયાન 22 ડિસેમ્બર, 2023ના રોજ રિલીઝ થશે.

આ પણ વાંચોઃ ખીચડી-2ના ટ્રેલરમાં મોજ પડીઃ વિશ્વને બચાવવાના મિશન પર નીકળ્યો પારેખ પરિવાર